هذي قصيده قريتها بس ماعرف من شاعرها

لا كنها قمه قمه في الروعه حبيت احطها بين ايدنكم

ويارب تعجبكم

وبه نستعين

تدري وش اللي يتعب البنت يا سعود ...؟!=رجـلٍ يخـون اشواقـهـا و الـمـودة

إللـي إلا احتـاج الغـلا صـار نمـرود=وإلـى شبـع ممـا عـطـاه إسـتـرده

البنـت ريحانـة غـلا... ناعمـة عـود=تبـي لهـا رجـلٍ ورث طيـب جـده

رجـلٍ فعولـة كلهـا جـود فـي جـود=مـا يلتفـت للـي كفوفـه تمـده ...!!

رجــلٍ إلا جـتـه الليـالـي بمنـقـود=يتكـى لهـا مـا بيـح الوقـت ســده

مهوب خبـلٍ مـا رعـى للهوى عهـود=وادنـاة مـا عـارض طريقـه يــرده

ولاهـوب لاعلـة ... ولاهـوب ملهـود=ولا شكـوك ... و كـلٍ طـارئٍ يحـده

ما اشين مـن الرجـال لا جـاك ببـرود=وإن قال له تـرف القـدم شـي صـده

تبـي لهـا بـراق طيـبٍ لـه رعــود=إن اجدبت يمطـر علـى ريـف خـده

وإن نادتـه تكفـى لقـت عنـده الـفـود=يشيـل عزتهـا عـلـى قــو زنــده

كفه نفل ... وانفاس صـدره لهـا عـود=وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود=وريحة غلاً ... ياسعـد مـن شـم نـده

البنـت إلا ضحكـت ثمرهـا لـك ورود=يـا سعـد مـن يقطـف نواويـر وردة

واللي يهين البنـت ناقـص ... ومقـرود=فرس غـلا ... ماهـي حمـارة مكـدة



تحياتي
فهد العجمي

صح الله السان قايلها

ولا هنت يا الاخ العزيز : فهد العجمي
دائما وانا أقرأ مما تكتبه لنا أناملك الطيبة فعلا تستحق الشكر والتقدير والاحترام
وما تفسير الأبيات الا تكون منطبقه على شخصية رجل يحمل الصفات الطيبة مثل شرواك

القلم الحر

يشرفني حضورك وتواصلك

وردك يزيد الموضوع شرف ولاعدمتك علي كلامك الطيب

الي يدل علي طيب اصلك واخلاقك العاليه

دمت بكل ود

تحياتي
فهد العجمي

مس نت

حضور مميز ومهوب غريب علي قلم رائع

مثلك وهذا يدل علي ذوقك الرفيع

ولاعدمناك يارب

تحياتي
فهد العجمي