[poem=font="Tahoma,2,,normal,normal" bkcolor="" bkimage="" border="none,1," type=2 line=0 align=center use=sp]بسم الله الرحمن الرحيم
0
0
0
0
000((جــروح الــوقــت))00
0
0
0
شفت الجروح اللي من العام فيني=أبشّرك صارت قديمه مع الوقت
وشفت الغلا في غيبتك يوم يجيني=جاني وأنا في غربتي ولا تشفقت
وشفت المكان اللي جمعنا سنيني=ماعاد يسلي خاطري لا تضايقت
ذاك المكان اللي بدابه حنيني=اللي أجيه بلهفتي ما تعوقت
طعنته بسيف الجفا يا ضنيني=وأخترت أعيش بواقعٍ به توهقت
ومن يوم شفت الشوق مات بيديني=أدركت بإني غارقٍ به ولا فقت
وإلا أنت حلم ٍ ساكنٍ وسط عيني=سقت العمر لجلك ولا به ترفقت
ومن يوم ماصافح حنينك يميني=مابحت في حبك لوني تعمقت
واليوم ماني لك عوين وخديني=خذ ماتبي وإلا أنا ضعت وتفرقت
رحت أتلاحق قلبي اللي نسيني=اللي سكن في ذاتك وبه تصدقت
للحزن .. وإلا للضياع الدفيني=شفني خلاص بحبكم ما توفقت
أبغى أتجمّع قبل موتي يجيني=ومن بعد ماشفتك تراني تحققت
إن الأمل لا غاب بكره يبيني=واليوم ضاعت فرحتي ما تشوقت
شفني تردت حالتي ياعويني=ضاع الصحيح وضعت مدري تعلقت
أصبحت أشوف المبتسم لي حزيني=وين الوفا لا صار للحزن عانقت
الوضع مزري والغرام يحديني=والشوق طاغي لا سرابي تشققت
والنفس ضاقت والفرج يحتريني=والقلب عزم للرحيل وتخزوقت
والدمع لا حل الظلام يحويني=وأشيا كثيره ضاميه يوم فارقت
جلست أكابر بين نفسي وبيني=وفي يوم وليله شفني للحزن رافقت
على العموم أبيك يا نور عيني=تبري مواجع ضيقتي لا تدفقت
أبيك مع ضيم الليالي تجيني=لا شفتني في موج شوقي تطوقت
أبيك تاخذ مابقى من سنيني=أبأرتمي بأحضان عمرك إذا فقت
قل للجروح اللي من العام فيني=إني أبيها ترجع بتالي الوقت
0
0
0
0000000000((الــ(ســلــحــوف)ــٍــســريــع))000000 0000
--------------------------------------------------------------
ت-ح-ي-ا-ت-ي[/poem]
31-08-2007, - 03:12 AM 
00((جــروح الوقــت))00 نهاية مشاركاتي00 
