حبيبتي :

مابقى لي شي من بعدك اشوف

ترسم الدمعه في عيوني وتطوف


كان همي اكون قلبك
كان شوقي يعيش دربك

كنت انا وانا انا
كنت اشوفك من هنا


في دروبي تقبلين
وفي خفوقي تمطرين

شوق وعشق واحـــساس
بوح وروح وشجن انفاس


كنت اشوف كل المرايا
ماعرفت لي بعدك هويه

كنت احسك كل الهدايا
والوفاء طبعك هديه


في حروف اسمك انادي
وكنت احس نبضك بلادي

كبرت احلامي معاي
وصارت الفرحه هناي


كنت احس فيك بس صــوت
لو يفارقني لحظه اموووت

واستمريت في احلامي ثواني
كنت اشوف الدقايق في بعدك تعاني

كل ساعة وكل حزه
كل نبضه وكل فزه

تسأل عن الطرف الحنون
تنشد عن ابيات الجنون

كنت ذاك اليوم ماشي
في الشوارع توي صاحي

مدري وين وين اروح
حاس بقلبي طعم الجروح

بس فيه رنه صارت
ارتشع نبضي وقالت

وينك انت الحين وين
قلت لها بقلبك
يعني فين ؟؟

قالت
كنت اسأل بس أسأل
قلت عادي في العوايل ياما تحصل !!!

ردت وقالت تعال

قلت وين ؟؟؟
قالت ودي اشوفك
ودي آلامس كفوفك

قلت لها صعب محال !!!

ردت وقالت بحده ؟؟
شوف شوف ياولد جده !!

وين كلامك الاول معاي
وين الوقت اللي كنت تعده !!

والا كان كلمـــــــه وراحت
وشوفتك لي نبرة استباحت


قلت لا لا وشلون تفهمين !!!
انا ماابي بلحظة تندمين ؟

انا شفتك من كلامك
من ردودك من سلامك

لكن اذا كنتي فعلا مصره
انصب الفاعل وارجع اجره

انا لك ومنك فيك
ولو طلبتي روحي تجيك


انا جايك وانا طاير
وانسى اني كنت حاير

ضحكت ضحكــــــة صغيره
حسيت منها اني فعلا بديره

كلها احساس وسعاده
وشوق قلبي في زياده


قالت
انا بانتظارك
بس ياويلك
تعدل مسارك ؟؟؟

قلت لالا مقدر
الوله زاد فيني اكثر

قفلت وقالت باي
قلت لها الحين جاي

ورحت امشي في الشوارع
كني طفلا عن حضن امه ضايع !!

كل مااشوف حي
واستمالة شعاع ضي

وقفت فيني العروق
وكل نبضه وكل خفوق

بعدها احساسي جاني
شقلب افكاري وزماني

ياترى لو جيت يمها
وحضنتها ولميتها
ياترى تحسبني امها ؟؟؟

بعدها جاني مطب !!!!
طيح الشماغ من راسي مالعب

وقمت الملم اوضاعي من جديد
لا كوبرا زانت والمطب جاب العيد

بس قلت مافي الا حل واحد
ارجع لجينزي لايقول عني جاحد ؟؟

وانا راجع وانا راجع

يرن جوالي علي
وين انت ياصبي ؟؟

عرفت انها ازعلت
وان الدقايق اتأخرت

قلت لها بذاك المطب
عصبت وقالت
فعلا انت دب ؟؟؟

قلت ايه ماعليك
جالسه مثل الملوك
وكل شي تبينه يجيك
وانا طايح في ديليت وفي بلوك


قالت لحظة لحظة مافهمت ؟؟؟

قلت لها وش القصه ؟؟

قالت لايكون معك احد غيري
شوي صابتني غصه
قلت لالا يابنت طيري !!

قالت اشوى
لو عرفت انك تخون
وان قلبك لغيري يموون

كان محيتك من الوجود
واكتفيت بكل مره بالصدود

قلت لها لحظة نسينا
قالت وشو اللي بدينا ؟؟

قلت لالا مابدينا
بس مدري وش اقولك
حاس انفاسك تجينا ؟؟

قالت ليه انت في احد معك ؟؟
قلت ايه انا ونبضي والسلك !!

قالت اي سلك ؟؟
قلت عاد هذا اللي بدبغك فيه
حتى يوجعك !!

ضحكت ضحكة قوية

قالت جرب وانت تشوف
اما خليتك في الشوارع تطوف

قلت ياساتر عليك
كل هذا منك وفيك

لاتكوني انتي يوكوزنا
وانا رامي نفسي ابيك ؟؟


قالت حرام عليك ؟؟؟

انا مثل النسمه تداوي الجراح
انا مثل الشعلة توقد بها الافراح
انا مثل البرق لاجال في السما ولاح

بس تعال هنا ؟؟

وين وصلت الحين وين ؟
قلت لها تبي تعرفين !!

قالت ايه بسرعه ؟
قلت بس ناقصني جرعه !!

قالت وش هي ؟

قلت كلمة احبك قوليها
قالت طيب بس بشرط

قلت وش هو ؟؟

قالت ابيك تحس فيها

قلت انتي احساسي ونبضي
وانتي اشواقي وهمسي

انتي روحي واشتياقي
وانتي بوحي وارتياحي


وفجأة وصلت المكان ؟؟
ولف الهوى ذيك اللحظه لف
حسيت معه بشعورا مختلف !!

وبعدها :

تدرون وش صار
شي مايخطر
على الابصار ؟؟؟


لقيتها مثل الغزال .....
وقلت محال الهوى
يجاريها محال

حضنتها مثل الطفل
وبعيونها يضوي امل


اشم ريحة عـطــــــــــــــــــرها
وامسك بيدي خصلات شعرها

وجيت ابوسها بوسة قويه

حسيت ان شي جاثم عليه !!!

والا اخوي ماسكني يقول
وش هذا كله نوم ياكسول ؟؟


حسيت وقتها ودي اذبحه
ودي اشتمه بعد ماكنت امدحه

ولما صحيت
وحسيت اني وعيت

عرفت انه ماكان فيه لامطب ولاحبيبه
كان مجرد حلم يداعبني في دنيا غريبه

واكتفيت بالسكوت !!!
لاضجيج ولافرح
ولاصوت !!!

وذبلت احلامي بقلبي
وانطفى نورا بدربي

واصبح الواقع اعيشه
وحزني كفوفي تشيله

بس رجعت
اتذكر حلمي السابق
كيف كنت في العسل غارق

واتذكر ذاك المطب
وقلت اي بالله اصدقت
انه لعب في لعب
واني كنت فعلا دب !!!

********

حلم عاشق لم يرى الواقع بعد ,,,,,,,,,,,,,,,






تحياتي

( راكان )

ورحت امشي في الشوارع
كني طفلا عن حضن امه ضايع !!

----


يــا ســــــــلام عليك ..

ما شاء الله عليك

روعة هذه الخاطرة
انتقال موفق من حب هائم إلى دعابه مسلية

خروج ودخول مممتع ومنطقي

صح لسانك

وتسلم يمينك


--

الاحلام تحقق مالم نحققه في الواقع

عش حالما قبل ان يحلم بك الواقع

انسج خيالك ..

حتى نستمتع معك ..


انتظر جديدك


ودمتم بخير

.