| |||||||
| التسجيل | التعليمـــات | صندوق المحادثات كاملا | قائمة الأعضاء | الأوسـمـة | التقويم | البحث | مشاركات اليوم | اجعل كافة الأقسام مقروءة |
| مجلس للروايات والقصص والحكايات منتدى لجميع للروايات والقصص والحكايات الحصرية والفعالة |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
 |  |
 |  |  |  |  |
 |
| | LinkBack | أدوات الموضوع | إبحث في الموضوع |
17-09-2007, - 10:45 PM
| #79 |
| شمعة ودمعة وعاشقة المنتدى بإمتياز   
|  رد: بنقل لكم قصة سعودية روووعه .. لكنها على أجزاء .. العنود: اقول ماخليتوا شي جودي: والله اقولهم هي ثلاث ايام تقولين ثلاث اسابيع غزل: والله كيفنا وانت بعد خذي مثلنا لاجل نطقم مع بعض جودي: انا خذيت ثلاثه اطقم وبجامتين بس انتِ وهي خذيتوا الدولاب بكبره غزيل: يعني لبس الصباح ولبس العصر ولبس المسى جودي: انا اكتفيت ماراح اخذ شي اضافي غزل: يالله ابا اليوم يعدي بسرعه العنود: هههههههه هانت بكره الجمعة 0 0 على الساعه عشره ركبت سيارة عناد وجلست خلف جهاد عناد: خلاص نمشي جهاد: ايه شو تنتظر عناد: يمكن ناسين شي جهاد: امشي امشي بس عناد وهو يحرك سيارته: هههههه ياثقل دمك ياخي جهاد: اقول كلمت الشباب عناد: ايه جهاد: ونشرت اخبار مثل عوايدك عناد:هههههه خبروك جهاد: اريد اعرف لمتى تالف علي قصص عناد:ههههه كذابين هـ المره خبرتهم بالصدق بس صدموني أنس يقول انه امك خبرته انك طحت وانت تلعب شرعت مع الاهل جهاد: ههههههههههههههههههههههههههههههه عناد: هههههه كذبت عليها والله لافضحك جهاد: يااخي عندك مناديل في الخلف عناد:ههههههه ..بجد عصبت يضحكون علي .. بس انا الخبله استاهل كان رحت مع البنات ولا اهتميت له.. جهاد: وقف واشتريلنا كوفي عناد: اوكي ..فرحت هـ المره راح اشرب قهوه مثلهم والله ادمنت عليها.. عناد: شلون جهاد: حنا وسط عناد: ثنين وسط وواحد سكر زياده وحركت سيارته وراح اخذ الطلب من البوابه الثانيه ...خذيت الكوب من جهاد وكنت اشرب بس احسه مو اللي دوم اشرب منه يعني هذاك جهاد يشرب منه بس هذا ساده ماذاقه جهاد... يقطع الحب شو بيذل .. صلينا في الساحات لانه جهاد ما يقدر يمشي كثير بسبب رجله وانه ما تعود على المشي بالعكاز.. طلعنا الهدى بس هـ المره رحنا النقبه الحمره واستاجرنا في بيت الشعر اللي فوق اول شي تغدينا لاجل مايبرد الاكل وعلى بال مانتغدى ونرفع اذن العصر وصلينا والحين فضينا للمكان جودي: روعه والله روعه والجو جنااااان غزل: اشوه ابوي راسل السواق والخدامه من بدري ولا كان ماحصلنا لنا مكان كنا فاتحين الباب اللي يطل على المنتزه من جوه ونشوف الاطفال هم يلعبون غزيل: خساره كان جبنا المنظار العنود: اعتقد في سيارة متعب في واحد غزل: كلميه خليه يرسلوه لنا دقت العنود على متعب بس مارد عليها غزيل: ماما كلمي الشباب ينزلوا لنا اسفل غزل: ايه والله تعبت وانا اناظرهم بروح العب العنود: لا والله تبينهم يرجعونا جودي: ليش غزل: والله ماتعرفي شباب الطايف تقولين مو شايفين خير العنود:ههههه لا حرام مو كذا بس هم اهلهم مايلعبونهم أي مكان يعني هم يروحون الحكير اما البقيه للمصطافين غزل: ايه يسترو اهاليهم ويبصبصو في حريم الناس غزيل: ههههههه والله كله كوم ولو شافوا وحده حلوه كوم ثاني جودي: ليش هم مو حلوين غزل:ههههه اشفيك ترى ديارنا ودياركم من ضواحي الطايف بس هم يعشقون الجمال جودي: مافهمت جهاد وهو داخل ويعرج : مساء الخير الكل : مساء النور سكر التلفزيون : ارحموا حالكم يعني لازم تشغلو التلفزيون تموتون اذا ما اشتغل العنود: انا عن نفسي ما اعرف لازم شي يشتغل عندي اذا ما اشتغل احس انه شي ناقص مزون: وانا مثل العنود اذا كان موجود يشتغل نشوف اخبار العالم موضي: وانا عادي عندي اشتغل ما اشتغل بس اهم شي انه مايرجني غزل: وانا ضروري عندي غزيل: وانا بعد ...اما انا من دخل جهاد جلست على طرف الباب اللي يطل على المنتزه وتذكرت جود آآآآآه ياجود ليتك تحسين فيني انا اذبل كل يوم صدني زوجي بطريقه داميه مو ميته انا اموت ببطء اول مره اشعر بهـ الاحساس احساس غريب مشاعر متناقضه انا موفاهمه اللي يصير داخلي داخلي صراع .. صِراع عنيف .. مشاعر حاولت انزعها باظافري بس ابت في الخروج.. ...اتفاجئة بشي على رجلي كزيت... الكل:هههههههههه جهاد: بغيتي تكسري راسي مثل ما كسرتي رجولي رد حط راسه على رجولي .. طبعا انا كنت جالسه وانا ثانيه رجولي .. جهاد: اقول لو سمحتن اخفضن من اصواتكن موضي: كافي نوم من اخذت اجازتك المرضيه وانت ماعندك غير النوم جهاد: شو اعمل جودي ليلها كله وهي تسولف عند راسي المستفيده الوحيده من اجازتي ... وكانه تذكر شي .. والله انك خبيثه لاجل كذا طيحتيني كان خبرتيني انك مشتاقتلي كان اخذت اجازتي من بدري ...اصلا شكيت انه الكلام موجه لي .. العنود: غريبه متعب يقول انك طحت بالمستشفى مزون اللي كان عندها القصتين: والله الكذب حبله قصير موضي: شو السالفه اخخخ ومسكت علبة المنديل وضربته .. ابتسمت غصب عني .. جهاد: ايه ابتسمي شعليك جهاد وهو يجلس: اقول ارجعي لـِ وره ولفي كذا رجعت لورى وابتعدت عن الباب ولفيت صرت معطيتهم وجهي بدل ما كنت معطيتهم جنبي الايسر بس هو فاجئني رد انسدح على رجولي يعني اول كان متمدد في النص بس الحين على طرف موضي: جهاد وين خوانك عنك جهاد: والله كل واحد حط راسه ونام وانا طفشت وجيت لكم مزون: انا خلاص تعبت ابا ارد البيت جهاد: انتظري لين المغرب محد راح يصحى اسير: ابا انذل جهاد: ابوك نايم بعدين لما يصحى يوديك اسير: لا انت وديني جهاد: ما اقدر رجولي تعورني العنود: غزل شغليلها سبيس تون شغلت غزل التلفزيون موضي: الحين هذيل جايين ينامون جهاد: خليهم يرتاحون تراهم بي يشوون في الليل وبيتسامرون يعني اول مره من سنين نخرج مع بعض بيسوون شي فوق العاده ..حط يده على راسه ووصار يمسح عليه صدق اتكهرب جسمي احسه شعر فيني بس سويت نفسي مو مهتمه.. غزل: جهاد ما ودك تقص شعرك جهاد: قريب ..شف هـ الخبله يعني لسع مالحقت امسكه تبينه يقصه شو اللي حارق رزك ابا اعرف بجد عليهن طلعات تقهر .. وانا شو اقول يقصه ولا يحلقه انا قررت انفصل عنه وما راح اسمح لمشاعري تلعب فيني اكثر.. غزيل جلست جمبي وساسرتني: جودي لسع ماذبتي جودي:هههههههههههههه ضحكت غصب عني جودي: اش رايك غزيل وهي تساسرني: تعرفين شو عيب هـ العائله ..اتفاجئت: شو غزيل: انهم يخفون مشاعرهم يحسوها ضعف فيهم ..ابتسمت لها بس ما عرفت شو قصدها .. جودي: اقول جبتي الاونو غزل: ايه انا جبته وجات لنا وخرجته من شنطتها ورن جوالها غزل: اف شو هـ القهر غزيل: مين غزل: معجبات جودي ...بجد كان خاطري انط فوق بطنها الحين اللي نايم على رجولي بيفهم السالفه على كيفه.. أنا حبي لاختي اعتبره علاقه شاذه فشلون الحين.. جودي: انا قلتلك قبل لا تعطيهم رقمك بس انت الله يهديك العنود: حركات جودي ولك معجبات غزيل: لو تعرفين المدرسه كلها ودها تتعرف علينا لاجلها بس جودي ماتعطي احد وجه ..كان ودي ابوسها على كلامها اللي زي العسل.. جهاد: لا والله شو معجبات مو معجبات انتي الثانيه وانت عاجبك الوضع ..البنات توهن انتبهوا لوجوده يعني مع السوالف نسوه.. العنود: اشفيك هن المعجبات مب هي ...رجعت سدحته على رجولي: كمل كمل نوم غزل: جهاد تلعب ويانا جهاد: اوكي شو وراي وزعت غزل الاورق كنا نتفق حنا البنات عليه وندبلله السحب جهاد: والله غش ليش ترموا السحب ورى بعض غزل: انا ما ودي اسحب غزيل: ولا انا ناظرني: حتى انا رفع راسه وقرب وجهه مني وحط عينه في عيني اربكتني حركته جهاد: قولي والله انكم مو متفقين ..رديت سدحته على رجولي: العب شوفنا قدامك كيف نغش.. العنود وموضي ومزون كانوا يسولفون عن الجامعه والمناهج وشغلات كثيره بس في حاجه لعبت بقلبي لعب دمعة عيني وطاحت دمعه سريعه على وجه جهاد مسحت دموعي ارتحتلــــــــــك إحساس غريب بحسوا لما ببصلك وبحن لك لو حتى جمبي بحضن قلبي بحن لك سلمت لك واغلى ما عندي حتى قلبي فتحته لك وجهاد جلس وسحب الريموت من اسير ورجعه على سبيس تون ردينا نلعب بس بهدوء وانا وجهي كان مبنين اني مو على بعضي وجهاد نفس الشيء رد انسدح على رجولي جهاد رمى الورق: بنام وقلب على الجه الثانيه.. رديت ورق جهاد في السحب ورميت ورقي انتظر اللي ترمي بعدي بس غزيل مسكت يدي اجبرتني اني اناظرها غزيل وهي تحرك شفايفها: شو صار جودي: ولا شيء كملنا لعب بدون طعم بس لعبنا لاجل الحريم ماينتبهن موضي: خلاص طفشنا بنرجع بيتنا جهاد وهو يجلس: جهزوا حالكن وصلنا بيت المصيف اللي في الهدى دخلت حجرة جهاد وارتميت على سرير وبكيت كان ودي اختلي بعمري رجعت لي الذكره كرهت جهاد كره كل شي تـ أ ر جـ ح غزل: شو فيها جودي غزيل: ما ادري بس حتى جهاد انقلب العنود: تعالن بنسوي كشته في الحوش ما جينا ننحبس غزل: اوكي جايين غزيل: بنادي جودي حرام نتركها هنا والفله ياكبرها مانجي فيها الا يوم واحد في الاسبوع اخاف انها مسكونه ولاشي غزل وهي ترتعش من فكرة انه الفله مسكونه: ييييي تعالي بسرعه نخرج قبل اهلنا ما يخرجون.. غزيل: تعالي نشوف جودي قبل خرجنا وجلسنا في الحوش وكان الجو ولا اروع كنا جالسين والرجاجيل قريبين منا غزل: ماراح تقولين شوفيك ؟؟ جودي: صدقيني ما صار شي العنود: غزل وغزيل انتو تسون السلطه غزل: اخاف تتسممون موضي: عادي كلهم دكاتره بيساعدونا الكل:هههههه جهاد وهو يصارخ :عناد الفحم صار وين اللحم عناد: ياخي انت لاجل رجولك مكسوره جالس تتامر وانا اللي اروح واجي متعب: خليه هـ المدلع يجيه يوم جهاد:ههههههه حسد يالــــطيف كنت كل ما ألف اشوفه يراقبني تعشينا والشباب نزلوا السوني والتلفزيون ولعبوا دوري غزيل: حتى حنا بنلعب عناد: اقول سكتي متعب: لاخليهن يلعبوا شو ورانا.. وكلم العنود: عنودتي تلعبين العنود: لا شكرا جهاد: مصدقين اعمارهم متعب: لا بنلعبهن غصب مو بكيفهن عناد: خلينا نضحك عليهن شو ورانا وعملنا دوري اخذ جهاد السنغال ومتعب الكميرون وعناد كرواتيا لانهم يعرفون للعب غزل: انا البرازيل |
 |  |
| روابط دعائية |
|
17-09-2007, - 10:45 PM
| #80 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. غزيل: وانا الارجنين العنود: متعب شو اختار متعب: خذي فرنسا جهاد: وجودي بتاخذ غزل وهي تقاطعه: خذ لها ايطاليا ناظرها جهاد وهو معصب عناد: هي يالاخو مو لانك الوحيد اللي محرم لهم كلهم كل شوي تناظرهم تراني بعد بناظر مثلك وانسى عمري واظن انهن خواتي متعب: جرب لاقص رقبتك عناد: اشفيك حتى انت بعد ناظر العنود: عناد اترك متعب بحاله عناد: اوه انت هني تصدقين نسيتك متعب: انت ما تشوف المكان منور ضحكنا كلنا على تعليقه بس غزل وغزيل زودو في العيار لاننا كن نشوف العنود وهي منحرجه جهاد: بنسوي جوائز الاول يختار وين نروح بكره وله تحفه كرستاليه من قزاز يختارها على كيفه وسبحه بحريني من عبدالغني الصايغ عناد: الثاني بعد له بيختار طقم اقلام من قزاز ويتامر باللي يبه لمدة ساعه غزيل: لا والله وانتو عارفين انه حنا بنخرج اول الناس قلتوا نتحطون جوائز لانفسكم متعب: انزين الفريق الاخير بيختار مكياج يعني بس حق الشفايف وحق الخدود وحق العيون بس بيكون لون واحد العنود: ومن قزاز متعب: ومن قزاز جهاد وعناد: ههههههههههههه جهاد: الحين بتنافسن على المركز االاخير متعب: انزين نحط لكل مركز جائزه لاجل نشوف تنافس فعلي عناد: والله فكره العنود: المركز الرابع والخامس والسادس نفس الشي بس الرابع بنظيف له كريم اساس وبودره اساس وبارفان والخامس بنحذف البارفان والسادس بنخذف الرافان وكريم الاساس جهاد: والمكز الثالث بيختار طقم كبك اتفقنا وضغط جهاد على المربع وجهاد بيلعب مع عناد عصبوا الاثنين ما كان ودهم يلعبون مع بعض معناته واحد فيهم بيتنافس على المراكز الاخيره ومتعب بيلعب مع العنود وغزل وغزيل مع بعض وانا صعدت للدور اللي بعده دايركت جهاد: متعب مو لانك مع العنود تهزمها نتيجه خفيفه عناد: ايه اللي يتسجل في مرماه اكثر عدد من الاهداف بيكون الاخير اسير اللي جات من المرجيحه: انا بلعب العنود: روحي العبي مع ابوك متعب: بدينا العنود كانت جالسه خلف متعب تقربت منه دقته بكتفها على كتفه جهاد انتبه لهم: بدينا بالغش متعب: هههههه ياخي اشفيك حرمه وتغازل زوجها فيها شي جهاد: تغزلك في حجرتكم مو قدامنا انحرجت العنود والكل ضحك جهاد وهو يصارخ: للاااااا اما عليهن حظ عناد: وجع قهر متعب: هههههههه خلاص نصيبهن غزيل: شو الموضوع متعب: سلمك الله انا بواجه واحد منهم وبكذا المركز الثاني بيكون في عنصر نسوي صرخوا البنات: وووووووو ههههههه فازت غزل على غزيل 1-0 وفاز متعب على العنود2-0 طبعا الشباب اعترضوا لانه متعب كان يجيب الاهداف بحارسه جهاد: غش ما قلنا كذا متعب: ياخي اشفيك اريده ياخذ احسن حارس والهداف في نفس الوقت اما الشباب كان عندهم الوضع مختلف يعني يا اما يكون الاول او ينافس على المراكز الاخير سجل جهاد قول وصرخ وخواته صرخن وياه وشوي عناد سجل قول صرخ وغزيل كانت وياه متعب: اما صدق بدت تظهر العروق في الدم غزيل: ايه اخوي لازم اشجعه جهاد: افا غزيل وانا شو اكون غزيل: لا انت بس تطردني مو مثل عناد اللي دوم اصحيه من النوم لاجل ردني بيكم عناد: بعدي والله هذه الاخت السنعه وانا قررت لاسويلك تلفريك من بيتنا لبيتهم لاجل ماتصحيني من النوم جهاد: وانت تسمع كلامها خليها تحلل حجرتها عناد: قلبي ما يطاوعني تظل حزينه جهاد: يارهيف انت انا كنت في نفسي اشجع جهاد عناد: ووووقووووووول نطت غزيل الدعوه فيها تلفريك اكيد بتنط غزيل: صدقني ياخوي انت بتاخذ المركز الاول ان شاء الله جهاد: اقول قابليني اذا خليتك تسهرين عندنا الاسبوع الجاي الكل: ههههههههههه غزيل: بعلم عليك عمي عناد: اترك البنت في حالها وبعدين افرح ياخي بتشتري هديه لزوجتك على حسابنا .. (طبعا الجوائز بتكون بلباي بين متعب وجهاد وعناد ) ..ضربت كلمات عناد على الوتر الحساس كان ودي اناظره بس خلاص قررت اني اتجاهله واتجاهل مشاعري لاني قررت الانفصال عنه باقل خساير بس ضحكت اقل خساير سلمته نفسي وكرامتي وكلها اهدرها بثواني .. عناد: ياخي اشفيك عداك متعب ..مافهمت قصد عناد بس لما شفته كنا يعمل تبديلات كنت اظن انه كان يناظرني بس كرهت نفسي على افكاري الهبله.. رجع ضغط ستار وعمل تبديل ودخل ضيوف وعمل تغييرات سجل جهاد قول وصرخ من قلبه هـ المره وغزل والعنود يشجعونه واسير كل ما حد جاب قول ترمي نفسها عليه تقلد اللي تشوفه في اللعب وشوي جاب جهاد القول الثالث وعناد عادله في الوقت الضايع ولعبوا الاضافيات بتحفظ لانهم كانوا حاطين النظام قول ذهبي وفاز عناد بضربات الترجيح وتحدد المركز الاخير جهاد والسادس العنود والخامس غزيل فضل في اللعب انا اللي بلعب مع غزل ومتعب بيلعب مع عناد فاز عناد على متعب اما عني انا وغزل كنت العب بطريقه دفاعيه والعب على المرتدات وكنت مقدمه فييري وتوتي وخلفهم دوني ... طبعا تعلمت العب من غزل وغزيل وكانوا دوم يهزومني هزايم لليل.. غزل: اقول جودي كم تبين تنهزمين ابتسمت ما كنت اتكلم لاني استحي من متعب وجهاد حتى ضحكي كنت اكتمه.. لعبنا وغزل قمه في الغرور كانت ضاغطه علي بس انا كنت معلقه على زر الدائره واطير كورات وكل شوي عطوني فاول انطردوا مني اثنين وغزل اضطرت تغير ثلاثه تغيير اجباري اخر شي كسرت لاعبها وخرج هـ المره باصابه حمره طبعا اللي قبل كانوا اصاباتهم صفراء بس غزل كنت تغيرهم واتورطت هـ المره غزل: لا بلعب بواحد ناقص عناد: ما كان غيرتي متعب: اما بصراحه لعب حلو طردين ولاعب عنده الرباط شكله انقطع الكل:ههههههههههه عناد وهو يساسر جهاد: لو ما كنت وياك كان صدقت انه زوجتك هي اللي كسرتك ابتسم جهاد: شوف انا بلعب بدالها الحين اخاف على رجولك عناد: لا معليه تفداها رجليني .. وسكت ضربه جهاد على كتفه وهو معصب: شلك تتفاداها انت ؟؟ عناد: سوري ياخي نزلت عفويه جهاد: ثاني مره الزم عفوياتك اول مره تكسرني غزل لانها عصبت علي بس كانت على الخط وعلى طول ضربت جزاء غزل: لا حرام والله غش جهاد: وين غش ؟؟ غزل: شوف وين كسرتها.. وتابعنا الاعاده كان قبل الخط بشوي ولاعبي طاح داخل منطقة الـ 18 ... وشفنا اعتراضات اللعيبه وهم يلصقون صدورهم ببعض .. حركات بعد.. الكل: قووووووووووووووووووووول غزيل وهي تقلد غزل: اقول غزل كم تبين تنهزمين الكل:ههههههههههه فزت على غزل وهي معترضه المركز الثالث كان من نصيب غزل لانها انهزمت واحد والمركز الرابع من نصيب متعب لانه انهزم 2-0 متعب: عنوتي افرحي كل الجوايز تناسبك العنود:ههههههه كان خاطري اخذ الثاني متعب: الناس تقول الاول العنود: لا انا اريد الثاني لاجل اتأمركم لمدة ساعه الكل:هههههههه ....انحرجت شلون العب مع عناد حتى لاحظت انه عناد كان منحرج بس عملنا التغييرات وطبعا انا في لعيبه ما اقدر العب فيهم بسبب الطرد.. وكنت العب بنفس الطريقه ونفس الاسلوب بس هو ماكان يخرج لعيبته الا لما يشوف سرعتهم قلة... انتهت المباره 5-0 وانا مطرود لي لاعب هو لايصح الا الصحيح انا كنت انهزم من غزل وغزيل نتائج كبيره بس انا الحين ويايا ايطاليا وهو كرواتيا وهو لاعب محترف كنت خايفه اصلا اخذ عشر عشرين .. عناد: بنروح بكره الحكير وعلى حساب جهاد غزيل: بس قبل بنروح قزاز لاجل الجوائز متعب:هههههه اهم شي عندك غزل وهي تذكر: جودي عندك ساعه تامرين فيها على كيفك كنت منحرجه بوجود متعب وعناد وتكلمت بصوت ما يسمعه غير غزل وغزيل: شكرا ما عندي شي غزل: لا والله فرصه لازم تامرين متعب: اجل خلوها بكره لانه صار لازم ننام دخلت حجرة البنات غزل: اما صدق مفاجئه غزيل: أي والله الا صدق بشو تفكرين كنت مسرحه: شو غزيل: اقول شو بتامرين في الساعه جودي: ما اعرف بس صدق احسه شي محرج واصلا انا متنازله عنها لكم غزل: خلاص انا بطلع روحهم في الساعه غزيل: لاعين هي قالت لكم غزل: اوكي نص انا ونص انت جهاد وهو داخل: لا هي اللي كانت الثانيه وهي اللي بتتامر تكلمت غصب عني: اوكي وانا بقول اللي هن يختاروه جهاد عصب: انزين تعالي ننام ..ناظرت له من صدقه يتكلم يعني حجرته سريرها صح يشل اثنين بس هو صغير (يعني نفر ونص حنا نسميه ).. تكلمت بعناد: لا بظل مع البنات شوي جهاد وهو معصب: تعالي اقولك جودي: ما اريد جهاد: وبعدين وياك غزل: خليها تسهر شوي كان يناظرني بقهر يعني شو يريد اكيد ليله وبيرميني بابشع الكلمات عقبها.. ابتسمت له وتكلمت: ماراح اتاخر بس شوي والحقك خرج وهو معصب غزيل: جودي كان رحتي وياه اخاف يعصب انسدحت: اوكي بكمل كلامنا بكره غزل: وجهاد تكلمت وانا مغمضه عيوني: شو فيه غزل: يريدك قلبت ظهري لهم لاجل ما يشوفون دموعي: لاتشيلي هم اعرف اتصرف سكرت غزل الانوار ونمنا من التعب ++++++++++++ |
| | |
|
17-09-2007, - 10:46 PM
| #81 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. جود: غيداء اصحي امي خرجت صحت غيداء: على وين جود: ما اعرف بس تعالي ندخل حجرتها ونسكر علينا الباب غيداء: ليش شو صار ؟ جود: انتِ تعرفين هي راحت مع واحد غريب اخاف تدخله البيت وحنا نايمات وقفت غيداء على طوله: انت شو تقولين جود: انت تعالي وخلصينا وقفوا واتجهوا لحجرة امهن غيداء: مقفله شو نسوي جود: ما اعرف بس حجرتنا بابها دقه ويتفزر الباب غيداء: مجلس الحريم جود: نفس الشي غيداء: نجلس في الصاله ونسكر حجرتنا واذا سمعنا صوت باب الشارع ندخل الحمام ونسكر الباب علينا (باب الحمام حديد) جود: فكره غيداء: تذكرين جودي جود: حنا ثنتين وعندنا حلول وخايفات وهي وحده وماعندها وقت تفكير فيه غيداء وهي تستند على الجدر: فيني نوم .. تعرفين كانت مريحتني لما كانت تعبانه شو اللي قومها جود: غيداء نامي وانا براقب الوضع اذا حسيت باني نعست بصحيك ضلوا على وضعهم ساعتين وسمعت جود الباب وهو يتفتح جود: غيداء اصحي وصحت ودخلو الحمام بهدوء وسكرو الباب بالمفتاح وكان في ثقب في الباب جود وهي تساسر غيداء: غيداء شكله ابوي رجع ناظرت غيداء من الثقب وحطت يدها على فمها: هذا صديق ابوي غمضت جود عيونها بالم: تصدقين كنت جالسه انتظر عند التلفون يمكن جودي تتصل مثل كل يوم بس سمعت صوت باب حجرتها ينفتح ودخلت مجلس الحريم وسمعتها تواعده بليله حمره لو خذها في مشوار هي بدله عليه عقب غيداء: ليش ما خبرتيني من البدايه جود: كنت اكذب عمري غيداء وهي تمسح دموعها: ما اعرف شو صار فيني بس احس اني تعبانه جلستها على الارض جود: غيداء اشفيك المفروض انت اللي تقويني غيداء: غصب عني غصب عني جود جود: غيداء لازم نمنع هـ المهزله غيداء: شلون جود: من يخرج هـ الوسخ من البيت بناخذ كل المفاتيح من منيره ونمنعها من الخروج وبناخذ حجرتها وهي بنعطيها حجرتنا والوسخ اللي في حجرتها بنرميه في الحمام بعد فتره من الزمن وقفت جود تراقب من الثقب لانها سمعت باب يتفتح وشافت الرجال وهو يتفتح حجرة الحريم ورد لحجرتهم وفزر الباب ودار في كل البيت وراح لمنيره الرجال: وين البنات منيره وهي في حالة سكر: ما اعرف تقدم من باب الحمام وحاول يفتحه بس ما فتح نزلت جود على الارض لانه شافته يناظر من الثقب بس ما شافها الرجال: نادي على بناتك منيره وهي تنسدح: تعال مره ثاني وبعطيك اياهن خذهن ما اريد احد جود: غيداء شكله ظهر سمعت صوت الباب والحين صوت السياره غيداء: ما اريد اخرج جود: حبيبتي اشفيك لازم تقوين نفسك غيداء كانت مسدوحه على الارض: جود احس اني بموت وقفتها جود ودخلتها تحت المروشه وهي حاضنتها: غيداء اهدي شوي اهدي خلاص زال الخطر شفتي يحق لجودي تحمل كل هـ الكره لمنيره حضنت غيداء جود وهي تبكي: تعبت رجولي مو قادرة تحملني جود: اثبتي انا بخرج واتاكد وانت خليك هنا غيداء: لا بروح وياك اخاف اظل بروحي جود: بس اخاف يكون موجود غيداء: اجل خلينا هنا ليش نجازف جود: اذن الفجر نخرج اعتقد انه راح لانه راح ينفضح اذا ظل لين هـ الوقت خرجت جود وغيداء كانت واقفه عند الباب رجعت جود بعد ما زرفنت باب بيتهم بالزرفون وتاكدت انه محد في البيت غير منيره اللي كانت نايمه على الارض في الصاله وخذت غيداء وجلستها على الارض جود: غيداء حبيبي ما في احد تعالي نبدل ملابسنا ونصلي وناخذ كل المفاتيح صلوا جماعه وحضنت غيداء جود وهي تبكي جود: خلاص صدقيني راح الخطر والحمد لله بالعكس عرفنا طريقنا اليوم وعرفنا شلون نتعامل مع منيره ++++++++++++++ في قزاز كنت محتاره ما اعرف شو اختار يعني شي رجالي .. واذا خبرتهم اني ما اريد بيشكون في السالفه فكنت مجبوره اني اخذ شي رجالي .. وقلت خلاص بهديها لعمي منصور هو اللي يسحقها .. العنود: خذيتي شي جودي: ما اعرف العنود: تعالي انا اعرف ذوق جهاد احترت وتكلمت: بس انا اريد اعاند جهاد واخذ الهديه لعمي منصور العنود: ههههههههه والله ما يعرف بنوايك ضحكت لانه جهاد من صحينا وهو متحمس ويقول انه بكره بيشخص بالقلم على باله اني بهديه اياه شرينا الاغراض وكل شوي وحده يعجبها شي وتاخذه متعب: حنا شو اللي ورطنا وخليناكن تعلبن ويانا العنود: عاد نحبكم اشفيكم قلبتوا علينا جهاد: ايه كلي بعقله حلاوه متعب: شعليك روح لزوجتك خلها تاكل بعقلك هي بعد جهاد: لا هي كلت عقلي متعب والعنود: هههههههههه 0 0 في قسم العطور عناد: اقول خلصتوا غزيل: باقي اشفيك عناد: اللهم طويلك ياروح غزل: كانك ولد عمي متملل منا عناد بتريقه: لا الشيخات خذن راحتكن غزيل: خلاص مابقى شي عناد: هو انتن بقيتن شي اصلا ما خذيتوه غزيل: عناد حبيبي اشفيك صاير مثل اخوك جهاد خرجنا من المركز وكل وحده خذت جائزتها واكثر الا انا بس خذيت طقم القلم وهذه اول مره اشتري قلم بهذا السعر يعني لو ما العنود كانت ويايا كان ما اخذته يعني طقم بست الاف رفع ضغطي واصلا العنود هي اللي اختارته دخلنا الحكير ورحنا للعم منصور والعم سعد جلس متعب: اين ابنائي سعد: مع امك وخالتك العنود: متعب اشفيك جلست متعب: اتقسم ظهري من الجوائز عناد: هي لو جوائز بس كان زين بس المشكله هذيل عمرهن محد ذكرهن بجائزه شكله الكل:هههههههههه غزيل: ذليتونا وحنا ماخذينا شي جهاد: اف هذا كله وما خذيتوا شي غزل: والله حنا مانحب الاسواق بس قزاز مانصبر عليه ولنا مده ما دخلنه وشفنا شو الجديد وخذينا بعض الاحتياجات متعب: بعض .. بس الله المستعان سعد: اشفيكم على البنات عقدتوهم عناد: هذيل يتعقدن والله كل وحده خارجه بزميل اش كبره هي بس زوجة جهاد اللي ظاهره بجايزته وما خذت شيء انحرجت من تعليق عناد الله يستر عليه متعب وهو يتذكر: ايه والله جهاد لا يكون لعبت في عقل الحرمه وبتخربها علينا ...مافهمت شو يقصد... الكل: هههههههههه غزل: خلاص اتفقنا وقررنا غزيل: ايه عناد: والله محد يتامر غيرها ولا انا ما راح اسوي شي جهاد: اشفيك عليها انحرج عناد وانحرجت انا بعد والكل ضحك العنود: ايه جودي عندك ساعه اتامري فيها على كيفك تكلمت بصوت ما يسمعه الا العنود: الحين ما عندي شي العنود: تقول ما عندها شي متعب: اوكي طاحت جائزتها سعد: لا هي تختار الوقت واليوم على كيفها منصور: وانا هذا رأيي عناد: وانا بعد .. قالها وناظر جهاد.. غزل: وانا بعد غزيل: وانا بعد العنود: وياكم متعب: نفس الشي جهاد: يعني لو اعترضت بيتغير شي الكل: لااااااااااا جهاد: اوكي .. قالها ومبين عليه انه زعلان .. غزيل: عناد تعال حنا جايين نلعب مو نسولف جهاد: وين تروحون وانا كذا عناد: وانا ليش مختار الحكير نذااااااله فيك الكل: ههههههههههههههه انا اول من ابتعد وسحبت ويايا غزل لانها اقرب وحده مني اخاف جهاد يتنذل فيني ويخليني وياه.. لعبنا الهليجلي وانا دروخت فيها ورفضت اني العب شي ثاني وشفت الخاله مزون والخاله موضي جالسات ومعاهن حموده في العربيه ويناظرون اسير اللي تلعب جودي: انا بروح اجلس وياهم غزل: اوكي |
| | |
|
17-09-2007, - 10:47 PM
| #82 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. منيره: هذا اخر جزاتي وياكم جود: اعذرينا بس انتِ بتضيعينا وياكي منيره: انتِ سكتي ما اريد اسمع صوتك غيداء: يمه خلاص ما راح تخرجين وما راح نعطيك المفاتيح منيره وهي ترفع يدها تبي تعطي غيداء كف بس جود مسكت يدها جود: حنا عرفنا كل شي عرفنا اللي شو عملتي البارح ومن دخل وياكي حجرتك وشو تكلمتوا منيره وهي مصدومه وتصارخ: ما اريد اسمع صوتك جود: انت اللي ما يرتفع صوتك في هـ البيت وكلمه ثانيه بخبر عليك الشرطه جود: وين البضاعه منيره بياس: انتهت غيداء: احسن لانه ما ودي اشوف مثل هـ الاشياء منيره: بعلم ابوكن لا جاء جود: اصلا من قال انه بنستقبله لا عيني حنا غيرنا كيلون الباب +++++++++++++ العنود: هذه شو تسوي هنا غزل وهي تفرك عيونها: لا كنا سهرانات ونامت عندنا العنود: وجهاد شلون رضي غزل: مافيها شي اشفيك العنود بشكك: يالله جهزوا حالكن بننزل جده غزيل وهي تجلس: ليش باقي اليوم في بدايته العنود: لا ابوي وعمي يقولون عندهم شغل مهم ..كنت اسمعهن بس كنت خايفه من مواجهة العنود.. العنود: اوكي بسرعه عجلوا خرجت العنود وجلست: فنانات غزل:ههههههههه شو نعمل جودي: انا عن نفسي باخذ جايزة نوبل في الكذب 0 0 0 في الصاله الرئيسيه وبعد شهر من الاحداث كنت ماسكه جوالي طبعا اشتراه لي عمي منصور هديه لاني اهديته طقم القلم وجهاد كنت ما اشوفه الا وقت الوجبات وكان ملازم المكتبه اللي اسفل ولاحظت انه يحب كتب حب غزل: اقول غزيل عندك شي جديد جودي: لا دخيلكم كل اللي في جوالها دامي مافيني على المناظر الداميه غزيل: هذا وانت داخله طب جودي" اصلا انا من دخلت هـ القسم حتى اكلي خف نفسي انسدت اشم ريحة الدم في خشمي ناظروني البنات بدهشه غزل: شو تقولين ؟؟ جودي: ما اعرف احس اني متورطه غزيل: من البدايه انت متورطه توك اكتشفتي جودي: خلاص كان لازم ادخل هـ القسم لاجل جود غزل: اقول محد غيرنا في البيت وبنسوي ربشه وصجه محترمه غزيل: ايه بصراحه جهاد كان حابس انفاسنا شغلت غزل التلفزيزن على روتانا والسماعات موصله بالتلفزيون والصوت لاعلى شي غزل: جودي واسير يرقصون على الاغنيه اللي بعد هذه اسير: اوتي جودي: هههه اخاف تغطي علي وبعدين بنرقص كلنا ولا بلاشي "يا هلا " يا هلا بها الطول ياهلا بها الطول يا ميت هلا يل قضاة الحب اضاف مشكلة جتلها حبك جالى وين الدليل جتله رعشة ايدي والجسم النحيل جالى لا تخدعني الغزللجميل جتله للدكتور نمشي ونسأله كنت ارقص وكل شوي وغزل تمسك خصري لاجل اطقه وكنت اطق الخصر وهي تمسكه ونضحك عليها.. هلا يا هلا جتله من اهلك اخطفكواسجنك جالي شو حب التملك معدنك جتله لو مثلي الغرام مجننك جالي اعقلوالله يحب شئ يعقله يا هلا يا هلا العنود كانت داخله البيت من الباب اللي في الصاله الكبيره وجهاد من الباب اللي من جهة المكتب والبنات في نص الصاله الكبيره الكل يشوف البنات شو يعملن ومسكتني غزل من خصري وانا اضحك كنت لابسه بنطلون اسود وبدي اصفر وطبعا حنا |
| | |
|
17-09-2007, - 10:50 PM
| #83 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. البلايز نخلاعها من نكون بروحنا وحتى اسير تعمل مثلنا جتله عندى احسن محامي فى البلد جالى تخسر جتله من جد وجد جالى برج الحوت مش برجالاسد جالي اعقل والله يحب شئ يعقله يا هلا يا هلا يابا يابا يانديمي جالى ما تحمل قسوتي ولا دلالي جتله اصبر جهاد فصل الفيش والكل ناظر الجهاز شو صار له العنود:ههههههه كنا منتبهين للعنود بس جهاد ما شفناه الا لما تكلم جهاد: ما شاء الله خليتوا البيت مرقص كل وحده راحت لبلوزتها ولبستها حنا قمه في الاحراج اسير: انت ليش ديت روح المتشفى جهاد: عجيب والله تطرديني من بيتنا انتِ روحي انتِ وامك وعمتك غزيل: انا للحين ما تكلمت وطردني اجل لو تكلمت شو بتعمل جهاد وهو يمسك غزيل من بلوزيتها ويروح يمسك اسير نفس الشي ويخرجهم من البيت ورد مسكني انا وغزل العنود: وين توني جايه بجلس وياهن جهاد: روحي بيتكم بنتك وبنت عمك سبقوك وانت خذي ولدك والحقيهم طلعنا لفوق ودخل غزل حجرتها ورماها على السرير وهي ميته ضحك دخلني جناحه وقفل الباب خلفه وانصدمت منه هذا شو يريد بس هو دخل حجرته وانا دخلت حجرتي ودقايق خرج منها وهو شايل ملف ابيض وياه وخرج من الجناح وسكر الباب.. اف رد يحبسني من جديد و عشر دقايق واتصلت علي غزيل غزيل: ههههههه جودي: ايه اضحكي شعليك غزيل: اوكي حنا في البرنده جودي:ههههههههه اوكي الحين اجي بس جهاد راح غزيل: ايه وانا شفته وهو محرك سيارته وخارج نزلنا وجلسنا وردينا شغلنا روتانا وهـ المره كانت اغنية عمرو ذياب قمرين" والله ما كان علي بالي يا هوى قمرين دول ولا عينيك قلبي بيسالني عليك اتاريني بافكر فيك معقول اكون حبيت والله ما كان علي بالي يا هوى يا قلبي يا نا من حبه يا نا يا شوق امانة قول لليالي حرام اهونياعمرى ياكل عمرى سلمته امري وعينيه قالتلي كلام والله ما كان عليبالي يا هوى طال انشغالي وياك يا غالي وانا ايه جرالي كنا نرقص بس اتفاجئنا بـ جهاد في نص الصاله ويانا أنا حسيت بالم في بطني خلاص انكشفنا وكانت الصدمه على وجهه جهاد: مو توني مفرقكم دقايق ورديتوا يالله كل وحده لحجرتها ناظرني جهاد وانا احس اني ارتعش جهاد: انا على بالي دخلتي حجرتك بس غفلتيني وخرجتي ..ارتحت شكله نسى انه قفل الباب اول ما دخلنا جناحنا.. غزيل: جهاد حرام عليك ملانااااات يعني لاتخرجونا ولاتخلونا نسلي اعمارنا جهاد: على بيتكم بسرعه غزيل وهي تجلس ما اريد توجه لها جهاد وهي وقفت وبتروح بس سمعت باب يتفتح وراحت سيده لموضي غزيل: ماما شوفي جهاد يطردني من بيتكم موضي:هههههه جهاد اترك البنت في حالها غزل: ماما شوفيه كل شوي وهو مرفقنا عن بعض موضي: جهاد شوفيك ناظرنا جهاد بقهر جهاد: ولاشي .. وتحرك.. موضي: على وين ؟ جهاد: برد الشغل وخذيت الملف بالغط وجيت ارده جلسنا وحنا نضحك على جهاد ++++++++++ في صالة العم سعد جلس عناد وانسدح على الكنبه وحط راسه على فخذ امه: يمه اريد اتزوج تفاجئت امه وحطت يدها على راسه مزون: بجد تتكلم ضحك عناد:ههههههه ايه يمه بس انا في راسي موال مزون: لا صدمتني فيك ابد ما توقعت انك تغازل عناد:هههههه يمه الله يهديك فسرتيها على كيفك نزلت اسير من الدرج وسيده راحت لمزون وجلست في حضنها عناد: اسير هذه امي روحي لامك كل ما دخلت شفتك عندها روحي لجدتك الثانيه عاد ما عندك غيرها مزون:ههههههه اترك البنت لحالها عناد: وانا مو شغلي بظل كذا يمه شوفيها هي تدفني مزون: سوسو خلي عمو شوي هذا ما ينشاف طول وقته مع جهاد تقول متزوجين بعض عناد: ههههههههه مزون: ايه خبرني شو الموال اللي في راسك عناد: اول نزلي هذه مزون: عنااااد بدينا دلع عناد: كيف اتدلع على امي .. وصرخ على اسير: هيييي روحي لامك بسرعه رجه يالله فارقي بكت اسير ..العنود وهي نازله ومتنقبه: حرام عليك عناد عناد:ههههه يالله روحي لامك هذه امي اسير وهي تبكي: ما اليد العنود: تعالي سوسو عمك بيرضع من امه مزون:ههههههه جبت الكلام لنفسك عناد: والله عادي ارضع ما ارضع ولا انتِ غيرانه العنود ومزون: ههههههه مزون: سمعي العنود اخر الاخبار العنود: خير خالتي مزون: عناد بيتزوج العنود: ههههههههههههه عناد: اضحكوا شعلي انا قررت وما راح اغير رآيي العنود: ومن هي سعيدة الحظ ؟؟ عناد: وحده العنود ومزون: ههههههههه مزون: عرفنا انها وحده مو واحد عناد: بتخلوني اكمل ولا لا مزون: تكلم عناد: اسير ترى بيجيك كف .. يمه شوفيها تدفني العنود: سوسو تعالي خلينا نسمع عمك شو وراه اسير: ما اليد مزون: سوسو حبيبي خلاص اتركي عمك انا حضنتك هو كذا غيران اتركيه ابتسمت اسير وحضنت مزون عناد: هذه وحده شفتها مره وحده وصرخت عليها بس آآآآآه عليها عيون خشم فم شعر جسم انطبعت في راسي طبع كل ما انام كل ما امشي اشوفها قدامي حاولت انساها بس فرضت وجودها في حياتي العنود ومزون: ههههههههه مزون: اف من متى عناد: ست اشهر يمه ست اشهر وانا معذب فيها العنود: كان تكلمت شو اللي مسكتك عناد: ما ادري حاولت انساها بس غصب عني حبيتها العنود ومزون: ههههههههه مزون: ليش تعذب عمرك خبرني عنها وانا بروح اليوم اخطبها لك عناد تكلم بالم: يمه هناك عقبات كثيره العنود: مثل شو عناد: اختلاف في كل شي كل شي مزون: تعرف انه نحنا مانهتم في هـ الامور العنود: خلاص تكلم نعرفها عناد: جودي فتحت العنود عيونها وهي مصدومه مزون: حسبي الله عليك تفكر في زوجة اخوك |
| | |
|
17-09-2007, - 10:50 PM
| #84 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. عناد: هههه خلوني اكمل خذيتوني بشراعي مزون: شو تكمل .. ودفته تريد تبعده.. عناد: يمه كنت اريد اقول جودي لها اخت وانا اريد اختها اللي شفتها مزون وهي تضربه: حسبي الله على اباليسك طيحت قلبي ما تعرف تقول اخت جودي يعني لازم جودي لها اخت عناد: ما اعرف طلعت كذا العنود: ايت وحده فيهن عناد: والله ما اعرف انا شفت وحده شعرها طويل وجسمها حلو يعني ملفوفه وهي بطول غزيل لا اطول شوي مزون والعنود: ههههههه مزون: هذه نظره ولا جلسه عناد: ههههههههه لا والله انا شفتها لمـ رحنا بيتهم اول مره وهي دخلت تترجني احمي جودي وانه ناخذها معانا كان ودي اخذه هي بعد العنود: وابوها ما سوا لها شي عناد: لا كان مشغول في جودي مزون: اجل كان انت بعد خذيتها في حضنك كان ريحت عمرك من ست اشهر عناد: ههههههه العنود: خالتي متى تكلمي جودي عناد: الحين روحوا لها وكلموها خليها تكلم اهلها مزون وهي تلعب بولدها: لا خليها يوم ثاني عناد: يمه حرام والله تعبت العنود: ههههههه انتظر اللي خلاك تنتظر ست اشهر يخليك تنـتظر كم يوم بعد جلس عناد وصار يبوس امه في راسها واذنها وهي ميته ضحك مزون: عناد ابعد عني اسير وهي تبعد عناد بيدها الصغيره: لوح مانحبت عناد حضن امه وابعد اسير عنها واسير صارت تبكي وتضرب عناد العنود: خلاص بنكلمها اليوم عناد: لا الحين مزون: خلاص الحين حرام عليك شوف سوسو شلون تبكي عناد: مو شغلي بالاول تخلصوا موضوعي العنود وهي تشيل حموده اللي صار يبكي من صوت اخته: عناد خلاص بكيتهم ما صار حب عناد: لاجل تحسون فيني كافي انتِ عذبتي اخوي برفضك والله بغى يجن علينا ضحكة العنود باحراج: والله اخوك دمه ثقيل متعب وهو داخل: لا والله العنود: ههههههه كان دمه ثفيل عناد: اقول عنودت اخوي بتروحين الحين تكلمين جودي ولا اخبره شو كنت تحشين فيه فتحت العنود عيونها وهي تناظر متعب اللي ناظرها بقهر مزون: هههه حسبي الله على ابليسك خرب بينهم ترى والله عناد وهو يقاطعها: لا والله اخوي زوجتك تموت فيك بس حبيت العب عليك لانها مو راضيه تروح لجودي متعب وهو يشيل ولده ويجلس وجلست العنود جمبه: خير شو عندك عناد: اريد اتزوج متعب: وشو دخل جودي مزون: يريد اختها متعب: ههههههه والله طيحوا قلوب عيالنا بالاول جهاد ما كان راضي والحين صار يهلوس فيها عناد: ههههههههههههه ايه والله تصدق مره نادني جودي الكل: هههههههههه متعب: ياخي اليوم خذ غفوه وقت البريك ورحت له المكتب ومسكت كتفه اريد اصحيه مسك يدي بحنيه اتفاجئت قلت خليني اكمل لعب وياه همزته شوي تصدق مت ضحك لمـ سمعته وضحكت عناد: شو قال متعب: هههه قال جودي احبك لا تتركيني الكل:ههههههههه بس العنود حست بانه في شي بينهم وهي لاحظت انه جهاد وجودي ما يسولفون مثل أي متزوجين امامهم يعني بس سؤال وجواب عناد: وبعد شو صار متعب: ضحكت وهو قام وهو معصب علي الكل: ههههههههه عناد: يمه روحي كلموا جودي مزون: لا الحين يجي ابوك بروح لهم بكره ان شاء الله الصبح واخليها تكلم اهلها قدامنا متعب: يالله نستاذن حنا وطلع العنود ومتعب وهو شايل حمودي خلعت العنود شرشفه وجلست على السرير وهي مسرحه حط متعب ولده على السرير وجلس جمب العنود متعب: شو فيك حياتي العنود: تقول جهاد قال لا تتركيني تصدق احس انه متعذب وانه على طول معصب تصدق احس في شرخ قوي بينه هو وزوجته متعب: شلون العنود: احس علاقتهم ببعض فيها فتور قوي وكلامهم مع بعض سؤال وجواب واوامر وتنفيذ يعني مو مثل أي زوجين متعب: لا انتِ شو دراك شو بينهم ويمكن انت ما تشوفينهم الا وهم مضاربين وطبيعي العنود: لا مو طبيعي تذكر حتى لمـ رحنا القزاز انت ظليت ويايا شي طبيعي بس جودي كانت ويا البنات حتى جهاد لمـ شرى الاغراض اخذه بدون لا يستشيرها وانت ما لاحظت حتى ما يبعدون عنا ويختلون ببعض مثلنا متعب: شو بتسوين العنود: ما اعرف 0 0 جهاد: يالله تصبحون على خير الكل: وانت من هله كان لازم امثل مثل كل يوم واروح وياه ابتسمت للبنات: تصبحون على خير دخلت الجناح ورى جهاد وهو جلس في الصاله وانا سيده دخلت حجرته وخذيت ملابسي وخرجت بس صدمت فيه وانا خارجه ورجت لورى انتظره يبعد ولا يدخل كنت منزله راسي بس تفاجئت لمـ حط يدينه على اكتافي ابعدته بقسوه وخرجت ودخلت حجرتي وانا معصبه بس خرجت لمـ سمعت باب يسكر بس تفاجت انه مخلي باب حجرته مفتوح سكرته ودخلت الحمام خذيت شاور سريع وخرجت وانا لابسه بجامتي واتفاجئت لما شفته خارج من المطبخ وقفت انتظره يدخل حجرته بس هو ظل ثابت انا كنت انظر لتحت وكنت اشوف ظله ولأن الصاله كانت منوره على ضوء الابجورات تقدمت بس اعترض طريقي ورجعت بسرعه للخلف وهو تقدم مني وانا بسرعه رديت للحمام وسكرت على نفسي الباب سمعت باب حجرته يتسكر وخرجت وسكرت باب حجرتي بالمفتاح مثل كل يوم وخرجت من الجناح بهدوء ودخلت انظر البنات غزل وهي داخله: فيني نوووم غزيل: وانا بعد جودي: ليش انا مافيني نوم غزل: لا سهر الليل وسهر الصباح راح انتهي انسدحت على السرير: اوكي شو ورانا ننام حطيت يدي على بطني ما ادري احس بشي غريب واحس انه كبر شوي بس بشكل مو ملحوظ حتى نومي ما صرت ارتاح فيه يعني لازم انام على مخدتين عاليه ولا احس اني اختنق .. غزيل: انت شلون تنامين على مخدتين ؟؟ غزل: انا عن نفسي انام على اصغر ما اري شلون ترتاحين جودي: ما ادري بس احس اني ارتاح كذا صحيت الصبح وانا احس اني مرهقه واني جوعانه واحس بغثيان سحبت عمري سحب ونزلت للمطبخ وكليت سندوتش جبن صغير وعملت فطور للبنات العنود وهي داخله: صباح الخير شو هـ النشاط تقدمنا لبعض وسلمنا على بعض وبست حمودي جلست بكسل على الكرسي: فطرتي العنود: ايه مع متعب قبل لا يروح العمل وانتِ هذا فكورك انت وجهاد جودي: لا جهاد فطر وراح هذا فطور البنات العنود وهي متفاجئه: شلون ابتسمت لها: لا عادي اصلا انا امل بروحي وهن اذا خليتهن راقدات بيرقدن للظهر فانا اعمل لهم فطور واغرائات لاجل يقومن ويايا العنود: بروح اصحي البنات اجل جودي: اوكي اعمل لكِ كوفي عملت حله بس آآه تاكلي صوابعك وياها العنود: اوكي جودي: وينها اسير العنود: مسدوحه على الكنبه بره الا صح خالتي مزون وراي في الطريق اعملي حسابها في حلاك حتى امي بتنزل يعني حفل صباحي ابتسمت: ههههه اجل حلو بنشوف رايهم على حلاي دخلت العنود حجرة غزل وشافتهن نايمات قريبات من بعض العنود: هههههه السرير ياكبره وزانقات اعماركن قومن جودي سوت لكن فطور غزل وهي تغطي راسها بالمخده : مانريد سحبت العنود اللحاف: قومن بيفوتكن نص عمركن بنفتح سوالف مهمه غزيل وهي تفتح عيونها: مثل شو العنود: لا هي مفاجئة الموسم صراحة جلست العنود على السرير وشافت جوال جودي على الكمودينه وهو مثل تبع البنات N70 بس كل وحده عاملة لها اكسسوار على اسمها وهذا تبع جودي مسكته وفتحت الرسايل مو تلصص بس لاجل تبعد الشكوك من راسها ما شافت رساله من جهاد كل الرسايل من غزل وغزيل حتى الرسايل المرسله لـ غزل وغزيل فتحت قائمة الاسماء كان رقم غزل وغزيل ورقمها هي ورقم ابوها والبيت وبس يعني خمسة ارقام وين رقم جهاد المفروض اول رقم يتسجل العنود: ليش مو مسجله رقم جهاد جلست غزل: هاااا ايه .. ووقفت ما عندها رد.. ودخلت الحمام غزيل: العنود عيب شلون تفتحين جوالها بدون اذن العنود: لا والله شو يعمل جوال جودي هنا بداركم غزيل: نستوا البارح اسفل وحنا خذيناه ويانا خرجت غزل وهي ترتجف: برررد غزل: وين الريموت برد غزيل: كان مع جودي .. وسكتت لما شافت نظرات العنود العنود: شو تسوي جودي بالريموت غزل وهي تتمصخر: تتصور وياه وووو برررد العنود: امسحي راسك بتزكمين غزل: انزين اريد البس وحضراتكن موجودات وقفت غزيل: انا بدخل اخذلي شاور سريع العنود: لبسي انا بدير ظهري غزل: ما اعرف العنود: لا والله اشمعنا غزيل غزل: تعودت عليها العنود: انا مو خارجه لين اعرف شو يصير بين جهاد وجودي خذت غزل بنطونها ولبسته وخذت البدي ودخلت راسها ودارت ظهرها لاختها ولبست البدي وطاح الروب من اكتافها وراحت للتسريحه ومشطت شعرها وحطت قلوز بلشر على خفيف العنود: اكلمك شو يصير غزل: يعني شايفتني انام في نصهم لاجل اعرف اسرارهم العنود وهي توقف: صدقيني بكشف كل شي وخرجت من الحجرة خرجت غزيل وهي ميته ضحك: هههههههه اما اختك تخوف بصراحه انتوا تخوفون لمـ تعصبوا غزل وهي معصبه: هذه شو يفكنا منها الحين العنود وهي داخله: شو الموضوع ؟؟ انصدمو البنات غزل: اشفيك تتسمعين علينا العنود: لاعيني مو من اخلاقي بس رديت اخذ جوال جودي .. وخذته وخرجت وهي معصبه.. غزيل بصوت منخفض: الله يستر غزل: انا بنزل وانتِ خلصي بسرعه نزلت العنود وهي تناظرني بس حسيت بنظراتها غير يعني دوم اشوف حنان صادر منها بس الحين احس نظراتها مثل جهاد لمـ يعصب ابتسمت شكله البنات عصبوها مثل العاده العنود وهي تحط الجوال على الطاوله: شكله اليوم مميز من بدايته ابتسمت بس اختفت الابتسامه لما شفت جوالي على الطاوله الله يستر وشفت غزل وهي نازله وشكلها بعد مايطمن غزل: بروح افطر حد مافطر وقفت لاني غزل غمزت لي اني اتبعها الكل: بالعافيه جودي: شو الموضوع ؟؟ غزل: العنود حاسه انه بينك انت وجهاد شي انصدمت لاجل كذا تقول مميز ونظراتها الجافه اللي من شوي صار لازم ابعد عن العنود الحين ما اقدر اواجهها العنود من الشخصيات الطيبه الحنونه بس شكلها يخوف لمـ تزعل دخلت غزيل: صباح الفل والياسمين جودي وغزل: صباح الورد غزيل:ههههه اقول غزل اختك مشتغله علينا كونان على الصباح ضحكنا غصب عنا:هههههه غزل: شكله اخوك زعلها البارح وبتطلع حرتها فينا غزيل: والله لا ارجها هي من تفتح الموضوع انا بستهبل مثل العاده واذا ما صلح وياه غزوله بنطفش اسير لين تبكي عاد تعرفين بنت اختك من تبكي محد يقدر يسد فمها بسرعه مثلك غزل: وجعععع طالعه لك غزيل: لا لك جودي: خلاص طالعه لي والله انها تجنن غزل: ايه طالعه لي غزيل: لا والله لي جودي: انا اعصابي بازط وانتن تستهبلن الحين غزيل: انت شعليك لاتشيلي هم افطري وبندبرها لك مثل دوم جودي: فطرت قبلكن غزل: خيااااانه جودي: ماقدرت حسيت بالجوع وكليت وعملت لكم فطوركم فطرنا وخذينا الكوفي والحله وخرجنا كنت عامله موس الشوكلاته وبريوش الشكولاته سلمنا وضيفناهن وجلسنا جمب بعض مزون: شو هـ النشاط غزيل: اصلا من جات جودي وحنا ننام الليل ونصحى الصبح نفطر ونساعدها في الحلى في المغرب لاجل ناكله الصبح وحركتات صعبه موضي: لا والله تدخلن المطبخ ما اصدق غزل: لاصدقي تغيرنا شوي موضي: والله واستفدنا .. وسكتت .. .. تألمت من كلمتها بس اشوه هـ المره احترمت مشاعري وما كملت مثل العاده .. مزون: والله عناد قرر يخطب موضي العنود خبرتها بالسالفه قبل حست انها ارتاحت يعني مو هم بروحهم خذوا من هـ العائله كان تفكيرها غريب شوي حتى هي ما ارتاحت لافكارها .. غزيل وغزل:ووووووووووووووو غزيل: من متى وانا اخر من يعرف مزون: هو انتِ تنشافين في البيت يدوب تسلمين وتمسكين الباب موضي:هههههه طفش عندكم العنود وهي تنغز: ايه هنا ثنتين تسهر وياهم نظرنا لبعض وبلعنا ريقنا هذه ما راح تجيبها لبر غزيل : ومن هي تعيسة اقصد سعيدة الحظ غزل: شكلها معقده مثل اخوك غزيل: هههههه لا وتكره الحريم مثله الكل كان يضحك الا انا والعنود كنت كل ما اناظرها عيوني تلتقي في عيونها نسيت اخبركم لمـ قدمت للطب اكتشفوا انه نظري ضعيف واشترى لي العم منصور نظاره وعدسات بس انا االنظاره ما استخدمها يعني بس البس العدسات وغزل وغزيل ما قصرو ويايا كل وحده اهدتني عدسه بلون مختلف لاجل نطقم مثل العاده وقفت بطلع لفوق العنود: على وين |
| | |
|
| مواقع النشر (المفضلة) |
| أدوات الموضوع | إبحث في الموضوع |
| |
المواضيع المتشابهه للموضوع: بنقل لكم قصة سعودية روووعه .. لكنها على أجزاء .. | ||||
| الموضوع | كاتب الموضوع | المنتدى | مشاركات | آخر مشاركة |
| تحميل+شرح برنامج الحماية AVG Anti-Virus Professional 8 | خدمة RSS | برامج جديدة - جديد المواقع | 56 | 22-11-2008 - 09:19 PM |
| الشرح الكامل والشامل بالصور لنسخ2جيجا على CD 700 mb | خدمة RSS | برامج جديدة - جديد المواقع | 6 | 20-11-2008 - 07:52 AM |
| لمااذا لا نسيطر على أبنائنا تماماً؟! | لؤلؤة المغرب | المجلس الاسري العام | 9 | 18-11-2008 - 03:56 PM |
| [ شرح ] : واااو اصنع نسخة الويندوز الخاصة بك شرح باكثر من 30 صورة وطبعا اخر اصدارة ويندوز | خدمة RSS | برامج جديدة - جديد المواقع | 7 | 16-11-2008 - 04:03 PM |
| اطلبوا اي شي يخص الانيمي | احمد3 | مجلس الأنمي وشخصيات الكرتون | 14 | 08-11-2008 - 09:57 AM |
المواقع الصديقه | |||
الساعة الآن - 08:30 AM.
| SEO by vBSEO 3.2.0 |
