[poem=font="Tahoma,3,,normal,normal" bkcolor="" bkimage="" border="none,1," type=2 line=1 align=center use=sp]بسم الله الرحمن الرحيم000
السلام عليكم ورحمة الله وبركاته000
**((إسبــوع مــر ))**
إسبوع مر .. ولا طريننا على البال=ياقو قلبك كيف تقطعني إسبوع
الجوع كافر وإنت ماترحم الحال=وأنا عليك من الوله ميت ٍ جوع
ياللي غيابك صعب يطري على البال=تركتني ضايق .. وحاير..ومفجوع
ماكني إلا شايب ٍ فاقد عيال=وماكنك إلا محرمٍ حق مشروع
يفوع لك قلبي ليا مر الأطلال=ياليت مالي قلب يشتاق ويفوع
حسبي عليك شلون قطعت الآمال=بآموت لا صار الأمل فيك مقطوع
يا صاحبي ماكل نزال رحال=أنت الحيا من وين مارحت متبوع
نسياني لزول ٍ بالأعماق يختال=أصعب على صاحبك من حبة الكوع
لو الثمن في شوفتك عمر رجال=كان الثمن من يوم ماغبت مدفوع
ولو القدر ماتم قوله ليل قال=ماضاق صدر ولا انحنى راس مرفوع
يا صاحبي عشقتني فعل وخصال=وأنا عشقتك شعر وإحساس وطبوع
وشلون تتركني كذا لأشهب اللال=وقدام عيني تجف ينبوع .. ينبوع
وأنا عشانك جيت والغيم همال=أسيل الوديان .. واداحم جموع
ماردني عنك سواليف عذال= تزعل علي ربوع..وتقدر ربوع
كان المهم أعيشك جنون ووصال=ويكون لي كلمه ولي راي مسموع
واليوم ضاقت بي من الجال للجال=فرقاك تقصم ظهر.. وتحز .. وتلوع
لو جيت شفت الحال ماسرك الحال=في غيبتك ضايق .. وحاير ..ومفجوع
هذا غياب إسبوع وشلون لو طال؟=طالبك لا يطول غيابك عن إسبوع
0000000000محمد جار الله السهلي0000000000
0000000000&&الــ(ســلــحــوف)ــســريــع&&000000000 0
----------------------------------------------------------------
ت-ح-ي-ا-ت-ي[/poem]
08-08-2007, - 03:11 AM 
**((إسبــوع مــر))** 
