[frame="1 80"]
.. التـبـــــاهي ..
بالهون .. بالهـون يا بنـت الاجــواد
ياللي عيـونك دعـج ســود ٍ دواهي
ياجامعه زين ٍ على زين .. وش عـاد
أشغلتي المشغـول .. واشغلتـي لاهي
تجمّعت في حسنـك .. اشبـاه واضـداد
وصلتي في وصفك .. حــدود التنـاهي
الشّعْــر .. لا نقّص جمــالك .. ولا زاد
مـن وين ببـدا ؟ .. كـلّ مافيــك زاهـي
اعيــونك النّجــلا .. ولا عـين هـــدّاد
صادت قلوب وصيـدها .. صيــد ناهي
وانهـود مركـوزه .. ولا ركزة اعـــواد
والخصْـر ميّت جـوع .. والردف راهي
ياللي غــرورك .. يوم عن يـوم يزداد
زيدي غــرورك .. زيـدي هذا التبـاهي
في ذمتـي .. ما يلحقــك هــرج نقّـــاد
إلاّ بـقــــولـة .. يا تـبــــــــارك إلاهــي
وآنا على خـبرك .. حبيــبـك ومعتـاد
عليــــك اسمّي .. واذكــر الله وابـاهي
إن جيتي جت مع جيّتــك فرحـة افـواد
مـن فرحتــه .. كنّـه طـفـل في مـلاهي
وان غبتي .. غابت فرحتي والعنـا عـاد
أشتــاق لك .. وآذوب في كـوب شاهي
واقرا لك اشعاري .. واغني لك (ابعـاد)
ويصحى على صوت الغنـا نجم سـاهي
يقــول لي : هوّن عليــك .. الشقــا زاد
وش لك .. وللتسهيــد والحيـل واهـي
كنت انت ابو الضحكات..همّلت الاولاد !!
من بعــد ماكنت الضحــوك .. الفكــاهي
ماعــاد تطـربك الأغـــاني .. ولا عــاد
تلهيـــك بعــد الحب .. بعـض اللـواهـي
واقــول له .. يانجـم هي ثالث اعيـــاد
آشـــوفــها بالعـــيـن .. والفـمّ فـــاهي
يفــداهــا هالعــالم .. جمـــاعــات افــراد
محـد ٍ يجـــاريها .. ولا حـد ٍ يـضـــاهي
اقـرا عليــها اذكــار .. وآيـات .. واوراد
وابذل لها .. حـالي .. ومـالي .. وجـاهي[/frame]
03-09-2007, - 12:31 AM 
التبـــــاهي .. 
