| |||||||
| التسجيل | التعليمـــات | صندوق المحادثات كاملا | قائمة الأعضاء | الأوسـمـة | التقويم | البحث | مشاركات اليوم | اجعل كافة الأقسام مقروءة |
| مجلس الفرفشه والترفيه نكت فرفشة ضحك مقالب |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
 |  |
 |  |  |  |  |
 |
| | LinkBack | أدوات الموضوع | إبحث في الموضوع |
|
#1 
28-11-2002, - 12:55 PM
| |||||
| |||||
 اصعب يوووم مر على برمضاااان (لايفوتكم ) هلا وغلا بالمهابيل جميع هلا بحبايبي هلابعزوتى .. اليوم بقولكم قصه حصلت معاااى قبل يومين كنت ذيك الليله سهرانه عند عمتي وبناتها المراجيج الين وقت السحور عاد يوم جا وقت السحوردق علي صويلح الموبااااايل=== احلى عندها موبايل المهم قلت خير وش تبي قال بسررررررررعه اطلعي انا عند الباب قلت بدري طيب تعال ادخل خلنا نتسحر بعدين نمشي ما بقى شي على آذان الفجر قال لا انا توني متسحر مع ربعي قلت بس انا ما تسرحت قال احسن خلك تخفين شوي ===== يعني هو اللي رشيق الحين قلت امري لله ودعت عمتي وبناتها ولبست عبايتي وطلعت ‘ ç==== طيب لزمو قولي تكفين اجلسي ركبت مع صلوحي واقلع فيني قلت طيب مر بيتزا بشتري لي سحور قال سوري ما بجيبي ولا ريال طيب مر ماكدونالز على الاقل اشم الريحه بس برضه ماكو فااااايده ==== عنييييييد ايوه شبعان وش وراه دخلنا لبيتنا على آذان الفجر وعلى طوووووول دخلت غرفتي وقفلتها 3 اقفال وانجدعت على سريري ومن شده الجوع نمت يوم صارت الساعه 12 الظهر جت ماما تصحيني === علشان اسوي سمبوسه وشوربه وقطايف قمت مفجوعه من ضرب الغرفه طيب طيب بغير ملابسي وافتح رحت بفتح البااااااااب ؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ عيا لا يتفح وش السالفه احاول يمين يسااااااااااار ماكو فااااايده مصلب مو راضي قالت امي وش قصة بابك هذا قلت والله اسألي زوجك اللي لي 4 شهور اقوله ترى المفتاح معوج ومطنشني ==== زوجها يصير ابوي شفتي هذه اخرتها انكسر المفتاح وعطيتها المفتاح المكسور من تحت الباب قالت امي اجل خلاص روحي كمل نومك الين يرجع ابوك من عمله او اصبري اللين يصحى صويلح من نوومه عاد انا فرحت ما ودي اشتغل بالمطبخ ورجعت دقيتها نوووووووومه الين الساعه 4ونص باقي على الفطور ساعه ولا احد جا يفتح الباب ورجعت قلت بنام الين يجي ابوي غمضت وصحيت على صوت خبط طرااااااخ طييييييييخ طااااااااااااااااااخ ابشركم ابوي وصل ويحاول يفتح الباب انا اللي قاهرني اني بموت جوع ولا بقى شي على الآذان شوي وجا صويح وش فيكم قال ابوي صح النوم يا فطيس ما بغيت تصحى يا دب النوم رح بسررعه للنجار ابو ناصر اللي ورى المسجد قله يجيب العده ويجي يفتح الباب قال صويلح بكل لعاااااااانه لا لا لا لا باقي الحين على الآذان 5 دقايق ما يمديني واكيد النجار راح يفطر خلها بعد الفطور شوي واسمع امي تنادي ابوي يالله يا ابو صويلح يا بعد روحي الفطور جاهز تعال يا وليدي يا صويلح لا تبرد الشوربه <===== وانا مو بنتهم جاطليني هيء هيء هيء هيء راحو وخلوني واللي قاهرني اني ورى الباب واشم ريحه الفطور والقهوة واللقيمات دقيت على صويلح جوال الووووووو صلوحي وش تسوي قال جالس افطر قلت طيب تكفى يا حبيلك عطني من تحت الباب حبه تمره ما قصرقال طرررررربق وقفل بوجهي الخط قالت امي والله الغلااا نسيناها ما فطرت ===== تو الناس جت امي مرست لي تمره ودخلتها من تحت الباب والحمد لله اكلتها ومن جوعي نسيت اطلع العجم اللي داخلها شوي قالت لي امي تبين قهوة قلت والله ابي ========= كييفه قهوة تعرف امي وتجيب دله القهوه وتحط فيها هوز الحوش اللي نسقى فيه الزرع وتدخله لي من تحت الباب وجلست اتقهوى شوي الا يوم جا صويلح يناديني ====== غليييييو يحب يقهرني هذا تخصصه اممممممممممممم يا الغلااا اليوم السمبوسه رهيبه مره مره قلت تكفى عطني قال وشلون فتحه الباب صغيره والسمبوسه مستصحه قلت حرام عليك حاول وانا اختك تكسب فيني اجر تدرون وش سوى فك السمبوسه وصار يرسلها لي علىدفعات يعني ارسل الحشوه لوحدها والعجينه لوحدها ====== بعد ما تمرمست بالموكيت وصار لونها شي ؟!! وامي يا حبيلها طلعت الحوش وربطت لي قدر العشا بحبل وسحبته من الشباك وتربعت فوق فراشي وتعشيت الحمد لله افطرت أخيراااااااااااااا ابشركم دق الباب وصل النجاااااارهو وعدته والله صوته يقول انه سباك مو نجار انا طفشت رحت وفتحت الكمبيوتر وجلست ادقق عليها اللين ما ينتهي الشيخ ما بقى سكين ما جابوها ولا بقى مفك ما استخدموه ولا بقى مطرقه ما ظربوها ولا فيه فاااااايده شوي ولا اسمع صوت قلت لابوي وش السالفه وين النجار قال ابوي والله يا بنتي عجز وهو يحاول خلاص خليك بالغرفه الليله الين ربك يسهلها لا لا لا لا لا حرام تكفون بموت كذا قلت امري لله يا يبه بجلس واستنى والشكوى لله صارت الساعه 3 الفجر وانا فاتحه الجهاز وجالسه ادردش مع ربعي بالماسنجر شوي الا سمعت صوت صويلح فاتح الباب وجاي من برى طرى على فكره ؟ صويلح يموت بوحده من زميلاتي اسمها سميره يوم شفته وصل ناديته من ورى الباب صوويلح صويلح ومااااااحي صويلح وعله ========= تدلعه عااااااادي قال هااااا وانتي للحين مسجونه ما فتحو الباب احسن خلينا نرتاح من هبالك وصرقعتك قال وش تبين؟؟ قلت ترى سميره معي على الماسنجر وتقول تبي تكلمك قال هااااااااااااااااااا وشووووووووووووو معقووووووووووول طيب كيف اكلمها وغرفتك مقفوله قلت والله مدري تصرف ودق جوالي قلت بصوت عااااااااااالي هلا والله سميره وش اخبارك صووووووويلح لا مو عندي وش تبين فيه والله ما يقدر يكلمك انا بغرفتي ومقفوله وهو ما يقدر يكلمك قا صويح تراااني موجود يا حبي اقدر اقدر اقدر قلت تقدر كييييييييييييييييييف ؟؟ شوي الا يوم سمعت زحييييييييييير صويلح <===== صوت الاسد الحين وشفت غباااااااااااااره من ورى خرم الباب وبلحظه انفك الباب من مسااااااميره وانقلع من جداره وصار بالارض انا عيونننننننني طاااااايره <===== وش ذا مفترى فتوه مو اخوي وكل هذا بسبب شوته معتبره من صويلح ===== هولق هوقن على غفلهاو كرندايزر ودخل علي هو والباب سوى قال وين الجوال؟ قلت أي جوال قال سميره؟ قلت وش سميره قال الماسنجر؟ قلا أي ماسنجر قال حبيبتي؟ قلت وش حبيبتيك قال غلييييييو تضحكين علي قلت اهم شي انك فتحت الباب <=== ما بغيتووووووووو تفتحونه وخر وخر خلني اروح المطبخ اسوي لي سحور بكرى صيااااااام تحيـــــــــــــــــــــاتى لحلا جــــــــــــــــــوارح ..  |
| روابط دعائية |
|
28-11-2002, - 01:50 PM
| #2 |
| جــارح مـاله مثـيل    
| لوووووووووووووووووووووووووول خوووووووووووش قصة تسلم يدينج عالقصة الحلوة غلا للاتبخلين علينا بالقصص الحلوة هذه اللي من صاحبتها القمر يالله أستأذن باااااااااااااااااي:) تقبلي تحياااااااتي أخوج سحوووووووووووور;) |
 |
|
30-11-2002, - 05:42 AM
| #3 |
| عذب الشعر
| خوش قصه يالغلاااا وخوش خبال وما ينلامون فيك 00 وتستاهلين ويعله دوم وشنهو بعد هالخبصه اللي قلتها 00 كل اللي صار معاك كوم والهوز حق الحوش كوم ثاني 00 ماشاء الله على هالنفس اللي عندك يالدبه 000 بعدين شلون يصير معاك كل هالشي وما علمتيني يوم اني على الماسنجر 00 أوريك 00 واحد واثق حيل 000 عموما الف حمدلله على سلامتك يالغلااااا 00 والله لايحرمنا من خبالك 00 عفواً خربناها 00 قصدي من ابداعك 000 تقبلي اعجابي المتزايد لشخصك الغالي 0000 أخوك 000 |
| |
|
03-12-2002, - 11:05 PM
| #4 |
| رائع من روائع الجوارح
| [c] وتتكرر المأساة مرة اخرى .. :D مثل ماصار معاى يا غلا نجد فى ليلة 15/9 تكرر معاك ثانى ولاكن اشوه الحمد لله انا على الاقل تقفل علي الباب 13 ساعه بس ماهو بيوم كامل تدرين ليش صار معاك كذا يا غلا نجد ؟ عشان لما قعدتوا تتشمتون فينى وتعلقون على اللى صار معاى ربى اراد انه ينتقم منك انتى بالذات يالصرقوعه الدجه ههههههههههههههههههههههاااااااى شفتوا ماقلت لكم لاتتشمتون ماسمعتى الكلام يا صرقوعه :p احسن تستاهلين .. <===== وده بالوجه اللى يمد لسان (قريبا على شاشه الجوارح هذا اللسان ) :D وتحمدين ربك ان الله فزع لك بفكرة سميرة وحب صويلح المغامر لها اللى افنى بكل قوته وعنفوانه حتى استطاع انه يكسر الباب ويكحل ناظره بحروف سميرة ( سميرة = مرت نامق اللى فى عدنان ولينا ) ياخوفى يكون صويلح هو نامق 2003 ههههههههههههههههههههههههااااااى ولكن شرب المقلب وصار ينادى صويلح ويقول سميرة فين ( على وزن بابا فين ) وردت عليها صرقوعتنا بكل استهتار انه مافى لاسميرة ولاعبسى حتى هههههههههههههههههههاااااى فاستغلت فى صويلح نقطه الضعف هذى وجيرتها لصالحها وتمكنت من فتح الباب وهى فى حاله يرثى لها <==== يتوقع ان حاله غلا نجد ( الصرقوعه ) كانت معينه على مقفل عليها الباب <===== مثل الحالات اللى فى الماسنجر :D الف حمد الله على السلامه صرقوعه وماتشوفين شر وياهلا بعودتك مرة اخرى الى شاشه الجوارح الماسيه بعد مأساة مع الباب .. ومادرى وش فيه رمضان هالسنه علينا بس يقفل علينا الابواب يالله رحمتك بس الله يستر .. تقبلى فائق تحياتى .. مشرف عام منتديات الجوارح وهو يتشمت :D ! وينــــــــــك ! [/c] |
| |
|
| مواقع النشر (المفضلة) |
| أدوات الموضوع | إبحث في الموضوع |
| |
المواضيع المتشابهه للموضوع: اصعب يوووم مر على برمضاااان (لايفوتكم ) | ||||
| الموضوع | كاتب الموضوع | المنتدى | مشاركات | آخر مشاركة |
| تحميل+شرح برنامج الحماية AVG Anti-Virus Professional 8 | خدمة RSS | برامج جديدة - جديد المواقع | 56 | 22-11-2008 - 09:19 PM |
| الشرح الكامل والشامل بالصور لنسخ2جيجا على CD 700 mb | خدمة RSS | برامج جديدة - جديد المواقع | 6 | 20-11-2008 - 07:52 AM |
| لمااذا لا نسيطر على أبنائنا تماماً؟! | لؤلؤة المغرب | المجلس الاسري العام | 9 | 18-11-2008 - 03:56 PM |
| [ شرح ] : واااو اصنع نسخة الويندوز الخاصة بك شرح باكثر من 30 صورة وطبعا اخر اصدارة ويندوز | خدمة RSS | برامج جديدة - جديد المواقع | 7 | 16-11-2008 - 04:03 PM |
| اطلبوا اي شي يخص الانيمي | احمد3 | مجلس الأنمي وشخصيات الكرتون | 14 | 08-11-2008 - 09:57 AM |
المواقع الصديقه | |||
الساعة الآن - 07:49 AM.
| SEO by vBSEO 3.2.0 |
