بنقل لكم قصة سعودية روووعه .. لكنها على أجزاء ..

جودي: بروح ابدل بجامتي نزلت عملت الفطور ونسيت عمري
مزون: عادي ترانا اهل
ابتسمت لطيبة هـ الانسانه: لا خالتي احس اني متضايقه من ريحة الاكل
وطلعت وانا افكر في العنود شلون بواجهها
غزل: من العروسه
العنود: لا خليها مفاجئة لين تجي جودي
غزيل: هههه حركات صرتي احسك مثل اخوك جهاد
العنود: ههههه حتى انس مثله
انحرجت غزيل: ههه
الكل:ههههههه
مزون: الاصدق اشتقت لـ خالد وشيطانيته
موضي: ههههه انا كل يوم اكلم انس ويشتكي من خالد كل يوم مدخله في مغامره غير شكل
مزون: ههههه الله يهديه

نزلت وشفتهم يضحكون ارتحت شوي لمـ شفت العنود تضحك يعني بيهدء الجو شوي
كنت محرره شعري هذه وسيلت لمـ احاول ابعد الاحراج عني جلست وحسيت انه البنطلون ضاق علي غريبه رغم انه اكلي خف عن قبل حتى الراحه اللي على قولهم تمتن الوحده بعد الزواج مهي موجوده شلون متنت..
غزل: جودي شعرك طال
ابتسمت لها: تصدقين هذه اول مره في حياتي كلها يوصل لهذا الحد
غزيل: غريبه شعرك شكله احلى لمـ يطول
جودي: ما اعرف بس انا تعودت عليه وهو قصير شكلي بقصه
العنود: وجهاد موافق ؟؟
.. كل شوي وتذكرني بجهاد شكلها ماراح تتركني لحالي ابتسمت: لا بس بكلمه قبل
غزل: انا بكلمه انه ما يوافق
ضحكت: صدقيني ما تعدوت عليه حتى ساعات انقز لم تدخل خصله تحت ملابسي على بالي شي
مزون: لا حرام لا تقصينه اعملي شلال بيطلع عليك جنان
غزيل: ايه والله طقمنا في كل شي الا الشعر اعملي شلال مثلنا واصبغي خصل عوديه وفوشي دام انك ما تريدين تعمليه بلياج
غزل وهي تذكر: يالله جودي وصلت من هي العروس
مزون وهي تناظر جودي: غيداء
العنود ناظرت مزون عناد وصف وحده وهي اللي يبيها شلون خالتها تتكلم كذا
البنات ما استوعبن الموضوع
غزل: ما اعرف وحده اسمها غيداء
غزيل: حتى انا
تقربت العنود من خالتها
العنود وهي تساسر خالتها: خالتي بس عناد في راسه وحده ويبيها
مزون: هو قال الملفوفه وانا سالت يوم الفرح عنهم وعرفت انه الملفوفه هي غيداء والنحيفه جود
العنود وهي تبتسم: اقول السالفه محبوكه
مزون وهي تضحك: هههه كنت اريدها وسبحان الله عناد بعد يريدها
موضي: شو السالفه
مزون: بنخطب غيداء لـ عناد وودنا نعرف رايها
ناظرتني وابتسمت لها ماعرفت هي شو قصدها
العنود: شفيك جودي خالتي تكلمك
اشرت على نفسي: انا بس انا ما ادري .. ضعت مافهمت قصدهم ..
العنود: شو ما تدرين كلمي اختك وشوفي رايها لانه عناد مستعجل
غزل وغزيل: وووووووووووووو لالالالا طاحوا شباب العائله والله ومحد سمى عليهم
الكل: هههههههه
كنت جالسه مثل الاطرش في الزفه
غزيل: جودي كلمي اختك غيداء اخوي يريدها والله فله بتكبر الشله
الكل: ههههههههه
..احس اني بديت استوعب اختي غيداء بس تكلمت بدهشه كنت اظن صوتي داخلي بس الكل سمعني: اختي غيداء تريدونها
مزون: ايه والولد من شافها وهو متولع فيها
جودي: متى شافها ؟؟
مزون: انت اسأليها وبتقولك
ابتسمت والله منتي هينه ياغيداء بس متى وكيف
العنود: جودي كلميها الحين عناد هو اللي مصحينا من النوم ومنتظر على جمر
الكل: ههههههههههه
وقفت
مزون: كلميها هنا وحنا اهل مهما كان ردها
جودي: لا هذي يبالها زياره لازم اشوف ردت فعلها حرام تحرموني منها
مزون: براحتك
العنود: بس روحي لهم اليوم
مزون: وابوك وامك
..انتبهت انهن مايعرفن بالتطورات اللي صارت وانه يمديني اعيش في بيتنا بهدوء وراحه بس جهاد كل ما اكلمه يقول انه مشغول ترجيته كثير بس هو دوم يقول انه مشغول ..
جودي: لا انتهت المشاكل
غزل وغزيل: اه يالخاينه
غزل: اربعه وعشرين ساعه وياك ولا قلتي لنا
غزيل: خيانه حتى نـ ..بس انتبهت لزلتها وصلحتها .. نجوم الليل عدينها مع بعض
الكل:هههههههههه
مرت عليهم بس نظرت لـ العنود اللي ناظرتني وهي بنفس الجفاء .. شتت نظراتي صار لازم ابعد الحين بس تذكرت
جودي: خالتي مزون انا كل ما اكلم جهاد يوديني بيت اهلي يقول انه مو فاضي عاد كلميه واتوسطي لنا عنده
العنود: ليش ما تعرفي تقنعي زوجك ولا لا يكون هو بعد ما يعرف ان المشاكل انحلت بينك وبين اهلك
..بلعت ريقي وانا مو عارفه شو ارد
غزيل: والله بصراحه جهاد يقهر حتى جلوس ويانا ما يخليها من يوصل ياخذها وياه وما نشوفها غير الصبح والمغرب واذا رد مبكر اخذها واحتكرها في داره
مزون: لا والله تترك زوجها وتجلس وياكم شو هـ المعادله الصعبه
..ابتسمت غصب عني اما هـ االغزيل عندها حلول في اوقات وتطيح في اوقات..
مزون: خلاص بكلمه اليوم
جودي: اجل كلميه ابيت عندهم اليوم
مزون:ههههههههههه قولي كذا من الاول
ضحكت: خالتي والله من خرجت ما دخلته الا مرتين وهي دقايق اللي جلستها
مزون: خلاص بكلمه بس اذا ما رضى انت حاولي فيه بطرقك الخاصه
ناظرتني العنود وانا بسرعه ابعدت نظراتي

طلعت ورى جهاد بعد الغدى
جلس في الصاله وانا كنت محتاره اكلمه ولا اطنش وادخل حجرتي خفت منه هـ اليومين نظراته لي ماتبعد عني احسه يراقبني يعني ليلة وبيرميني بعدها بابشع الكلمات لاجل كذا كنت اشرد عنه حتى عند اهله ما اتكلم بحضوره التزم الصمت واظل مستمعه وبس ..
وقفت لمـ سمعت صوته
جهاد: جودي
استندت على باب حجرتي وكتفت يديني وناظرته
ابتسم ابتسامه تذوب الصخر: يعني راسله واسطات
برّدت مشاعري وهي تبي تفضحني ضميت حواجبي لاجل اهدئ من انفعالاتي: والله يبون اختي ولازم اكلمها وجها لوجه وبرد لهم الخبر
جهاد: ولازم تباتين
جودي: لاجل نفكر مع بعض
جهاد:ههههههههه ليش هو بياخذ وحده ما بياخذكم بالجمله
.. قهرتني كلمته حسيت بالذل والقهر حتى خواتي بدء يغلط عليهن ..
جودي: لا انا من اتحرر منك راح ابعد عن كل الرجال جاتني العقده منهم
وقف واتقرب مني وانا دخلت بسرعه بس ما لحقت اقفل الباب دخل وسكر الباب خلفه
جهاد: شو قصدك ؟؟
تكلمت بخوف: ولا شي ماقصدت شي .. هو صح مايمد يده كثير بس خلاص انا تعقدت من الضرب وتعود جسمي على الدلع حتى نومت الكنبه ما صارت تريحني بس بترك كل هذا في يوم كرامتي ماتسمحلي اعيش بذل..

حسيت بدينه تحاوطني حضني حسيت بمشاعره اتكهربت حسيت برجولته بس ضربته على صدره هذا نذل يجيني يشبع رغباته وبعدين يطربني بكلامه اللي زي السم
تحركت بن احضانه اريد اتحرر منه وابعده عني مشاعري بدت تخوني حاولت اجلس بس هو كان موثقني عدل .. دعست على قدمه بالكعب واتعور بس ظل ماسكني .. رفعت رجلي عن الارض وهو شالني وخذني حجرته نزلني على السرير وحط يده على صدري لاجل يمنعني من الجلوس والثانيه قربها من وجهي
جهاد: اهدي خلينا نتفاهم
ابعدت يده عن وجهي: ما بيناتنا تفاهم خلاص انا رسمت احلامي بعيد عنك صدقني انت اخر واحد حطيته في الصوره اتركني لاجل ما ازيد في كلامي واخدش في رجولتك
جهاد: قولي اللي تقوليه انا اللي في راسي بسويه
رفزته برجولي وهـ المره تعور يعني اصبت منطقه مولمه بس غصب عني وبسرعه خرجت من الجناح ودخلت حجرة غزل بس انصدمت لما شفت العنود

دخل جهاد خلفي
جهاد: تعالي
..ياويلي العنود هنا وهي من الصبح شاكه فيني ارتعشت هذا في راسها موال وهي ماراح تجيبها للبر..
ابتسمت غصب عني: خلاص حبيبي سماح هـ المره
شفته متفاجئ ولاحظ وجود العنود وابتسم: تعالي خلاص سامحتك حياتي
انتفضت في مكاني: لا والله ما اروح وياك تضحك علي
تقرب مني جهاد وانا كنت عند السرير وبسرعه طلعت فوقه: خلاص عمري سماح هـ المره
مد يده لي: انزين انزلي يابعد عمري صافيه لبن
نظرت لغزل وغزيل اريدهن يتدخلن بس شكلهن صدقوا المسرحيه اللي قدامهم
تكلمت بخوف وجلست على السرير وحضنت المخده احس بمغص في بطني ما اعرف سببه: خلاص جهاد واللي يعافيك اتركني هـ المره
جلس على السرير وتقرب مني: انزين ليش الخوف قلنا سامحناكي
جودي: ما اصدقك انت دوم تخلف وعدك
رفع حاجبه الايمن وناظرني حسيت انه جسدي احترق من نظراته وابتسامته اللي ارتسمت على وجهه

العنود: اشفيك جودي جهاد حبوب
ناظرتها خلاص انا مو ناقصه بطني احسه قلب علي تقربت من جهاد لين لاصق كتفي الايمن صدره وتكلمت بحيث محد يسمعني غيره: جهاد واللي يسلم عمرك خليني احافظ على اللي تبقى من ماي وجهي كافي اللي طاح
جهاد بصوت مسموع لكل: اوكي حياتي بس انتِ تعالي وبنتفاهم
ابتعدت وانا انتفض: لاالالاالا الله يخليك اعرفك بتخون فيني
عض على شفايفه ووقف وهو ماسك يدي وثنى جسمه لاجل يشيلني
صرخت: العنود واللي يسلم عمرك فكيني من اخوك تراه متهور المره الاول من كثر مايدور فيني ويرميني على السرير سقطت اخاف هـ المره تطلع روحي
شفت نظراته المندهشه وضحكت عليه
بسرعه سحبت يدي ووقفت ورى العنود احتمي فيها
موضي وهي داخله: جهاد اخوك كسر جوالك وانت هنا
التفت لها جهاد: منو
موضي وهي تضحك: منو بعد معرسنا
جهاد وهو يتذكر: خلاص الحين بوديها لاهلها والله بيذبحني

وناظرني: تعالي نروح قبل لا انذبح بسببك
ابتعدت عن العنود بهدوء وانا اناظر البنات اريدهن يساعدوني بس هذيل اشفيهن مو فاهمات نظراتي
دخلت الجناح بهدوء وهو دخل وسكر الباب خلفه
اللتفت له وانا اترجاه بنظراتي وتكلمت بسرعه: اصلا انا محرمه اليوم عليك
..نزلت راسي بخجل عرفت معنى اللي قلته بس عادي هو في حكم انه زوجي وابتسمت على كذبتي شكله صدقني تقرب مني بسرعه وباسني على خدي ودخل حجرته
خرج وهو لابس بنطلون جنز بني وتيشير بيج وعليه كتابات بالبني والزيتي .. وجلس في الصاله
جهاد: ادخلي بدلي بسرعه عناد بيذحبني
دخلت بس وقفت شوي: ببات عندهم
جهاد: اوكي بس بكره بمرك مثل هـ الوقت واردك
جودي: ان شاء الله
دخلت بسرعه ولبست تيور وردي كلوش وفيه جنيهات من تحت وبلوزه بيج ومنقوش عليها ورد عسلي ووردي
حطيت قلوز وبلشر وردي وكحلت عيوني ولبست اكسسورات جنيها تناسب الطقم ولبست صندلي هـ المره وخذيت شنطتي ولفيت اخذ عباتي بس صدمني جهاد لمـ دخل وسكر الباب

جهاد: شو رايك نطنش عناد واللي خلفوا عناد
حطيت يدي على بطني كل ما يقرب مني بطني يقلب علي
جهاد: وين لسانك اللي قبل شوي حياتي
تنهدت بالم ورحت للدولاب وخذيت شي ملابس وحطيتها في زمبيل وخذيت حجابي ولبسته
دق جوال جهاد وناظر بقهر: هلا
عناد: ياخي للحين ما وصلتها
جهاد: ياخي اثقل شو جرالك الثقل زين
عناد: بتروح ولا اكلم امي
جهاد: خلاص خارجين
سكر الخط وانا تقدمت من الباب وهو كان واقف عند الباب
جودي: ممكن تبعد ؟؟
ابتعد وفتحت الباب بس ذبت لما مسك خصري
تقرب من اذني: بس بنتفاهم بكره اان شاء الله
مشيت بسرعه وانا اقول في نفسي هذا اذا رديت بكره

سلمت على البنات
غزل: شو هـ التطورات
ضحكت: خليها على الله بس
غزيل: يابعد عمري شلون بينام عنك
ضحكت هـ المره كثير: ايه ومخداتي لا تردونها اذا رديت لكم احتاجها
غزل: سمعتي غزيل تقول اذا رديت لكم يماما بعد اللي صار قدامنا ما اعتقد تردين النا
...ضحكت من قلب فهمتني غلط انا كنت اقصد البيت وهي اللي فهمتوا حجرتهم ..
خذيت جوالي وسلمت عليهم وخرجت
*
*
جهاد: انزلي شو فيك
تكلمت بتعب: مافيني تعبانه
جهاد: لازم تاخذيلهن شي
جودي: والله تعبانه
جهاد: يعني شلون
فتحت الباب: خلاص بس محل واحد بندخله وناخذ منه ونخرج
دخلنا برومود وانا جلست على الكرسي
جهاد: اشفيك
جودي: قلتلك تعبانه
جهاد: اوكي انا باخذلهن على ذوقي وبجيبه لك تشوفين المقاسات
شرالهن اطقم باكسسوارتها احسه يشفق علينا احسه يحن علينا بس ليش يذلني ..
جهاد: شوفي هذا يناسبهن
جودي: ايه

انغام: والله وصرت حمالها
التفتنا للصوت وشفنا انغام وهي حاطه غطوه خفيفه ومكياج خفيف يعني الغطوه مال امها داعي
وقفت وهو عدّل حاله ولصقت فيه وانا اناظرها وحطيت يدي على صدره وتكلمت: والله زوجي ويدلعني انتِ شكو ؟
انا كنت لابسه نقاب ومغطيه عيوني بغطوه خفيفها
ناظرته وهو كان موجه كل نظراته لعيوني
غمزت له وشفت ابتسامته ذبت ما اصدق اني اقدر ابعد عنه او اني اقدر انساه
وتكلمت وانا اريد انتقم منها لاني حاطه احتمال 90% انها هي اللي حطت لي الاشرط: والله حطني في طريقه لانه يعرف انه رجل محترم ما يعرف الف والدوران وانتِ امرأه شاذه لها اكثر من علاقه مع البنات.. وسحبته بسرعه ورحنا للكاشير وحاسب وخرجنا
دخلت السياره وانا التوي من الالم بطني احسه بينشق نسيت ادهنه كريم سمنت وبديت اشوف تشققات خفيفه عليه بس تحرقني وظهري يالمني
جهاد: وهو يحرك السياره شو قصدك من انها امرأه شاذه
تكلمت بعصبيه: والله اسأل خواتك حتى كانت تريد تعمل وياهن علاقه بس الحمد لله بعدوا عنها وانت تورطت فيها
جهاد: شلون
جودي: خلاص انساها لو تريد تتزوج خذ غيرها بس قبل خذ شور خواتك يعرفن معدن النساء اكثر منك
ابتسم جهاد: وانت شفيك معصبه ؟؟
جودي: تعبانه
جهاد: اوكي بوديك المستشفى
تكلمت بسرعه: لا ما يحتاج انا دوم كذا يصير لي
..كنت اظنه قرب الموعد..
~|~الجــــ السادس ــــزء~|~


أخصمك آه اسيبك لا وقو الروح حتفضل حبيبي اللي انا بهواااااك

اثرت فيني الاغنيه صرت اتحسس من الاغاني
وصلنا ودقيت الباب وفتحت لي جود وحضنتني قاومت دموعي
جهاد: ادخلوا كملوا فلمكم الهندي داخل
ضحكنا على تعليقه
ودخلنا البيت وهو دخل الاغراض في المجلس
جهاد وهو ينادي: جودي جودي
غيداء: روحي كلمي زوجك وقهوي
خذيت من غيداء الصينيه ودخلت وهو كان واقف خذ مني الصينيه وجلس وجلست جمبه
جهاد: شكلك تعبان
تكلمت: لا عادي
ومديت اخذ الثلاجه اصب له قهوه بس هو ضيف نفسه
ورن جواله وهو عصب وضحكت انا عناد كل ما خطينا خطوه يدق علينا
جهاد: قولي لاختك تره شايفها ويهلوس فيها ليله ونهاره هههههه
ابتسمت لمـ شفت ضحكته حسيت بالم الفراق خلاص قررت اني ما اخرج من هنا هو من هنا اخذني وبظروف غريبه وانا لازم الفراق اعمله بنفس المكان وبظروف مختلفه
جهاد بصوت ذايب: شوفيك
ابتسمت له وحضنته: شكرا جهاد على كل اللي سويته لي
كنت اذوب وانا في احضانه ظهري انصهر من لمسات يدينه
ابتعدت عنه: شكرا لك على تحملك ظرروفي
ابتسم جهاد وتقرب مني اكثر
منيره من عند الباب: كملت جايبنك تنتقمين مني
ابتعدنا عن بعض وجهاد وقف منحرج
جهاد: امرك بكره ان شاء الله وانتبي لعمرك ولا اقول تعالي الحين
دخلت غيداء وجود وهن لابسات عبيهن: لا خلاص خلها عندنا وحنا بنحطها في عيونا
ناظرني جهاد ووقف ومسكت يده وخرجت
جود: على وين
ضحكت: بوصله للباب اشفيك
غيداء: انتِ شلون تخرجينها من الحجره
جود: قالت انها بتروح الحمام وخرجتها
غيداء: اوكي ثاني مره لاتخرجينها
جود: امي تعالي ما احب اجبرك على شي ما تريدينه
منيره: بجلس وياكم
غيداء: اوكي بس جودي لا تقربيها
منيره وهي تتنهد بقهر: خلاص ولا اقول بروح الحجرة مافيني اشوف رقعت وجهها
جودي: سلم على البنات واشكرهم كثير
جهاد وهو مو فاهم شي: انت شفيك ؟؟
ابتسمت له: مع السلامه
باسني على خدي وخرج سكرت الباب ورديت

جود: سنه لين تودعيه
ضحكت: ههههه كيفي حلالي
غيداء: ههههههه
جود: اقول جودي حلالك في بيتكم
الكل: هههههههههه
دق جوالي وضحكت
جود: لحق يشاتق لك
جودي: ههههه هلا حياتي
جودي: وحده وحده كلهم بخير
جودي: وانا بعد اشتقتلكم
جود: هييي اشفيك ترانا عزابيه
ضحكت:هههه غزوله بعدني ما تكلمت.. اوكي الحين بس اخذ نفس ...هههههه..خلاص فمان الله
غيداء: حبوبات
جودي: بشكل ما تتصوري
جود: خاطري نعمل شله وووفله بصراحه
جودي: اممم بس تعرفون انا شلون جيت هنا
جود: شلون
ابتسمت وناظرت غيداء: ممم خالتي مزون توسطت لي عند جهاد
الكل: هههههههههه
غمزت جود لي
جودي: قليلة ادب
الكل: ههههههههه
جودي: من فيكن قابلة عناد
اتفاجئن البنات
غيداء: من عناد
جودي: اسألي عمرك شو سويتي في الرجال
ضربت جود غيداء على كتفها على خيف: شو عملتي
غيداء: شو الموضوع ما سويت شي
جودي: عناد شاف وحده ومن يوم شافها وهو ميت فيها
جود: انا محد شافني بس هيييييييي انتِ متى شفتيه ولا خبرتيني
غيداء: والله ماشفته اشفيكن
جودي: تذكري
غيداء: يمكن يوم ضربك ابوي خرجت اترجاهم وبس في واحد هزئني ودخلني
جود وجودي: هههههههههههه
جود: حب بتهزيئه
جودي: المهم هو يريد يعرف رايك
انحرجت غيداء وابتسمت بخجل:ههههههههههه
جود:هههههههه الا صدق هو شلون شكله
خرجت صورته اللي عطتني اياها غزيل: شوفيه
خذت جود الصور: ووووووو عذاب ولا اكتافه عريض بصراحه جناااااان
سحبت منها الصوره: هيييي العين تزني
وناولت غيداء الصوره: شوفي زوج المستقبل
غيداء ووجهها محمر: خليتُيه زوج المستقبل
جود: آآآآآآآآآه وجهي احترق من الحيا..
وحضنت جود غيداء وغيداء تضحك وهي ميته خجل ..
غيداء: بس انا ما اريد اتزوج
جودي: ليش نونو
غيداء:هههه ايه لاصدق ما اقدر اخلي جود بروحها
جود: ليش عيوني والله تاخذينه وانتِ تضحكين
غيداء وهي تتكلم بجد: لا جود ما اقدر اتركك بروحك
جود: والله لا ازعل عليك وما راح اكلمك ليوم الدين ووقفت وهي معصبه ودخلت حجرتهم الجديده وهي حجرة منيره
مسكت يد غيداء وتكلمت: غيداء شو هـ الكلام هي بيجيها نصيبها وانتِ هذا نصيبك
غيداء: ما اريد اتزوج قبل جود
جودي: هههههههههه اقول الرجال من شافك وهو ذايب فيك وانتِ تتغلي الحين
غيداء: افهميني جودي جود وين تجلس مو معقول نخليها بروحها وانت تعرفين اخلاق امي
جودي: انا بكلمهم واقول انك موافقه
غيداء: جودي
جودي: والله حنا ما ناخذ شور البنات في مثل هـ المواضيع
غيداء: جودي اعقلي
ضحكت وانسدحت على ظهري: حبيبتي خلاص انتهى الموضوع واحس اني تعبانه
غيداء بخوف: شو فيك
جودي: ظهري بيتكسر شكلي بديت اجني اثار الضرب الي خذيته من ابوي والحيزبون
جود وهي عند الباب: جودي تعالي انسدحي جوه ليش مسدوحه في الصاله
جودي: تعبانه
تقربت جود مني بسرعه وجلست:
جود: شو تونسين ؟؟
جودي: ظهري
حطت يدها تحت ظهري ورجعت حطتها على بطني وهي تتحسس بطني
جود: اقص يدي لو ما كنتي حامل
صدمتني كلمتها شلون ما فكرت فيها هذه ييي ورط نفسي واللي سويته اليوم لللا لازم اتخلص من حملي بس كذا بصير اخس من منيره على الاقل هي ضربتني وانا بقتل روح لالللاا ما اريد احمل اريد اتطلق ..
غيداء: حبيبتي وين رحتي ؟؟
جودي: لا تكلميني انتِ بالاول قولي انك موافقه
ناظرتني غيداء وناظرت جود وجود شمقت عليها وردت تتحسس بطني
جود: حبيب خاله اخيرا بتجي انتظرنا كثير وانت توك صغير
جود: جودي كم شهرك
جودي: تصدقين انت توك بثيت لي الخبر بس اذا كنت حامل معناته شهر نص لا قربت ادخل الشهر الثاني
جود: والله انك خبله يعني في وحده ما تعرف اذا كانت حامل ولا لا والمشكله انتِ بتدخلين طب اريد اعرف شلون تدخلين طب واعراض الحمل ما تعرفينها
جودي: ههههههه سقطت سهوا وبعدين في شي اسمه حمل كاذب
جود: بس الحمل الكاذب ما يسوي انتفاخ في البطن
جودي: وين حرام عليك والله بطني صغنن
جود: ايه يعني يناسب حجم القطعه اللي بتتكون في بطنك
جودي: انزين جود حسي فيه دقات قلب ولا شي
جود: انتِ تقريبا في الاسبوع السادس والاسبوع الخامس والسادس والسابع يتكون النسيج العظمي ثم يليه النسيج العضلي بس صدق احس بشي تحت يدي
غيداء: احس وين
جود عطت غيداء نظره وكلمتني: هاتي يدك حسي فيه
تحسست بالفعل كان في شي وبما اني نحيفه كان واضح شعرت بالم يعني شلون انفصل وفي شيء بيجمعنا
غيداء وهي تبكي: ليش جود ليش تعامليني كذا
جود: لمـ تعقلين بكلمك عدل
جودي: اشفيكم
غيداء: شوفيها تطنشني ولا معتبره لي وجود
جودي: خلاص جود هي موافقه
ابتسمت جود وحضنت غيداء وهي تبوسها وتبكي فرح لها
ناظرتني غيداء وهي مو عارفه شو تقول لـ جود هي معترضه بس انا دبستها
جودي: جود متى القلب يدق
جود: لحظه وحطت يدها على بطني والثانيه على قلبي
جود: هو في نهاية الاسبوع الثالث والرابع يتكون القلب وتبدء دقات الجنين في الخفقان ثم يبدأ ضخ الدم داخل المشيمه حيث تتوزع كل من الاكسجين والطعام للجنين ويمكن رؤية رأس وذيل الجنين الخلوي بس انتِ الحين في السابع يعني طفلك تكونت عظامه وانكست بس بشكل يعني في الاسبوع الثامن بيتخذ الوجه والفم والعيون والاذن شكل محدد وتظهر اذرعه وارجله واقدامه وطوله يكون 1بوصه ووزنه غرام واحد وتتخذ المضغه شكل ادمي ويعني هو يمر بمرحلة نمو سريعه ولازم تبعدي عن الادويه وما تاخذينها كذا عبط ييييه لايكون كنت تاخذين شي ولا تضغطين على بطنك

جودي: لا لاتخافي بس انتِ للحين ما حسيتي بنبضه
جود: امبلى ليش
جودي: فرحانه بوجهك شيلي يدينك
جود:هههههه مو مصدقه بيصير عندنا بيبي
غيداء: احس
جود: هاتي يدك بس على خفيف
غيداء: وانت من اول شو تسوين
جود: لا عيني انا بصير طبيبه
غيداء: عشتوا... وووووو حياتي والله صغنن
جودي: ههههه اكتشفنا الذره
جود: كلمي جهاد اكيد بيفرح
جودي: لا اخاف اذا كلمته يجي ياخذني وانا ما ماودي اروح
انسدحت جمب جود ورن جوالي نغمت رساله
جود: هههههه بدينا
جودي:هههههههه مضايقك بشي
جود: ايه انتِ لي اليوم ليش يتصل
غيداء: عجيب والله قال ايش انت لي ليش هي بضاعه عندك
جود: مو شغلي اريدها تفكر فيني وبس وتكلمني انا بروحي كافي سبع اشهر وهي بعيده عني
فتحت جوالي وشفت رقم غريب فتحت الرساله
إن طالت الغيبه يبقى ذكراكم باقي
وان سهينا يبقى لذكراكم وحشه
وان جف بحر شوقنا نهركم هو الساقي
ماتغيبوا عنا ولو غابت الجلسه
يا نور الدنيا مامثلكم نلاقي
نحبكم
ونشتاق
مهما
طالت
المده
" جهاد "
غمضت عيوني بالم هذه شو ناوي عليه ليله وبيذلني مثل قبل
كتبت له ورسلت له راسله
جود: انتهت رسايل الغرام
ضحكت وقفلت الجوال:هههههه خلاص قفلت الجوال شو تريدن
جود: احبك
جودي: هههههههههه قديمه
غيداء: هههههههههه دوري غيرها
جود: افا جودي تفشليني قدام الحساد
غيداء: حساد في عينك
جود و جودي: ههههههههههههه
غيداء وهي تنسدح جمبي: جودي تحبين جهاد
اتفاجئت من سوالها
جود: ههههههههههه بدت الاخت الثانيه ايه نامي وفكري فيه عدل ولا اقول حطي صورته جمبك يمكن يظهر في احلامك على خيل عربيه اصيله وياخذك وينهزم فيك لبلاد هو ملكها وانتِ اميرته
جودي:ههههههههههه
0
0
وصلت الرساله لجهاد وفتحها بسرعه
جهاد اشكرك على موقفك الرجولي وياي واشكرك على كل شي سويته لي على ضربك لي على تهجمك لي على كرهك لي بس صدقني انا ما احمل لك كره في قلبي انت انتشلتني من العذاب اللي كنت فيه ابوي كان قبل يعذبني وهو اللي امر زوجته انها ترميني عليك لاجل يتخلصوا مني بس هم ما كانوا يعرفوك كانوا يظنوا انك مقيم حتى انا
المهم ما ودي اطول عليك اعتبر الليله اللي عطيتك اياها رد جميل ولا تحاول تاخذ غيرها كافي اللي سمعتني اياه سد نفسي
وانا اريد الطلاق هـ المره خلاص تحسنت الاوضاع هنا وما احتاجك ولا انت تحتاجني الا اذا كنت هاوي تعذيب فهذا شي ثاني انا برد بكره وارجوك تنسى اللي صار في بيتنا اليوم كان هديه مني لك على موقفك وياي وانا ما املك مال ارجع لك كل اللي صرفته علي فكان اللي هنا شكر وتقدير
انا برد بكره وياك لين ينتهي موضوع غيداء وعناد وعقب ما يملكون برد لبيتنا لانه وجودي عندكم ماله معنى ولازم ارد لاجل جود بتظل بروحها
اخيرا اشكرك من اعماق قلبي واتمنى انك تختار زوجه صالحه ونصيحه لاترد لـ انغام مهما صار لانها انسانه قذره اذا ما كنت مصدقني اسال خواتك
وعصب ودق على جودي بس حصله مغلق ورد قرأ الرساله
جهاد: لا مو معقول انها تريد الطلاق انا حبيتها ليش علقتني فيها وتريد تتركني الحين
جود: يالله خلص اليوم والحين جهاد في الطريق
جودي: لا ما اريد اروح
غيداء: لا والله بكيفك
جودي: ايه بكيفي
جود: لا روحي وخبريهم بموافقة غيداء قبل تغير رايها وقوليلهم في أي وقت حنا موجودات والله يحيهم بس خبريهم انه منيره ما ارح تقابلهم لانها مو امنا وتقول انها ما تريد تدخل نفسها فينا
غيداء: لا والله متى قالت هـ الكلام
جود: انا قررته وانتهى الموضوع والبنات عيب ما يسولفن في سالفة عرسهن
ضحكت انا وجود بيمنا غيداء عصبت علينا
..كنت رافضه فكرت اني اروح بس اذا ظليت هنا ممكن اخرب على غيداء تندمت على اللي صار بيني وبين جهاد .. الله يستر شو بيطربني اليوم من كلام
جود: جودي وين سرحتي زوجك عند الباب
انتفض جسمي سلمت عليهن وخرجت
فتحت الباب ودخلت بهدوء
سكرت الباب
تحرك واحس انه الطريق للبيت طال وانه الزمن توقف
وصلنا البيت ودخلت وسلمت عليهم
غزل: بشري
جودي: اممم يعني بنكبر شلتنا
غزيل وهي تنطنط: وووووووو عناد بيتزوج والله فله
0
0
في المستشفى وفي مكتب جهاد
عناد: ياخي شو ردها
جهاد: ما سألتها
عناد: أجل ليش رايح
جهاد: رحت اجيب زوجتي
عناد: يعني ماخبرتك
جهاد وهو يناظر الورق اللي امامه: لا
عناد: اجل دق عليها الحين
جهاد: عناد وراي شغل
خرج عناد وهو معصب خرج جواله وكلم غزيل
غزيل: هلااااااا بالمعرس
عناد وهو يبتسم: يعني وافقت
غزيل: هي تطول أي انت شفيك
عناد: اش فيك
غزيل: هذه اختها ضربتني اقول خلاص كنسلها بيسوون علينا عصابه
عناد: ههههه
غزيل وهي تناظر جوالها: شف ابن الذين قفل الخط
جودي وغزل: ههههههه
غزيل: اقول غزوله واللي يعافيك طلبتك قولي تم
غزل: هههه شو وراك
غزيل: احبك يابنت عمي ارحميني الله يخليك اريد منك خدمه صغيره
غزل:هههه والله احس وراك مصيبه
جودي: خلاص قولي تم خلينا نشوف شو وراها
غزيل وهي تبوس غزل على خدها: ارجوك والله بتريحيني
غزل: تم هـ شو عندك
غزيل: الشباب اليوم عندهم off وخالد النحيس هو اللي يرد وانا لي فتره ماسمعت صوت أنس واللي يخليلك امك وابوك خلاص انتِ قولتي تم ...قالتها لما شافت الصدمه وجه غزل ..
جودي: ههههههههه وانا اقول كل هـ الترجي اثاري السالفه فيها انس
غزل: نو حياتي ما اقدر والله استحي
غزيل: من شو تستحين دقي عليه على جواله
غزل:هههههه والله على بالي اكلم على الشقه
غزيل: شو هـ الذكاء اقولك خالد هو اللي يرد تقولين اكلم على الشقه
جودي: بسرعه غزل كلمي أنس خلينا نسمع صوت العندليب
غزيل: وانت ليش تسمعين
جودي وغزل: هههههههه
مسكت غزل جوالها وكلمت على أنس وهي ترسم ابتسامه خبيثه على شفايفها والبنات لصقوا اذانيهم من الجوال لانه أنس مايحب أحد يكلمه على السبيكر
غزل: هلا حبيبي اشتقتلـــــــــــــــــك موت أحبك تصدق عرفت طعم حبك لمـ غبت عني ههههههه
انصدم خالد هو رد لانه أنس قاله رد لانه كان في الحمام
ابتسم خالد: هلا حبيبتي حتى أنا بعد عرفت طعم حبك لمـ ابتعدت عنك
ابعدت غزل جوالها تتأكد انه رقم أنس مو رقم غريب
البنات ناظروها
غزل بتردد: الو
خالد: آآآآه غزوله مابقى شي وأرد شو اللي يصبرني بعد ماأشعلتيني بصوتك
ارتبكت غزل وسكرت الخط وهي قمه في التور والخجل
البنات:هههههههههههههه
أنس: منو
خالد: هذه أختك من سمعت صوتي سكرت الخط في وجهي

أنس: هههههههه تعرف انك تلوع الكبد ضعيفه شكلها غثت من صوتك
ابتسم خالد: هههههههه قول اللي تقوله آآآه متى ننتهي
أنس: ههههه خلاص مابقى شي بناخذ الشهايد ونرد
خالد: وتكون احلى مفاجئه
أنس: ايه والله بس انهد حيلي من الدراسه
غزيل: خساره ماسمعت صوته
جودي:هههههههههه والله انك ورطتي البنت وهذا تفكيرك
غزيل: ليتني اتورط أنا بعد تعرفون بكلم خالد يمكن أنس يرد
وكلمت خالد
خالد: هلا ههههههههه
غزيل: هههههه شو عملت
خالد: لحقت تعلمك
غزيل: هههههه شو عملت فيها البنت انحبست انفاسها
خالد: هههه بعدي والله غزيل حطي على السبيكر
غزيل: اوكي
خالد: غزل اموت فيك والله اموت فيك
سحبت غزل الجوال وسكرت الخط
البنات:ههههههههه
جودي: ههههه غزل شو عملتي في الرجال
غزل وهي توقف: اللي يجلس وياكم
مسكتها غزيل: هههه خلاص والله خلاص
0
0
بعد العشى جلسنا مثل العاده نتسامر شوي
موضي: جودي كلمي اهلك انه بنزورهم الاربعاء
عدلت من جلستي لانه الحين جاء وقت الحسم بيعرفون وضعنا عدل: خالتي هي جود وغيداء اللي بيستقبلوكم لانه حم حم ابوي .. وعضيت على شفايفي التحتيه .. ابوي مختفي له تقريبا شهرين ووو.. وحسيت بالم في بطني ابتسمت حبيبي صغير يحس بتوتراتي .. وكملت ... و زوجة ابونا ما راح تقابلكم تقول انها ما تريد تدخل عمرها فينا
..كنت اتكلم بتوتر وقلق...
منصور: اهدئي حنا اهل وما يحتاج كل هـ التوتر
انحرجت ما كنت اظن انه مبين علي التوتر..
موضي: اجل شلون نخطب وابوها مختفي
جهاد: عادي يمه انا موجود ويمكن ابوهم ما يرد يعني ما ينخطبن أنا اقول لو نعجل في الموضوع
موضي: لا ما يصير
جهاد: يمه ابوهن مدمن يعني
منصور وهو معصب: جهااااد خلاص فهمنا .. وناظرني .. كلمي خواتك اننا بنزورهم
موضي: عناد يعرف بالسالفه
جهاد: ايه حتى عمي ومتعب وامي
موضي: اجل نروح بكره الولد مستعجل وهو يريد يشوفها الشوفه الشرعيه
جودي: خلاص بكلمهم الحين
..وقفت لاني احس جهاد جرحني صح ابوي مدمن بس ما ادري حسيت بالذل يعني ابوي قمه في الدنائه هذه معنى كلمت مدمن ..
رحت للجلسه الثانيه
جودي: هلا جود
جود: جودي اشفيه صوتك
جودي: لا بس من الفرحه المهم بكره بنجيكم ونخطب رسمي
جود: متى
جودي: لحظه
وقفت وتكلمت: خالتي الساعه كم بتروحون
منصور: قبل العصر لانه عندنا دوامات العصر
جلست: جود قبل العصر لانه عندهم دوامات وانتِ تعرفي عمل الاطباء
جود: خلاص ههههه صح والله احس اني مستحيه اشلون اقابلهم
جودي:ههههه عادي بكون وياكي
جود: غيداء اشفيك انا كم مره علمتك ما عندنا بنات يتسمعن لسوالف العرس
جودي:هههههه جود خفي ع البنت
جود: لو تشوفين معلقه صورته في حلقها
غيداء: كذااااااابه والله لاتصدقينها
جودي: هههه حرام اعرف اخلاق غيداء مو مثلك
جود: افااااا بدينا خذيتيها وياك وقلبتي علي اخخخ نذاله
جودي: هههههه
شفت جهاد وقف وطنشته وكملت
جودي: جود بكره لبسي شيله يعني تقمصي دور امنا
جود: لاجل تقطعون نصيبي
جودي: هههههههههه لاتخافي بيجيك نصيبــ
وسكت لمـ شفت جهاد تقرب مني وجلس جمبي ومد ذراعه على كتفي
جود: اشفيك
جودي: بكلمك عقب اوكي فمان الله
سكرت الخط ولفيت بوجهي اناظر اذا احد ممكن يشوفنا ولا لا بس اذا وقفوا بيشوفونا
حاولت ابتعد بس هو مسكني
جودي: شو تريد
جهاد: فوق نتفاهم
جودي: اوكي
وقفت ومرينا باهله بس انا تنذلت فيه وجلست
جهاد: تصبحون على خير
الكل و اولهم انا: وانت من اهله
.. وابتسمت ابتسامه بريئه احس لو انه اختلى فيني بيطلع هـ الابتسامه من عيوني ..
طلع كان المفروض امثل مثل كل يوم دور المرأه المحبه واطلع وراه بس انا طنشت وتقربت من البنات
جودي: البنات يسلمن عليكن
غزل وغزيل: الله يسلمهن
غزل: جودي اطلعي ماما تناظرك
جودي: ما اريد
غزل: بتسمعين كلام مايسرك
جودي: ما اظن
نزل جهاد ووقف في نص الدرج: جودي تعالي شوي
درت له هذا ما راح يجبها لبر ابتسمت له: شوي بطلع عندنا موضوع مهم بخلصوه واطلعلك
موضي بصرامه: اطلعي شوفي شو يريدك
ابتسمت غصب عني..
غزل بصوت منخفض: جبتيها لعمرك
جودي: طلعوا وياي
غزيل: انا ظنيت انكم تصالحتوا
جودي: مسرحيه مسرحيه
كنا نتكلم بصوت منخفض
جهاد وهو يناديني: جودي
..ابتسمت للبنات وطلعت وانا اناظره وهو يناظرني لمـ وصلت له لفيت للبنات وشفتهم يبتسمون ابتسمت لهن وطلعت بهدوء وياه..
دخلنا الجناح وقفل الباب وانا سيده دخلت حجرتي وقفلت الباب
جهاد من ورى الباب: افتحي الباب
ما تكلمت
جهاد: بكسر الباب على راسك
..اكتشفت انه جهاد ما يحب احد يعرف بمدى علاقتنا وانه في سابع المستحيلات انه يكسر او يدق الباب بصوت يسمعه كل اهل البيت حتى صوته ما كان مرتفع كان يدوب اسمعه
شفت الاستريوا وشغلته وكنت اناظر مقبض الباب شفته ارتخى عرفت انه مل وراح
...اف قهر وين انام الشزلون ما صار يريحني من حملت احس انه يقيدني يعني هو مريح بس مو عريض..
انسدحت وانا اتحسس بطني بدء يكبر ومع الوقت بيلاحظوا الفرق تضايقت من التيور بدت ملابسي تمسك علي وانا تعودت انام ببجامه اصلا حتى في بيت اهلي كنت البس روب البيت يعني شي فضفاض واشلون وانا حامل
انحرجت من كون اني حامل يعني البنات يدرون بنوع العلاقه بيني وبين جهاد واذا درو بالموضوع بطيح في اسئله مالها اول من تالي وبعدين انا ما اريد احد يعرف لين تتزوج غيداء وارد بيتنا وبخليه يطلقني وطبعا بيكتشفوا اني حامل لانه غيداء اكيد بيفلت لسانها ويصير في فرصه اني ارجع بس انا بوقف الموضوع لين اولد وبعدين ارفض الرجوع .. ياعيني على نفسي عندي خطط شي رهيب
صليت الفجر ع الساعة سبع استغفر الله اخرت صلاتي
جلست في الصاله وانا معصبه وانا احس بغثيان اريد اكل شي يمنع الغثيان وهذا مقفل الباب رد يحبسني
دقيت على رقم غزل
غزل: هلا
جودي: انت نايمه
غزل: ايه
جودي: اخوك حبسني
غزل: ههههههه شي عادي ليش معصبه
جودي: اريد اخرج
غزل: لحظه الحين اجي
جودي: اوكي بس انتظريني لين ابدل ملابسي
غزل: خلاص صار
وقفت قدام الدولاب وانا معصبه البناطين صارت تضايقني كنت لابسه قميص نوم ساتر بس احسه مريحني
لبست بنطلون لونه ليلكي تحت الخصر كنت اكرهه بس الحين مضطره ولبست بدي بنفس اللون بس على افتح ولبست بلوزه بيضه طويله لين ركبي وسكرت الازارير
خرجت البردنه وما لقيت غزل عصبت طلعت فوق الكرسي ووصلت للبرنده الثانيه وانا معصبه
جودي: ما شاءالله نايمه
غزل: جودي سوري راحت علي نومه وانت ليش ما رديتي اتصلتي
احس بقهر: بنزل افطر تجين وياي
غزيل وهي تشل اللحاف: بدينا بحركات النذاله
جودي: انا نازله
خرجت في دهشت البنتين
دخلت المطبخ وسويت شندوتشات جبن وخرجت ثلاث اكواب لبن
صار لازم اشرب لبن كل يوم واكل تمر خرجت التمر
غزل وهي تجلس: وووو فطور بدو
غزيل: ههههه ذكرتيني باصلي
غزل: اشوه ذكرتي اصلك
فطرت وانا ساكته
غزل: جودي شوفيك
غزيل:هههههه شكله اخوك سمعها كلمتين تسد النفس وقالت بطلع حرتها فينا
ضحكت غصب عني ع تعليقها تخيلت شكل جهاد وهو معصب
غزل: ايه روقي كذا مو قبل ماده البوز
غزيل: شو قالك
جودي: غازلني طول الليل
الكل:هههههههههههههه
غزل: ايه لاجل كذا حابسك
جودي: بنات شكله حبسي بيطول هـ المره واريد اغراض احطها في الثلاجه عندي
غزيل: اف كل هذا لاجل ما طلعتي وياه .. غزل اشفيه اخوك صاير كذا
غزل: ما اعرف شكله البلوه انغام مسويه له عمل
غزيل: اجل تعالي نوديه لشيخ
جودي: هههههه صدقوني هو طيب بس ما حبني الحب موغصب صدقوني لو حبني ما كان هذا حالي انا يمكن ما عاشرته عمر بس سبع اشهر عرفتني اخلاقه هو طيب وادبه زايد بس انا ما ملكت قلبه ولا حتى لمست قلبه لا تاخذو عليه موقف صدقوني بتندمون عليه
غزيل: ياعيني ياعيني ياعنيني ع الحب صدقيني هو يحبك بس هو غبي مايعرف يعبر عن حبه
غزل: ما كانك سبيت اخوي
غزيل وهي معصبه: والله كلكم هبول ما تعرفوا تعبروا عن مشاعركم يكفي الغبي اللي هناك يعني لو واحد غيره كان يلصق عند التلفون لاني شكلي الوحيده اللي اكلم على الشقه
غزل: غزيلووه احترمي عمرك
جودي: صلوا ع النبي
غزل وغزيل: اللهم صلي وسلم على الحبيب محمد
خذيت شاور ولبست تيور زنجوري مشجر ولبست تيشيرت بيج داخل عليه الزنجوري
الحين بيجي جهاد وننزل نتغدى وانا ما راح اطلع وياه باخذ عباتي وانزل
سمعت طق الباب يعني دخل وما سكر الباب
خرجت بسرعه وخرجت من الجناح رميت عباتي في حجرة البنات ونزلت
موضي: جهاد وينه
جودي: جاي وراي
ناظرتني ورخيت راسي على الطاوله احسها معترضه كل حركاتي
نزل جهاد وجلس
ابتسمت لمـ ضرب رجولي ما ناظرته احسه بياكلني من القهر
كلينا بهدوء
غزيل: ليش ما تاخذونا وياكم
موضي: هو اللي نعيده نزيده
غزل: يمه مافيها شي
جهاد: انتن ما تفهمن
غزل بملل: خلاص فهمنا
جهاد وهو يوقف: الحمد لله
ناظرني وانا ابتسمت له كنت اكل ببطء
جهاد: اخلصي بسرعه ونزلي ثيابي
ابتسمت له: نزلتها وعلقتها على الشماعه
جهاد: انزين تعالي اريدك شوي
ابتسمت له: بس اخلص اكل واجي
جهاد: يعني لابسه من بدري
كنت حاطه مكياج وهالمره ثقلت يعني نفس الطريقه بس الالوان اغمق استخدمت العودي وهذه اول مره استخدم الوان غامقه احسها فتحتني
ابتسمت له: يعني اختي وفرحانتلها
جلس: ان شاء الله دوم
.. هذا اشفيه جلس كنت اكل وهو يناظرني احرجني يعني عمي وخالتي موجودين ..
وقفت: الحمدلله
جهاد: اخيرا
منصور: اشفيك تحسب لها اللقمه
مشينا بس انا رحت للصاله الرئيسيه
جهاد: على وين
جودي: بجلس هنا انتظركم لين تجهزوا حالكم

جهاد: لا عيوني اريدك فوق اريد اتفاهم وياك في موضوع مهم
جودي: ممكن اطلب طلب
جهاد: اطلبي ياعمري اطلبي لو تبين قلبي عطيتك اياه
... عرفت انه يتمسخر بي ..
جلست: ممكن
..وشفت العنود وهي داخله..ابتسمت له: انزين اجلس شو اللي موقفك
جلس ومد يده على اكتافي ورفع رجوله فوق الكنبه وثناها وجلس عليها وصار يناظرني وانا اناظر العنود

العنود: السلام عليكم ورحمة الله شكلي خربت عليكم
جهاد وجودي: وعليكم السلام ورحمة الله وبركاته
جهاد بتريقه: لا ابد تفضلي
جلست العنود وهي تضحك: اقول جهاد عناد مطفش متعب ومتعب تملل منه وارسلني في هـ الظهر اشوف حظرتك اذا جهزت ولا لا
جهاد وهو يوقف: بجهز الحين
مد يده لي لاجل اوقف وياه.. مسكت يده ووقفت
العنود: لا ما تاخذها اخاف عناد ينط علينا
جهاد: انا اريد اعرف هو يريد يتزوج ويرجني وياه
العنود: خلاص اشبكهم في بعض وبينساك
جهاد: بخليه يملك في اقرب فرصه والله لا ارجه راح اخليه يعجل الموضوع
...كان يتكلم وانا اعتصر من الداخل لهـ الدرجه مو طايقني ويريد الفكه مني يعني مستعجل على الطلاق..

طلعت وياه وانا محطمه
دخلت الجناح وجلست على اول كنبه
جلس جهاد جمبي: شوفيك ؟؟
تكلمت ودموعي متحجره في عيوني: ممكن تبدل وننزل
جهاد: انزين ممكن نتفاهم ؟؟
... نزلت دموعي وحطيت يديني على اذني بمعني اني ما اريد اسمع صوتك ..
وقف ودخل حجرته وانا خرجت اخذت عباتي من حجرة البنات وحطيتها على ايدي
خرج وهو لابس ثوب ومتشخص بالشماغ والعقال
خرجنا ونزلنا من الدرج ولا احد فينا يكلم الثاني
وفي نص الدرج شفت العنود وهي تسولف مع البنات
ناظرتني غزل وكشرت وجهها
اشكالنا مبين اننا مضاربين
رسمت ابتسامه على شفايفي ومسكت ذراع جهاد وهو ناظرني وشكله تفاجيء من حركتي رفع حاجبه الايمن صرت اموت على حركته هذه
نزلنا وانا اناظر البنات وابتسم لهن احسهن شوي وينهبلن على يدي
غزيل: جودي ميلي براسك على ذراعه مثل الزفه
عملت اللي قالته لي وانا اضحك شكل اللي جمبي شوي وينفجر علي ..
العنود: الله يهديك كنت راكب راسك يعني لو مثلت انك تحبها وقتها كان الفلم طلع احلى والله طول الممر وانت ماد البوز
غزل: لا وانت الصادقه بياخذ صوره شخصيه للبطاقه
الكل:ههههههههه
فاجئتني حركة جهاد ضمني لصدره: خلاص بنعيد زفتنا في زواج عناد
غزل: ايه والله وهي بنلبسها فستان فرحها والله حركات
جودي: ايه لاجل الناس تاكل وجهي مو مصدقه عمري

* * جلسنا وهو موثقني كان لاصق فيني جبتها على نفسي بديت في التمثيل وهو احترف فيها * *

العنود: كلمت عناد
جهاد: لا الحين بكلمه
وخرج الجوال وكلمه
جهاد: هلا بالمعرس .. ياخي غثيتنا .. انا جاهز بس امي وابوي بعد ما نزلوا....ههههه .. والله لاعلم عليك.. اوكي فمان الله..
غزيل: شو قال
جهاد: والله الحفله في بيتكم ليش جالسه في بيتنا
غزيل: خلاص تعودنا شو نعمل
غزل: الا بجد قلت بتعلم عليه شو قال
جهاد: بصوم ثالث ايام ولا اني قايل خلاص ارتحتوا
العنود: جودي قوليله يعلمنا
ابتسمت ليش من كثر المعزه بيتكلم والله بيحرجني ..
غزل: جودي اشفيك من نزلتي وانت توزعي ابتسمات
جهاد: قلتلها كلمتين اسعدتها صح جودي
غزيل: للاالا قبل شو قال عناد
ناظرني جهاد وتكلمت: علمهم ليش انت غثيث ؟؟
ابتمس وقرب شفايفه من اذني: هين هين بنختلي ببعض لأطلع البرائه من عيونك
تكلمت وانا ضاغطه على اسناني: أكثر من كذا
جهاد: هو انت شفتي شي لاخليك تندمين على كل حركاتك وياي
جودي: حرام ليش انا شو عملت
جهاد: ذبحتيني تعرفين شو معنى كلمة ذبحتيني

غزل: نحن هنا اسراركم عندكم جناح ياكبره طلعوها هناك
حطيت مخده ورى ظهري: لا كنا نتشاور اذا يقولكم ولا لا شو قاله عناد
العنود وهي تبتسم: ان شاء الله طلعتوا بحل
ناظرته وابتسمت: خلاص حرام لعبت بعقولهم
جهاد: ههههههههه يقول والله ابوك وامك مصدقين اعمارهم والله صادق انا نازل قبلهم
الكل: هههههههه

رحنا سيارتين عمي منصور والعم سعد وخالاتي الثنتين في سيارة
وفي سيارة متعب عناد قدام وجهاد وانا والعنود في الخلف
وتركنا الصغار عند غزل وغزيل
الله يستر هذيل ما ادري يردون الزواج وهن بكبرهن محتاجات احد يرعاهن والله سمعت العنود وهي تقول لأسير لو تضاربوا هذيل الخبلات اتصلي علي وعلمتها شلون تعيد الرقم على رقمها
سلمنا على جود ودخلتهم مجلس الحريم
جهاد ماقصر رسل لهم قبل لوازم الضيافه ماخلى شي ما رسله حتى الاطباق لانه يعرف حالتنا
جودي: وين منيره
جود: قفلنا عليها في حجرتها بس هي قالت انها ما راح تصارخ وتفضحنا لانها امنا وهي اللي ربتنا بصراحه قطعت قلبي
جودي: المهم غيداء وينها ؟؟
جود:هههه داخل والله البنت لاعبه الدور عدل جسمها بكبره يرتعش
جودي:هههههه يحق لها الله يرزقك انتِ بعد
جود: آآآآمين
دخلت وسلمت على غيداء وهي حضنتني
جودي: بروح اساعد جود وانت اقرأي اية الكرسي والله يساعدك

العنود: جودي وينها غيداء
جودي: الحين تجي
خرجت ورحت لـ غيداء
غيداء: خلاص بطلت جود من بيظل وياها
جودي: ربك يحلها
مسكتها ودخلتها عليهم
وقفو وسلموا عليها
جلست وانا ماسكه غيداء لانها شكلها بتشرد
غيداء: فكيني
جودي: نو واذا كثرتي هرج بحرجك وياهم
..الخبله ضربتني على ظهري يعني انا ناقصه..
مزون: شلونك غيداء
ناظرتني وردت ناظرتهم
غيداء وبحيا شديد: بخير الله يسلمك
العنود: في أي مستوى ؟؟
غيداء: الخامس
موضي: اش قسمك
غيداء: ادب انجليزي
جود: جودي جهاد يناديك
وقفت وغيداء وقفت وياي
جودي: على وين
ابتسمت لي غيداء بترجي
جودي: بروح لجهاد وهو اكيد في الصاله وين بتروحين
احرجتها لانه صوتي كان مسموع
خرجت
جهاد: خليها تلبس عباتها لانه ابوي بيكلمها