((( مواقف طريفة شخصية حصلت معك ))) قول ولاتتردد بسرعة تعالوا !!! -

& راكان جدة & · 06-07-2007, - 06:03 PM

أهلا وسهلا فيكم اخواني الاعضاء >>>> القهوة ياريم الجوارح على حسب انك مديرة القرية الترفيهية بسرعة عشان تكون الاجواء ملطفة

لان وراهم مشوار طويل :

المهم

وش رايكم نضحك على بعض شوي >>> حلو هالدخول الصريح وكل واحد يقول اطرف موقف مر عليه بكل صراحة وعفويه ..

ببدأ أنا بفضح ذكائي الخارق .. وهذا موقفين ماانساهم طول عمري >>> واحد ايام ماكنت بالجامعة

والثاني >>>> شوفوه لايفوتكم

هذا الله يسلمكم موقف يتحشرج بحلقي وده يطلع ايام ماكنت بالجامعة :

بقوله لان من المواقف اللي ماانساه في حياتي
حصلت لي هاذي القصة ايام الجامعة في الترم الصيفي >>> ياشين الترم الصيفي يبكي عن جد

كان عندنا دكتور جغرافيا الله لايوريكم لزقة عن جد يبدا المحاضرة الساعة 1 ظهر وماينتهي الا الساعة 3 عصرا

وربي كانت محاضرته ملل بمعنى الكلمة يشرح من الكتاب والطلاب مب حولة

مرة قلت لنفسي ياولد ياركووون بدل مايضيع وقتك عالفاضي خلك في اخر القاعة ودقها نومه الين ينتهي وتخلص المحاضرة

المهم اتذكر قبل ماانام انه كان يتكلم عن السكان وتعدادهم وكيف يتكاثروا

المهم كان قدامي واحد ماشاء الله طول وعرض حجب عني الرؤية من جد

قلت هذا الكلام خليني انام بس

واخذ الشماغ والف به على وجهي ونزلت شوي وتكيت عالجدار

واديها نومه وكان جنبي واحد الله يذكره بالخير مادري فيه من كثر الصمت اللي ذابحه الظاهر انه كان على الهزاز وانا مدري عنه

المهم شوي وانا نايم

الا وصاحبي يدق في كتفي وصحاني بعد ثلاث مرات محاولة >>>> الظاهر اني ((( رزدينت ايفل وانا مدري )))

وشوي الا اصحى وعيوني مااقدر افتحها من النوم

والا الله وكيلكم كل الانظار علي والطلاب كلهم وجهوا نظرهم علي والدكتور يطالع فيني

تقول مولعين الكشافات يبون يصيدون >>>>>>> ضب على بالهم

شوي الا سالني الدكتور قلي جاوب عالسؤال

وربي اني ماعرفت وش هو السؤال لكن قلت ماابيه يشك اني نايم

المهم عدلت جلستي وقلت له ((( بالزراعة )))

ماحسيت الا كل القاعة ماتوا من الضحك وبقوة بعدين والدكتور يطالع فيني بابتسامة ساخرة

وقلي ماشاء الله

يعني نجيب واحد ونزرعة ونسقيه بالمويه وبعد فترة نلاقي واحد جنبه مزروع ويتكاثروا كذا

وربي اني انحرجت احراج مابعده احراج

واثر سؤاله كان

((( كيف يتكاثر السكان في منطقة معينة))))

وانا الظاهراني جبت العيد من بدري

المهم صار كل مايدخل يقول وين اللي قال الزراعة

رديت عليه بخجل ورفعت يدي

قال هااا طبقتها والا لسى

ابتسمت له وقلت له المعذرة يادكتور كنت مصدع ذاك اليوم وفيني دوخة >>>> تصريفة

وبعدها تلاقوني في اول القاعة عشان مايمحطني بالدرجات بعدين

والله هذا الموقف الى الحين ماانساه ولا يمكن انساه هههههههههه

**************************************************

الموقف الثاني :
وانا اول بداية لي في التحاقي بسلك التدريس >>> حلوة سلك التدريس هاذي

عموما اذكر وانا معلم كل ماتسترجعه ذاكرتي اضحك على ذلك الموقف

في بداية العام الدراسي الماضي في احد المدارس الثانوية >>> توني طازة على المدرسة

المهم شايل التحضير واقلام السبورة معي ولاانسى المساحه ههههه

وكان وقتها اول اسبوع في الدراسة والمعلمون بعضهم قد نقلوا من المدرسة وجاءو معلمين جدد

وطلاب كذلك

المهم دخلت كانت عندي الحصة الرابعة في الصف الثاني ثانوي >>> مادة علم نفس

وكان الفصل في الدور الثالث وانا رايح الفصل لقيت باب الفصل مغلق وهدوء في الفصل

المهم دقيت الباب قلت ابي اشوف هم موجودين في الفصل والا لا

وكان وقتها الجدول الدراسي مااستقر على نظام محدد يعني حتى الطلاب اصلا مب عارفين وش عندهم من حصة كان كل شوي يغيرون الجدول الادارة نظرا لوجود معلمين جدد يحضرون الى المدرسة

المهم دقيت الباب وفتحته

لقيت ماشاء الله تبارك الرحمن الطلاب في هدوء تام وابتسامات خجولة

ولقيت واحد عند السبورة ضخم الجثة ولابس شماغ وملتحي على خفيف وفي يده قلم سبورة وقاعد يتكلم لهم وكاتب على السبورة

المهم نظرت اليه وحسيت بالحرج اني قطعت على زميلي المعلم حصته

قلت له عفوا يااستاذ اسمحني قطعت عليك الحصة لان المشكلة عندي الجدول فيه لخبطة يمكن وتعارضت مع حصتك

المهم اللي واقف على السبورة وقف مبلم ويطالع لي بدهشة

وانا اعطيه واكيل له من الاعتذارات

والطلاب جالسين مدهوشين من هالشي

وقلت له بالاخير عموما اعتذر مرة ثانية وكمل درسك استاذي الفاضل

وجيت طالع وقفلت الباب

وشوي الا ماشفت واحد من الطلاب لحق وراي

وهو مبتسم قال يااستاذ انت فهمت خطأ

قلت كيف ؟؟؟

قال هذا واحد من الطلاب معنا بالفصل لكن عنده حالة نفسية ومتوهم انه معلم وكل شوي ينط لنا ويقعد يشرح الى ان يحضر المعلم

قلت له يعني هذا مب معلم

قال لاوالله واحد من الطلاب

وربي اني انحرجت عن جد

ودخلت عندهم الفصل ولقيت اخينا في الله جالس يشرح

قلت له ماشاء الله وانا قاعد اعتذر لك من الصبح واكيل لك كل الاسف عن اني ازعجتك وانت واقف مبلم ولانطقت بكلمة هاااااا

المهم خجل وجلس قال اسف يااستاذ ماعاد اعيدها مرة ثانية

والطلاب ماتوا من الضحك وانا جلست اضحك وقلت يالله حصل خير

لكن اشوفك مرة ثانية عند السبورة احش رجلك حش

ومن بعدها هالولد عمره ماطلع عند السبورة اذا كانت لي حصة عندهم ههههههه

وبعدها رحت غرفة المعلمين وجلست احكي لهم القصة

واحد من المعلمين من كثر الضحك طاح من فوق الكرسي وقال الله يرجك وربي موتني من الضحك نفسي اني شفتك بذيك الحالة
اثرك جبت العيد اليوم من جد هههههههه

وكان هالموقف كل مااتذكره اجلس اضحك من قلب عليه
.................................................. .............

الحين الله يسلمكم نبي تطلعوا مواقف نبي نغير الروتين شوي

يالله يالله لاتبخل علينا وقول اللي بخاطرك عشان نضحك هههههههههههه

يخليكم ربي

تحياتي

راكان

شمعة الجلاس · 08-07-2007, - 03:22 AM

يسلمك راكان

وتسلم على مواقفك الطريفة ..

أنا هالموقف صار معي قبل أيام قليله

كنت منزلة شاشة توتوقف كانت عبارة عن أمطار واصوات برق ..

رحت شوية عن الجهاز وجيت والا أختي النونو واقف قدام الجهاز ومبتهرة وكان بيدها قارورة مويه أنا أول ماشفت الشاشه قمت ضربتها ,,توقعتها أنها سكبت موية على الجهاز ههههههههه
صارت متعجبة من الموية اللي بالشاشة نتيجة التوقف ..

والله أخذت مقلب بنفسي ولقيت خناقة كبيرة من أمي .. والمضحك اني بضم النونو وهي تصيح وقامت ترافس وتكب الموية بجد علي ههههههههههههههههههه

يسلمك خيووو

شمعة الجلاس · 09-07-2007, - 12:44 AM

الوووووووووو

وين مواقفكم ياناس ؟؟؟؟؟؟؟؟؟؟؟؟

BaBy NeT · 09-07-2007, - 11:59 PM

هههههههههههههههههههههههههههههههههههههههههههههههههه

يسلمووو إخوي راكـــان ع الموضوع الرائع

:
:
:

انــا الموقف يلي صاارلي واااايد محرج ومخيف

كنت في امريكـــا

وكنت قاعده في عمــاره معضم الشقق فيهــا كلاب وانـــا اخاف مووووت من الكلاب

وفي يوم كان الجو وااااايد حلو وقررت اني انزل بروحي من غير ابوي

وانا طاله شفت كلب اسود صغير

شفته فجــأه وخفت وصرخت صراااااااااااخ

ههههههههههههه لدرجه إن الكلب خـــاف مني

ويلي احرجني اني كانت هنــاك بنوته صغيره كانت تضحك علي

وانـــا اصرخ لين ما ابتعد الكلب

ومن ذاك اليوم حرمت انزل بروحي من البيت

^_^

& راكان جدة & · 10-07-2007, - 10:58 PM

هههههههههههههههههههه شمعة الجلاس

والله موقف مضحك

وراحت فيه النونو مسكينه ههههههههههههههههههههه

ثاني مرة ياليت ماتحطي مويه في شاشة التوقف حطي عج احسن هههههههههههههه

يخليك ربي

الف شكر على تواصلك يالغلا

بانتظار مواقف اكثر منك