الجزء الـ3 من حملة تنظيف الـmsn..شاركونا

KatkoOoOoTa · #1 01-09-2007, - 06:37 PM

الســــــلام عليــ ـ ـ ـــكم ورحمة الله وبركاته ...

.•.

شحــــــــــــــــــــــــــالكمــ اليوم؟؟
وشخباركمـــ؟؟..

اليوم عندي لكم قصة..
عن منو؟؟

في وسط غابة موحشة..وبين حيوانات مفترسة..وطبيعة قاسية لا ترحم خرجت في وسط تلك الغابة وردة..
تفتحت لتنشر عبق شذاها..فكانت الشمس تلهبها وتكوي تويجاتها بلا رحمة..والريح تدفع بعودها الضعيف بقوة مصممة على كسرة ..ضاقت بها الحال فإما الشموخ والصبر..وإما الانكسار والاستسلام...فما زالت هذه الوردة غلا الآن شامخة...شامخة...

هذي شو تخرف؟؟

جاري التوضيح....

هذي الغابة هي الدنيا....ظلمتها و الخوف هيه حال الدنيا الحين ما فيها امان
...حيوانات مفترسة والريح والشمس..هم البشر إلي عصوا الله وغرقوا في المعاصي
والريح هي الشهوات إلي تحاصر الانسان
شموخ الورد وعيشتها في هذي الظروف: هوه الواقع الصعب إلي نعيشه في دنيا كلها مغريات

واميرة الورد؟؟
هيه انتي...النبته الطيبة..وهذا حال كل بنت تطلع على ويه دنيا كل ما فيها ملعون إلا ذكر الله
تعيش في دينا كلها مغريات...بس تظل شامخة وتصبر وتحفظ نفسها..

تعرفين شو قال الشاعر فيج:

امير الورد ليـــه الورد مفتونــــــك
ليه بحياته يحـــاول يشبه ألوانــــك
كم من فراشة تمنت تلمس غصونك
والورد يا ما تمنا يلمس اغصانـــك

يا اختي انتي ورده بهالدنيا...فحافظي على نفسج...لا ترخصينها لحد لا بنت ولا ولد..ارفعي راسج في الدنيا
ارفعي قدرج باحسن الاعمال.. حافظي على نفسج واحميها...اختاري الصحبة الزينة..
تراها مقيولة..الورد يذبل إذا كثر لمسه..لا تخلين احد يمسج بشر لا بنت ولا ولد...من أي مكان..مهما كانت الاسباب

خلج قوية فهالدنيا...مهما كانت الدنيا ضدج...ومهما لقيتي أذيه من الناس..صبري.

أتمنى من كل بنت تكون متابعة ويانا في الحملة

الجزء الاول من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الجزء الثانـــي منعفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والجزء الثالث اكيد غير...

اتمنى إن كل بنت اقتنعت بالكلام إلي كتبته في الجزء 1 و 2...وإذا ما قتنعت في الجزء 3 يتقتنع =)
بس تخلي عندها إرادة وتمشي ويانا..

الكلام موجه لكل بنت ..سوت هالشي ولا لاء؟؟ :m_thumb:

ظفتي ولد..؟؟ كلمتيه؟؟ بالمسن..او غيره...كيف كانت سوالفكم؟ عامة..عن السياسة..عن أشياء اجتماعية
تطورتوا اكثر ووصلتوا لمرحلة الاعجاب؟؟ يمكن بعدها الحب؟؟....الخ...او ما وصلتوا لهالمرحلة

وقفي شوي حاسبي نفسج...كلامج وياه شي مهم؟
سواء كانت محادثات بريئة ولا لاء؟؟
مهما كان الموضوع إلي تتكلمين عنه وياه؟؟
مهم لهدرجة؟؟
حددي اهميته؟؟
وجاوبيني؟؟
هالانسان مهما كان طيب ..ولا شرير..زين ولا شين..
ما تقدرين تبدلينه بربيعتج...أختج...ولا امج؟ مب شرط بنات
تعالي ...اخوج...ولا ابوج..عمج...إن شاء الله جدك ...شوفيهم؟؟
أكيد فيه بديل...
بس إلي عليج تقنعين نفسج إنه هالشي لازم يوقف عند حده
إنج تقررين إن هذي المحادثات مب ضرورية

قررتي اختي؟؟
اقتنعتي؟؟ انتي ويانا في الكلام إلي أقوله؟؟

واحد من الدعاة يزاهم الله خير...قال لازم البنت يكون شعارها

لست لكم والله قدري فوقكم ...من عاش في القيعان تتعبه القمم

وهذا شعاري وشعارج وشعار كل بنت تفكر كيف تحمي نفسها
هذا الشعار إلي يفتخر فيه كل واحد ربى بنته ولا اخواته..

إن شاء الله تكونين اقتنعتي وخذيتي قرارج الاخير

في الجزء الثاني من الحملة فيها الطريقة إلي بتخليج تبتعدين عن هالغلط..

اقطعي علاقتج على طول بهالانسان...سواء كان ضرج ولا ما ضرج
شفتي شي مب زين عليه ولا كان إنسان محترم..اقطعي علاقتج فيه
ولا تخبرينه إنج بتقطعين علاقتج فيه...إقطعيها و خلاص
هذا قرارج انتي لازم محد يتدخل فيه..

و نصيحـــــــــة

يا اختي لا تلفين على الشبهة ...ترا الشبهة تيسر للإنسان الحرام
لا تقولين أنا ما أقصد شي بكلامي وياه ونحن ما تكلامنا في الحرام
انا واثقة من إنج ما تقصدين شي حرام بكلامج وياه واحتمال كبير إنه هو يفكر بنفس الشي
بس الشيطان قال لرب العالمين: ( قَالَ رَبِّ بِمَآ أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ )
فحاذري اختي من الشيطان وهالدرب لا تمشين فيه لو كانت نيتج صافية خافي على نفسج

كيف أنســــــــــــــــــــــاه؟؟

كل وحدة اتخذت قرار ونفذته وودرت هالاشياء وتــــــــــابت لرب العالمين..تسال نفسها..تجربه مر عليها سنه ولا سنتين ..شهور ..ولا حتى إسبوع ؟؟ كيف بنساها؟؟ كيف بنسى هالانسان؟؟ وتبدا كل بنت تسال نفسها؟؟ كيف بنسى إنسان حبيته ؟؟
حتى البنت إلي ما ظافت ولد ولا من هالقبيل تسال نفسها هالبنات كيف بيقدرن بنسن؟

خلونا نساعد بعض...
في عدة طرق تخليج تنسين هالشي...

1-اللجوء لرب العالمين... إدعي الله إنه يفرج عنج كربتج ويزيح الهم...
2-التفاؤل يا اختي..عليج بالتفاؤل لا تقولين لا مستحيل انسى هالشي إلي سويته مستحيل ..
فكري بإيجابية بتقدرين تتخلصين من هالشي..
3-نحن البنات عاطفيات بدرجة كبيرة نقدر نحرك مشاعرنا بسرعة بس ما نقدر نتحكم فيها إذا حركنها
ما نقدر نكبتها وننظمها لانها أساساً مسالة صعبـــــــــــة بس ... مثل ما يقلون ..ليـــست مستحيلة ونقدر نتغلب عليها
4-توكلي على الله ...وقتج استغليه في أشياء مفيدة المهم تشغلين نفسج بطريقة صحيحة فرغي طاقتج بإلي تحبينه هوايات...
5-ابتعدي عن كل شي يذكرج فيه إيميلات ولا مسجات ولا بطايق ولا صور..كلها احذفيها من حياتج
6-لا تدخلين المواقع إلي يدخلها ابتعدي عن هالشي لانه بيحرك فيج ذكرياتاج ومشاعرج
7-غيري نك نيمج...إيميلج غيره كثر الله خير الهوت ميل والياهو كل شي مجاني إستغليه بإيجابيه
8-ما يقى شي على المدارس شدي على نفسج وركز بدراستج..ورمضان على الابواب اكثري من الطاعات

مع الوقت اخــــــتي بتنســـــــــين والله يتنســــــــــين ..كل ما كانت عندج ثقة بنفسج وبإنج الحين في درب الصح بتتغلبين على مشاعرج و عواطفج وبتردين ورده قويه...ما تهابين ضعاف النفوس

دعــــــــــــوة للحـــــــــــب
لشباب والبــــنات

نحن شوهنا معنى الحب الحقيقي...الحب الطاهر...صار الحب تبادل كلمات الغزل..
واحبك وتحبنـــــــــي...صار الحب المتهم الاول في كل شي...
نســــــــــينا ان الحب هوه حب رب العالمين....أصعب شي على كل أنسان إن يقول أنا
أحب الله....واحب رســــــــوله...والمشكلـــــــــــــهـ؟ يعصي اللــــــــــــه
خلونا شوي نستحي من عمارنا... ونحاسب انفسنا

قال تعَالي (قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ
ذُنُوبَكُمْ وَاللّهُ غَفُورٌ رَّحِيمٌ )

الله غفور رحيم...يفرح بتوبة العبد له...خلونا نتوب...من كل الذنوب اغاني..كذب...الكلام بين الطرفين من دون داعي...وغيرها...النميمة.....الخ..
خلونا يوم نقول نحن نحب الله....نحبه باتباع اومره وتجنب نواهيه...بالخوف منه والرجاء لعفوه ..خلونا نتوب
(إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ )

وبعد التوبة بتعرفون إنه نحن ظلمنا انفسنا..قال الله تعالى: ( وَمَا ظَلَمُونَا وَلَكِن كَانُواْ أَنفُسَهُمْ يَظْلِمُونَ )

دعوة لتسامــــــــــــــــح

اذكرك بقول الله تعالى
(وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ) (135)

اذا الذنب والوقوع فيه وارد ولا بد ولا مفر من الوقوع
المهم
الندم
التوبة
الاستغفار
عدم الاصرار
والاصلاح
لكل لو اكتشفتوا ان اعز ربيعاتج او اختج او اختك.. طاحت في هالغلط..وصارحتكم واعترفت انها مذنبة..أو كانت مصارحتها بداعي انها تفضفض لكم وتحكي لكم قصتها...شو بيكون موقفكم..؟؟
لا تشهقـــــــــــــــــــــــــــــــــــــين
(( والله طحتـــــــــــــي من عينـــــــــــــي...يالـــ .... ))
لا ...و أكبر غلط ت
فكرون بالبنت بهالطريقة...اول ما نكتشف هالشي لأنه اكيد في سبب و لازم نأخذ بأيدهم لازم نوضحولها
بإسلوب حلو وهادي...واكرر حلو...لا تنفرونها.. اكسبوها...وضحوا لها إن سوته غلط ولازم تندم وتتوب عليه وانها لازم تحمد ربها إن السالفه ما تطورت ...ولو اكتشفتوا إن السالفه تطورت اكثر وتجاوزت كل الحدود..قدروا الموقف إنها يت واعترفت وإنه محد قال لكم..لازم تتاكدون إنه البنت يوم بتعترف بتكون صادقة لانه محد اجبرها محد طلب منها ..
هالفئة تحتاي حد يوجههم من يديد..يدليهم بالطريق الصح وياخذ بإيدهم...كل إلي عليكم تاخذون بإيديهم وتوجهونهم سواء كان ولد ولا بنت..
قمتوا بواجبكم ووضحتوا لهم الغلط من الصح..خلاص انتهى دوركم بس يحتايون الدعم والتشجيع..
والقرار الاول والاخير لهم بعد ما عرفوا الصح من الغلط...
بس إذا استمروا على الي هم عليه بعد التوجيه ...وبعد الارشاد ..فكل الغلط ينصب عليهم لانهم عرفوا الصح من الغلط وخلاص كل واحد يتحمل نتيجة افعاله...

في النهــــــــــــــــــــــاية

اتمنى إني أفدتكم في هذي الحملة...وإن شاء الله كلامي يوصل لقلوبكم وتحكمون عليه بعقلكم
واشكر كل من ساهم بنشر الحملة بإيميله او في المنتديات...او حتى بقرايته
وتذكروا انا الدال على الخير كفاعلة فلكم اجر من قراءة ومن عمل به..
واتمنى الدعم من قبل الشباب والبنات...
لي عودة بتعقيب على بعض المواقف الي واجهتنا في الحملة
مثل الرفض..وعدم تقبل الموضوع...

بس اترككم مع ثمرة من ثمرات هالحملة...إلي هيه قصة بنت..
وبصراحة انا افتخر فيها وايـــــــــــــــــــــــد
لانها اتخذت قرارها بسرعــــــــــــــه

اقتباس:

اقتباس

وكــل ابن ادم يخطي ومحد معصوم من الخــطا..
والكل يعرف الدنيا تجارب ولو كنا نعرف هالشي غلط .. بس (( الفضــول)) يلعب دور..
وانا بصــراحتن ما بجذب وبقول ما اضفــت ، بس كانت مصــالح
وعشــان منتدى او دراســه.. لاني مشتركه في منتدى
ثــاني ومشــرفـــه.. وحطيت بعض المشرفين مع الاداره..
مع الايـــأم كنت احطلهم بس بلوك لانه ماكان في شي
بخصوص المنتدى واقــول مالهم داعــي فالمسن مالي
ولو منتدى.. وابــا اكون ويا ربيعــاتي وبس.. بدون حد
غريب..
بس بصــراحه من المحاظرات و موضـــوعج الطيب
ونصــايحج .. شجعني وبالقو اسويلهم بلوك ودليت وطرشتــلهم رسايل وخبرتهم بهالشي.. وقلتلهم وليتكم تفكرون بهالشي.. ودعواتكم بالخـــير..
* وقلت في نفسي:
ما بستفيــد شي.. غير الــذنوب وغضب ربي..
وهــا بس منتدى ما بيفيدني فدنيتي او اخرتي..
بالعــكس بيــزيد في حســرتي وندمي...
والحمـــداللــه سويــت لهم (( كلـــــــــــــهم)) بلـوك ودليت وخرتهم .. وفوق التكمله
واتمنــى من ربي يغفر لي.. ويرحمني برحمتــه..
وان
كــل بينه مسويه ااد للجنس الاخر تحــذفــه ولو كانت
مشرفه او اداريــــــــه.. لان الشيطان
بيلعب فمخكم .. ويمكن تتطور امور المنتدى لاشيــاء ثانيه..
وتقبــلو تحياتي..

أسال الله أن يحفظ نسائنا وشبابنا من كل سوء وان يقيهم شياطين الانس والجن إنه ولي ذالك
والقادر عليه وآخر دعوانا ان الحمدلله رب العالمين وصلى اللهم وسلم على نبينا محمد

.•.

مــــــــــــع الســـــــــــلامة

منقول للفائــده ...

BaBy NeT · #2 01-09-2007, - 07:45 PM

و الله يثبتنا دووم ع دربه يا رب ..و يبعد عنا كل ما يشين و اييب الكلام

الله يجزيج الخير وخيتي ع الموضوع الرائع

في موازين حسنــــاتج

دمتي بحفظ الرحمن

( حفيد الصالحين ) · #3 02-09-2007, - 01:01 PM

[ALIGN=CENTER]

عسااااااج عالقوة اختي بالله والموضوع مثبت .........\\

[/ALIGN]

شمعة الجلاس · #4 02-09-2007, - 09:56 PM

الله يجزاكـِ خير خيتو ..

عـــزوفـــ · #5 06-09-2007, - 10:15 AM

الله يجزاك خير كتكوت

وموضوعك بأجزاءه الثلاثه كله روعه
والله يسعدك ولا يحرمك الأجر

اقتباس

أسال الله أن يحفظ نسائنا وشبابنا من كل سوء وان يقيهم شياطين الانس والجن إنه ولي ذالك
والقادر عليه وآخر دعوانا ان الحمدلله رب العالمين وصلى اللهم وسلم على نبينا محمد

اللهم آمين

و يعطيك العافيه ولا يحرمنا منك ولا من مواضيعك

دمتـِ في حفظ الله

/
\
/

حساسه

KatkoOoOoTa · #6 06-09-2007, - 08:56 PM

BaBy

&

حفيد

&

شمعه

&

عزوف

ربــي يجزيكم كل خيـــر

و ربــي يعااافيــكم

منوريــيني

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه للموضوع: الجزء الـ3 من حملة تنظيف الـmsn..شاركونا
الموضوع	كاتب الموضوع	المنتدى	مشاركات	آخر مشاركة
شخصيات وتاريخ	ريم الجوآرح	مجلس المواضيع العامة	40	23-11-2007 - 01:26 AM
(( قاعة تحفيظ القرآن الكريم في شهر رمضان الكريم ))	( حفيد الصالحين )	المجلس الإسلامي العام	9	14-11-2007 - 10:50 PM
مكتبة الجوآرح الرمضانيه	ريم الجوآرح	المجلس الإسلامي العام	26	12-09-2007 - 10:55 PM
رمضان.. فضائله، أركانه، فوائده، سننه و مكروهات ]	c.ronaldo2007	المجلس الإسلامي العام	7	06-09-2007 - 03:15 AM
مشاهد من يوم القيامة	c.ronaldo2007	المجلس الإسلامي العام	6	02-09-2007 - 10:00 PM

الجزء الـ3 من حملة تنظيف الـmsn..شاركونا

المجلس الإسلامي العام