| |||||||
| التسجيل | التعليمـــات | صندوق المحادثات كاملا | قائمة الأعضاء | الأوسـمـة | التقويم | البحث | مشاركات اليوم | اجعل كافة الأقسام مقروءة |
| مجلس للروايات والقصص والحكايات منتدى لجميع للروايات والقصص والحكايات الحصرية والفعالة |
دردشة الجوارح مركز تحميل الجوارح عالم حواء تصفح بدون نوافذ مزعجة
 |
 |  |
 |  |  |  |  |
 |
| | LinkBack | أدوات الموضوع | إبحث في الموضوع |
17-09-2007, - 11:35 PM
| #91 |
| شمعة ودمعة وعاشقة المنتدى بإمتياز   
|  رد: بنقل لكم قصة سعودية روووعه .. لكنها على أجزاء .. جودي: ليش جهاد: انتِ سوي اللي اقولك عليه خذيت عباتها وعبات جود وعطيتهم اياها الكل متفاجئ جود: شو صار جودي: ما اعرف بس عمي بيكلم غيداء وانا قلت انه وجودك مهم لبسوا عبيهن وخرجن اتورط واندسيت خلف البنات دخل علينا عمي منصور والعم سعد منصور وسعد: السلام عليكم البنات: وعليكم السلام سعد: حنا جيناكم ونعرف انه ما وراكم سند لاتظنو اننا نستغلكم بالعكس انتن بناتنا وبانسبه للثانيه اللي اسمها جود حنا عندنا ملحق وبناخذ بيتكم هذا وبنعيشها في الملحق اللي عندنا لا تظنو انه شفقه او صدقه لا بالعكس هذا واجبنا وحنا قبل خفنا انكم تفسرونها كذا بس طال ما اننا ماخذين ثنتين صار لازم اننا نتكلم ولا تظنوا اننا مستعيرين من حالتكم الماديه بالعكس الفقر عمره ما كان عيب وعمر رضي الله عنه قال " لو كان الفقر رجل لقتلته وسعة الرزق والفقر هذه حكمة من رب العالمين " دمعت عيني بس اتفاجئة من جود اللي دارت لي وحضنتني وهي تبكي سحبتها ودخلنا مجلس الحريم اسندت ظهري على الجدار وانا حاضنه جود اللي تبكي بصوت فطر قلبي شفت غيداء داخله وهى منزله راسها جلست وهي تناظر الارض مسحت دموعي وتكلمت: خلاص جود الحين غيداء تبكي وتفجع الرجال ..بس حسيت اني ما قدرت اللطف الجو ... همست في اذنها: خلاص جود الحين غيداء تبطل لا تخربين فرحتها شوفيها اشلون ماسكه عمرها يعني هي بعد تاثرت مثلنا كافي انا خرجت من هنا وانا ابكي دم خليها تخرج من هنا وهي تدمع من الفرح وماتشيل همك صدقيني هي مو موافقه انا ورطتها وهي ما تكلمت لانها شافت معاملتك القاسيه لها هدت جود بس ما زالت حاضنتني جودي: هذه دلوعتنا هو صح انا اصغر منها بثلاث ساعات بس هي دلوعتنا ابعدت راسي عن راسها وشفت ابتسامتها جودي: انا داسه وجهها عنكم لانها الحين تلوع الكبد حسيت انه جود تريد تدخل داخلي حضنتي بقوه ناظرتهم كانت وجيههم حمره تاثروا فينا جودي: حبيبتي اريد اجلس تعبت من الوقفه ابعدت راسها عني وناظرتها بس هـ المره انا رميت نفسي عليها القرار كان ضدي انا اريد ابعد عن جهاد بس هـ القرار بيحطنا في موقف حرج دمعت عيوني غصب عني .. جود تبكي لانها تظن انها الوحيده اللي تمثل عاله على هـ العائله اجل انا شنو انا من دخلت عليهم وانا اشعر انه وجودي عندهم ماله داعي .. حسيت بيد تبعدنا عن بعض فتحت عيوني وشفت غيداء ووجهها صار احمر شوي وتنفجر بس هي متماسكه ابتعدنا عن بعض وجلسنا بهدوء جود وصوتها ثقيل: متى عناد يريد يشوف غيداء ؟ ناظرت جود وضحكت:ههههههههه ..صدق ماخذه الدور عدل.. ناظرتني جود وابتسمت سحبت المساكه من شعر غيداء لانها كانت مسويته كعكه وهي دايرك حطت يدها على شعرها.. بدينا بحركات النذاله نغير جو .. جود: غيداء اتركي شعرك خليه يشوف طوله العنود وهي تبتسم: ايه لازم يشوف شعرك مزون: ههههههه انحرجت غيداء وانا مسكت شعرها وصرت اعدله باصبعي شعرها ناعم بس من طوله يمسك شوي ببعض جودي: خالتي مزون شوفي شعر بنتنا لين وين ومديته على جسمها لين وصل لنص الفخذ جودي: هو لين ركبها بس مع الثنيه .. وحسيت بضربه حسبي الله على ابليسها هذه ناسيه اني حامل ... الكل:ههههههههههه سمعت جهاد يناديني .. وقفت ورحت له .. جودي: هلا جهاد: عناد يريد يشوفها جودي: اوكي بس وين جهاد: هنا في الصاله ولا اقول بخلي ابوي وعمي يروحون مع متعب وحنا نرد بعدهم جودي: ينفع اظل عندهم جهاد وهو يبتسم: ينفع تنقطينا بسكاتك تقربت منه ومسكت ذراعه: اريد ابيت عندهم اليوم تقرب جهاد مني اكثر: وانا بعد اريد ابيت وياك ابتعدت عنه: كلم اهلك وانا بلبس عباتي لاجل ادخل مع غيداء جهاد: شو المناسبه جودي: اختي وبوقف وياها جهاد: وانا بعد بدخل ويا عناد لاجل ازره جودي:هههه يادمك جهاد: رخي صوتك فضحتينا ..انحرجت ودخلت عند الحريم .. العنود: شو يريد جودي: عناد يريد يشوف غيداء .. وناظرتها وهي مسكينها وجهها صار طماطم.. جهاد: جودي جودي خرجت له: نعم جهاد: ظهروا الرجال وانا بنتظر في الحوش لين تنتهوا جودي: لا لاتنظر في الحوش بس انت اعطيني ظهرك وانا بخرج البنات وانت ادخل هنا ودخلت : جود غيداء تعالن جهاد بيدخل هنا وقفو البنات ودخلو حجرتهم ودخلت جهاد العنود: ههههه والله انت الوحيد المستفيد على قول متعب في كل مكان داخله وانت مفتح مغمض بس خلاص عناد بيغمض عيونك جهاد: ههههههههه حسد يلطيــــــف جودي: خالتي مزون كان احد بيجي معاها عند عناد لاجل ندخل غيداء موضي: انا بروح بس هاتي عباتي العنود: انا بعد جهاد: بظل بروحي والله كان دخلنا جهاد هنا بدل الف والدوران دخلوا عند عناد وانا خذيت غيداء ودخلتها عند الباب ووقفت انا وجود عند الباب وحنا ماسكات بعض مزون وقفت وخذت غيداء وجلستها جمب عناد ضغطت جود على يدي ناظرتها وحنا ميتات ضحك على غيداء عناد يناظرها وما شال عيونه عنها موضي بابتسامه: هذه هي اللي عذبتك ابتسم عناد: ههههه فضحتونا مزون: ههههه خلاص انتهى العذاب عناد: لا والله بدء انا شو يصبرني لين اخذها الكل:هههههههه كنت متوقعه انها توقف بس غريبه شو اللي مجلسها بس شفت انه ماسك يدها.. والله ماخذ راحته الاخ جود: شوفيه ماسك يدها جودي: ماخذ راحته جود: بتذبحنا والله لو خليناها اكثر شفنا نظرات تهديد من غيداء ابتسمت : لا هي بتذبحك بروحك انا بروح وياهم جود: اجل بدخل اخرجها الحبيب اكلها اكل دخلت جود شوي ومدت يدها من بعيد شافتها غيداء وسحبت يدها ووقفت بس ردت جلست وهي ماسكه شعرها شكله علق في شي خرجت جود وهي تضحك تقدمت من غيداء لانها خلاص راح تنفجر اعرف غيداء لمـ تزعل وشفت شعرها عالق في الكبك هم الله يهديهم مع الربشه علقوه اكثر مسكت الكبك وفتحته وخرجت الشعر وسيده وقفنا ورحنا حجرة البنات وانا وجود ميتات ضحك وغيداء ساكته محترمه الضيوف اللي في البيت جهاد: اش صار ضحكونا وياكم خرجت لجهاد وانا ميته ضحك: شعرها ههههه.. وحذفت علي مخده وطحت في حضن جهاد وانا اضحك عليها جود وهي من داخل الحجرة: جودي واللي يرحمك خلاص بتذبحني ولا اقول خبري عناد آآآآآآه...ع ضتها غيداء .. خلاص والله توبه جهاد: جودي ما صار هذا كله ضحك خرجت جود وهي متغطيه: جهاد وصيها فيني والله.. وسكتت لانها شافت نظرات غيداء التهديده.. جهاد: شو السالفه ؟؟ جودي: علق شعرها في كبك عناد وضحكنا انا وجود عليها مره ثاني جود دخلت عند غيداء لانها انحرجت من جهاد وجهاد يمسح على ظهري وهو يضحك: خلاص جودي والله البنيه انحرجت كافي اللي هي فيه حركت راسي اللي على صدره باني مو قادره اسكت يمكن ظروفنا وحياتنا واللي نمر فيه له دور في ضحنا الجنوني هديت وانا احس بدوران رجولي مو قادره تشيلني اكثر تعلقت في جهاد وحملته ثقلي جهاد: انت صاحيه ولا شو ؟؟ تكلمت بهمس: والله دوخت من الضحك العنود وهي تبتسم: خلاص مشينا ابتعدت عن جهاد وانا منحرجه جهاد: اوكي بس هو عينها زين العنود: من صباع رجولها لـِ منبت شعرها رديت ضحك: حتى اخذ تذكار من شعرها الكل:ههههههههههههههههههههه دخلت موضي ومزون الصاله لاجل يسلموا على البنات العنود: جهاد اظهر خلاص خرج جهاد وظهرن البنات يسلمن على الضيوف غيداء كانت في قمة حرجها وقمت توترها وقمة غضبها وقمة حيائها كل شي عندها توب مزون وهي تبتسم لـ غيداء: صدقيني ممكن انتِ الحين منحرجه بس بيجي لك اليوم وانت اللي تسولفين عن الموضوع بطلاقه ولاااااا تتمني ترجع الايام ويعود الضحك وتقولين ليتني ضحكت وياهم بدل ما ازعل جود: ايه خبريها اخاف تاكلني مزون: لا انتِ أي شي تسويه لك سجليه وانا بعطيه عناد ياخذ حقك منها الكل: هههههههههه انحرجت غيداء ونزلت راسها سلمن عليهن بس انا سلامي غير كنت احضنهن وانا ما ودي اتركهن جودي: خالتي توسطيلنا عند جهاد مثل ذيك المره مزون: هههههه لا والله حشمني مره اخاف يطيح فيني هـ المره سلمنا على البنات وخرجنا 0 0 جود فتحت الباب لمنيره جود: يمه راحو الضيوف منيره وهي خارجه: شو صار جود: شافها وشافته غيداء: يـــ مــ ـه بتزوج منيره: اش اسويلك غيداء وهي تدمع: يمه باركيلي ... وحضنت غيداء منيره بس منيره ابعدتها عنها... منيره: انا سمعت كل شي بس انا هذا بيتي وبظل فيه جود بصرامه: يمه بتروحين وياي يمكن هم ما يعرفوا بوجودك يمكن جودي ما خبرتهم بس اذا بنتقل من هنا رجلي على رجلك منيره: انا مرتاحه هنا جود: لا للاسف انت ما تنتركين بروحك منيره: والله وصارت لك كلمه يا جود جود: اسفه يمه بس انا ادرى بمصلحتك يمه انت ربيتينا وماراح ننساك ..انصدمت منيره من جود.. منيره: من متى تعرفين اني خالتكم ؟ |
 |  |
| روابط دعائية |
|
17-09-2007, - 11:40 PM
| #92 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. جود: يمه عرفنا وانتهت السالفه بس صدقينا انت امنا الي ربيتينا منيره وهي تجلس: لا انا خالتكم وقررت ابيعكم بس للاسف انتو كبرتوا وانا معد اني قادره عليكم جود: ليش يمه تبيعينا هذا اخر حبنا لك هذا اخر طاعتنا لك صح نكره قسوتك مع جودي بس صدقينا يمه حاولنا نكرهك بس انت يمه انت يمه الي ربيتينا ليش يمه تجازينا بالشر منيره: انا اكره مها واكره حلى واكره ابوكن ترجيته لين تزوجني كيف اعيش مع واحد انا وهو وبناته الصغار في بيت بدون أي رابط بس للاسف ابوكن صح كنا ننام في حجرة وحده بس مالمسني كان هذا شرطه من البدايه هو الي دمرني هو الي خلاني اجري ورى الحرام علمته الادمان وصرت اخذ منه الي اريده بس للاسف انا انجرفت ورى اللذه وتعودت عليه جود: يمه توبي منيره: اتركوني في حالي غيداء: يمه ليش يمه ليش تعذبينا وياك منيره: طلعوا بره بيتي جود: لا يمه هذا بيتنا منيره:هههههه هذا بيتي.. ودخلت منيره المطبخ وخرجت وهي شايله سكين في يدها منيره: في واحد يريد بنيه صغيره وانا قررت اعطيه جود جود: ليش يمه ليش انا احبك يمه ليش تعاملينا بقسوه غيداء: يمه نتفاهم يمه كل شي يجي بالتفاهم منيره: هاتي التلفون وهاتي مفتاح البيت ..وكلمت جود..هاتي عباتي وجهزي حالك بتروحين وياي قربت غيداء التفلون من منيره وجود حاولت تمسك يد منيره بس منيره كانت اسرع وطعنت جود.. وغيداء ضربت منيره بالتلفون وسحبت السكين منها وراحت بسرعه للمطبخ وقفلت الباب قبل منيره تدخل المطبخ ومنيره خذت مفتاح الشارع ولبست عباتها وشردت جلست غيداء عند جود غيداء وهي تبكي: جود ردي علي جود:آآآآه ليش خليتيها تشرد آآآآآه ماتعرف مصلحتها وين غيداء: جود بكلم جودي لحظه جود الحين ناخذك للمستشفى ودقت على رقم جودي جودي: هلااااااا العروس غيداء وهي تبكي: جودي لحقي علينا منيره طعنت جود وشردت ...دارت فيني الدنيا تونا واصلين البيت بس جريت وخرجت من البيت ما اسمع الي يكلمني ويناديني وصرخت على جهاد الي كان خارج بالسياره جودي: جهاااااااااااااااااااااااااااااااااااااااااااااااا اااااد جهاااااااااااااد وقف سيارته وانا جريت له وركبت وانا منهاره جودي: جود ان ان انطعنت جهاد: شلون جودي: رررر روح لهم بسر عه تحرك جهاد بسرعه وكلم عناد انه يلحقه باسعاف كنت ابكي جودي: لااااااااا مو معقول انا احب الدنيا لانه جود فيها لا اشلون تخليني بروحي انا احبها شلون لاااااا مستحيل غيداء كانت حاطه جود في حضنها جود: خوفتيها الله يهديك هي حامل غيدا: قفلت الخط في وجهي وكل ما ادق عليها احصله مغلق جود: احس بدوران غيداء: ربط لك الجرح بس بعده ينزف جود: غيداء خربنا عليك فرحتك غيداء: والله انك فاضيه جود وهي تضحك: نفسي اعرف شعور عناد بس صدق والله ياويلك لو نسيتيني اسائليه عن شعوره وعلميني ..غمضت جود عيونها.. غيداء: جود حبيبتي فتحت جود عيونها بالم: همم غيداء: تحملي اكيد هم في الطريق جود: اتمنى انها ترجع والله حرام الي تسوي في عمرها غيداء: حياتي انسيها الحين جود: الباب يدق نزلت غيداء جود غيداء وعيونها تدمع: بروح وارد بس لاتموتن جود: الطعنه في يدي غيداء بسيطه ان شاءالله راحت غيداء وبسرعه دخلت هي وجودي وجهاد من شفتها جلست جمبها وحضنتها جود: جودي انا بخير لا تخافين جلس جهاد: ابعدي كذا جودي جودي: ما اريد جهاد وهو معصب: شو ماتريدن ابعدي بلا هبل ابعدتني غيداء عن جود جهاد: تحملي جود الجرح ان شاءالله انه بسيط جود: ان شاءالله تكلمت بعصبيه: شو تنتظر وديها المستشفى وقف جهاد: غيداء هاتي شرشف كبير راحت بسرعه وهو شال جود لانها نزفت كثير ومو قادره توقف رمت غيداء الشرشف على جود وخرجنا بسرعه كلم جهاد عناد انه في الطريق وصلنا المستشفى ولقينا فريق طبي ينتظرنا دخلوا جود العمليات وانا وغيداء اجبرنا جهاد اننا نجلس في مكتبه غيداء: هدي جودي ان شاءالله كل خير جودي: اجل ليش دخلوها العمليات غيداء: انت اشفيك اكيد يخيطون لها الجرح وقفت وانا خلاص منتهيه: تعالي نروح عند حجرة العمليات مسكتني غيداء وجلستني على السرير غيداء: ارتاحي جودي ارتاحي ارحمي الي في بطنك انسدحت على ظهري وغمضت عيوني جودي: ليش يصيرلنا كذا غيداء: استغفري ربك جودي: استغفر الله العظيم..شو صار غيداء: جودي والي يسلم عمرك مافيني اتكلم في الموضوع جلست جمبي على السرير دخل علينا جهاد وقفت غيداء وانا ظليت مثل ما انا مسدوحها احس بتعب غيداء: وين جود جهاد: الحمدلله بخير وخرجوها من العمليات بس هي نايمه الحين جلست بتعب: ليش اتاخروا جهاد: هذه طعنه يعني اكيد يحتاجون وقت لين يلحمو العروق والاعصاب ببعض غيداء: وشلون الجرح الحين جهاد: الحمدلله وقفت وحسيت بانه الدنيا دارتبي وطحت في احضان جهاد جهاد: ارتاحي حياتي جهاد: انسدحي خليني اكشف عليك ابتسمت غصب عني جودي: لا طبت بس وديني عند جودي جهاد: انزين انت على طولك مو قادره توقفين جودي: دخت من منظر الدم جهاد:ههههههه هذا وانت داخله طب جودي: لا خلاص والله بحول عصر اليوم الثاني جودي: جود حياتي احبك جود:ههههه وانا بعد غيداء: ترى مليت منكن جودي: شعليك عناد وكل شوي وهو ناط بحجة يطمن على جود حتى الفايل تبعها ماصكه كل نظراته على ناس الله يستر عليهم جود:ههههههه غيداء: غبيات جودي: مرسي يجي منك اكثر جود: ولا اقوا تدلعي عروس من قدك جودي: الله يستر الحين تبدء الفتره المسائيه ونلاقي خوينا منطنط عندنا جودي وجود:ههههههههه غيداء: ما ارد عليكن اندق الباب وحنا ضحكنا غزل وهي داخل: السلام عليكم ابتسمت وفرحت وحضنت غزل غزل: شلونكم جودي: الحمدلله دخلت غزيل ومزون وموضي والعنود واسير وحمودي الصغير الي شايلته مزون غزيل: بنجلس عندكم لين تنتهي الفتره المسائيه جود: الله يحيكن تذكرت سالفة الورد لانه العنود دخلت وهي شايله باقت ورد جودي: العنود تذكرين سالفة الورد العنود: ههههه غزل: شو الموضوع خبرتهم العنود عن سالفة الورد غيداء: جودي اصحي والله زوجك معصب اتقلب على الجه الثانيه: معليك فيه ..صار لنا اسبوع وحنا في الملحق انا ما اخرج منه اجبرنا العم منصور بالانتقال هنا وانا من جو خواتي مرابطه عندهم حتى غزل وغزيل هن الي يجون لنا.. غيداء وهي تهز كتفي: جودي والله حرام الي تسوينه جهاد: غيداء انت اظهري وانا بدخل خرجت غيداء ودخل جهاد جهاد: جودي تكلمت بكسل:هممممم جهاد: قدامي على البيت ..جلست بكسل الحمل بدء يعمل عمايله وياي ثقلت بشكل مو طبيعي ظهري احسه يتكسر من شدة الالم وهذا طبيعي نتيجة الضرب وسوء التغذيه لمـ كنت في بيت ابوي... مسكني من ذراعي ووقفني جودي: والله مافيني اتحرك خطوه جهاد: من السهر والهيصه الي تسونها لكن هين اما رايوتك شغلك ما اكون انا جهاد رميت بجسمي على جهاد: والله تعبانه بس انام وارتاح وعد اني ارد لك صارت الساعه احدعش والكل ينام مبكر هنا معد حنا البنات حملني وانا اقاوم بس وين انا هلكانه سدحني على السرير جلست بس هو قفل الباب ورد لي انسدحت مافيني اكلمه وانا تعبانه جلس جهاد جمبي: ممكن نتفاهم جودي: والله ثم والله اني تعبانه ومالي خلق فارحم حالي اليوم غمضت عيوني وما اتوقعت اني انام بهـ السرعه جلست وانا ابكي يعني رد يحبسني والبنات كل ما ادق عليهن محد يرد وانا جوعانه واحس بغثيان والمشكله اني صايره ثقيله يعني انا في الاسوبع الثامن تقريبا انفتح الباب وحمدت ربي اني ما تهورت وخرجت جلس جمبي جهاد: ليش هـ الدموع جودي: يعني قافل علي الباب شو تريدني اضحك ولا ارقص جهاد: شكلك بتخربيه من بدري جودي: شوننتظر جهاد: ممكن انفصالنا ياثر على عناد وغيداء ..خفت ليش مافكرت فيها.. جودي: اوكي بس... وقفت ورحت الحمام ورجعت الصاله وجلست على اول كنبه جهاد: جودي اش فيك تكلمت بتعب: من الارهاق والسهر وانا ما اتحمل السهر وبسرعه يجيني خاطر جهاد: اوكي انسدحي على الكنبه خليني افحصك ....لا وين يفحصني بيكتشف اني حامل.. |
| | |
|
17-09-2007, - 11:41 PM
| #93 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. جودي: ما يحتاج الحين اروح افور عويدي(مسمار) واشربه مفيد للخاطر ...اما يسلم فني تعلمت الكذب على اصوله... جهاد: لا انسدحي وبكتبلك علاج وقفت بسرعه وجهاد وقف و مسكني جهاد: على وين جودي: بروح المطبخ الي اسفل واعمل لي فطور واشرب عويدي جهاد: لا ارتاحي انا بكلمهم بس ياويلك لو خرجتي برجع الدوام والله ثم والله لو رديت وما حصلتك هنا شفتي خواتك ماراح تشوفينهن غير يوم الفرح.. جود: وين جودي ماتنشاف صار لنا اسبوع غزل: ياستي هذا جهاد ما يخليها تعتب من باب جناحهم وترى هي متعوده عليه غيداء:ههههه تستاهل ولا انا كل يوم ااهاوشه بس هي تقول انها متفقه وياه جود:ههههه غزيل لايكون عناد كذا انحرجت غيداء ورمت جود بالمخده الكل:ههههههههههه غزل: صار لازم نروح ولا القعده وياكم ما تنمل بس بعد ماما متعوده على رجتنا ولازم نقوم بالواجب عندها غزيل: تعالوا ويانا جود: افهمينا غزيل ما ودنا نثقل اكثر من كذا غزل: خلاص فهمنا وحفظنا بصراحه جود انت حساسه زياده عن اللزوم اليوم ملكة عناد..لبست فستاني وناظرت بطني ضحكت على نفسي كذبت على اخواتي قلتلهن لا تعمن احد اني حامل لاني مسقطه قبل وانا ما اريد احد يعرف لين تثبت الحمل..واتججت بالضرب الي كنت انضربه وانه سبب التسقيط.. جلست بقهر على السرير ما كنت اكذب بس الحين كل خطوه لي فيها كذبه..ليش تدنت اخلاقي مهما كان ومهما صار مو لازم اتجج بالكذب.. لبست الفستان الي في سابع حمودي لانه محد غريب جاي وقلنا وباقتراح غزل بانه نتفنن لنفسنا يعني لازم يجي احد لاجل نلبس..طبعا انا جهاد محرم علي اخرج من الجناح بس كنت اخرج مثل دوم وخواتي ما اروح لهم لانهن ما راح يرضن بالي اسويه يعني انا وغزل وغزيل نسهر الصباح وهن اصلا ابتعدن عن خواتي لانهن مايريدن يحسسوهن بالشفقه... صارت المكله في المحكمه لانه غيداء مالها محرم والشيخ ناب مكان ابوي وصارت الملكه في الصباح نزلت وشفت جود وغيداء جالسات سلمت على الكل ووصلت لـ جود وحضنتها بقوه جود: اشتقتلك جودي: وانا بعد جود: شو هـ الحركات اسبوعين حابسك بس تصدقين جاب نتيجه يعني سمنانه شوي كنا نتكلم وحنا حاضنات بعض ومحد يسمعنا غزل: خلاص ارحموا حالي غيداء: لا هذيل لهم وضع خاص تصديقن حتى اشك اني اختهم..كانت تتكلم ومحد يسمعها غيرنا حنا البنات.. ضحنا عليها تركت جود ورحت حضنت غيداء: مبرووووووووووك يالعروس غيداء بخجل: الله يبارك فيك جودي: بتشوفينه اليوم شو استعداداتك غيداء: مااريد جودي: بيكفك هو جلست بين جود وغيداء العنود وهي داخله: السلام عليكم الكل: وعليكم السلام سلمت علينا العنود: جودي والله جهاد عرف يسنعك يعني اسبوعين حبسه بس طلع بنتيجه ماشاءالله عليك استصحيتي شوي ابتسمت لها: بس حرام والله حابسني حبسه موضي: تستاهلين ولا انت تاركته اسبوع ولا سائلتي عنه ...احرجتني بصراحه العرق الطيب نبض فيهم يعني خالتي موضي كانت تتوعد بانها تخلي جهاد يتركني بس اصلها الطيب منعها وهي اصلا قالت الي قالته مجرد كلام من القهر الي هي فيه بس لليوم ما اشعر بتقبلها لي عكس غيداء الي اتقبلتها بسرعه...كاني بديت اغار اف اعوذ بالله من ابليس.. العنود: اقول غيداء لو سمحتي ممكن تطلعين حجرة غزل لانه الحريم شوي بيحضرون وبنعمل لك زفه صغيرونه بهـ المناسبه الحلوه مزون: لا مايحتاج حرام تحبسونها لحالها محد غريب هي اختي مها وبناتها موضي: وام انغام مي حاضره مزون: ما اظن جود: سوسو تعالي حبيبي راحت اسير لـ جود بكسل وباستها وجلست في حضنها وهي مبوزه جود: سوسو اش فيك حبيبي ليش زعلانه ماتكلمت اسير بس حطت راسها على صدر جود جود: العنود اشفيها اسير العنود: تضاربنا انا اريد البسها الفستان وهي تبي تلبس بلطلون جود: حبيبي حلو الفستان مخليك بنيه حلوه ومثل القمر حتى احلى من العروس فرحت اسير اسير: ماما أنا حوه العنود: انت احلى وحده في الدنيا غزل: انتبي حبيبي لاتصدقينهم اخاف تكبري وتنصدمين في عمرك غزل وغزيل:ههههههههههه مزون: والله ياغزل لو امسكك لاخليك تبوسين راسها عيوني هذه ستك وتاج راسك غصب طيب موضي: مزون الله يهديك تحطي عقلك بعقل هـ الخبلتين غزيل: افاااااا الحين هي تكلمت انا شو دخلني موضي: حد قالك تضحكين غزيل:ههههههه والله انت ما ادري شو الي محببكم في اسير واخوها مزون: اقول موضي ما كاني اشم ريحت غيره موضي:ههههه من زمان العنود: والله اغرب خاله وعمه يعني انا اعرف الناس تضارب لاجل بنات خواتهن ولا اخوانهن بس انتو غريبااااااات غزل: نحبهم بس اخاف يلصقون فينا ونبتلش فبعيد بعيد حبك يزيد غزيل: صادقه يعني من جات جودي وحنا معطينها وجه قامت تقلدنا وهي توها ما خرجت من البيضه جودي: حراااااااام والله حرام والله انها تشتغل عندكم وفوق كذا تذله على الجلسه وياكم العنود وهي معصبه: يمه خالتي شوفو بناتكم مزون: شو من شغل غزل: نلعب نلعب جودي: لا خالتي والله هن يجلسوا كل وحده على كنبه وهي الضعيفه ما غير تاخذ من ذي وتعطي ذي ولا مسكينه يضحكون عليها بكلمه وهي تسمع كلامهن غزيل: خالتها وعمتها غصب تسمع كلامنا مزون: اقول موضي شرايك عجبتني غصب تسمع كلامنا غزل وغزيل: لالاالالالااا والله توبه بنحطها فوق روسنا اسير: عشانا موضي: يالله عمتكن اسير عطشانا بسرعه كاستين ماي غزل: ليش اثنين موضي: وحده تشربها هي ووحده لي وقفو البنات وهن معصبات ويناظروني وانا ارفرف بعيوني جود: ياويلك جودي: يستاهلن جود: ايه من الحين تدورين الراحه لعيالك جودي:ههههههه حطت جود يدها على بطني جودي: جود بتفضحيني جود: متى يكبر غيداء: خاطري اشوفك وانت شايله بطنك قدامك كنا نتكلم ومحد يسمعنا موضي: اقول جودي مافي شي في الطريق اختبصت لايكون مبين علي: لا خالتي مزون: صارلك اربع اشهر من سقطي جودي: تقريبا العنود: خلاص صار لازم تجيبين لنا بيبي صغنن يلعب مع حموي لاكبر مو يظل بروحه مثل اسير مزون: ان شاءالله بيلعب مع عيال جهاد وعناد ....ابتسمت لانه قلب لون غيداء.. حطيت المخده ورى ظهري صار يأملني كثير جود: جودي ظهرك جودي: ايه الضرب الي كنت اخذه احصد اثاره الحين جود: اجل اطلعي حجرتك وانسدحي جودي: انا ما كودت جهاد اطلق سراحي ارد لحبسي بنفسي ...كنت في الاسبوعين الي فاتو ما التقي بجهاد كلها راحت في النوم لاجل كذا اتصلح جسمي يعني اكل وانام لاني لمـ اجلس ظهري يألمني فكنت على طول مسدوحه على الشزيون ..... دخلت حرمه وبنتها انصدمت فيهن جودي: هذه انغام وامها سلمت ام انغام على موضي ومزون والعنود وجلست وانغام نفس الشي جود: شو قلت الذوق هذه جودي: عادي لسع ماشفتي شي دخلت غزل وغزيل والصدمه على وجيههن سلمن على ام انغام وبنتها مزون: هذا كله تجيبون ماي غزل: نزلنا مكه ورحنا البير وجبنا لكم زمزم موضي: والزمامزم الي في ملحق المطبخ حقت شو غزيل: مو خلصت فرحنا عبيناها كلها مزون: آآآآآه من الكذب ظاهر من عيونكم غزل راحت شغلت الاستريوا ورفعت الصوت موضي: غزل ياماما ما نسمع بعض غزل: ياماما نعبر عن فرحنا بعناد وغيداء وصلت مها وبناتها سلمت علينا وانتقلو للصاله الكبيره وظلينا حنا البنات في الصاله الي عند المكتب والمجلس الي قبال المكتب جلست رزان جمب انغام لانهم يقربون لبعض مها عندها بنتين وولد |
| | |
|
17-09-2007, - 11:45 PM
| #94 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. عبدالله الضابط اكيد تذكرونه وعمره 28 شيماء كبيره مثل العنود وعندها بنت في عمر اسير زران في غيداء دق تلفون الصاله وانا كنت اقرب وحده ورفعت التلفون واشرت لـ غزل تخفض الصوت وهي بالرموت اخفضته جودي: هلا جهاد: اريد ثوب لانه ثوبي توسخ جودي: عيد حبيبي ما سمعت جهاد: اريد ثوب انت اشفيك بسرعه ولاتتاخرين وقفل الخط ناظرت البنات وضحكت:ههههههههههههههه لالالا ما اقدر والله حرام انت عيدها والله تقول عااااد خلاص خلاص ما اتحمل انزين حبيبي شو بعد اهم اهم ههههههههههههههههه حبيبي خلاص تم كم جهاد عندي واحد وانت بعد خلاص استحي اوكي باي حياتي ثواني وانا عندك سكرت الخط وانا ماسكه ضحكتي...التلذذ وانا اشوف نظرات الغيره ظاهره من انغام... غزيل وهي ترمي نفسها على غزل وتتمدد على الكنبه: خلاص ارحموا حالنا ترانا عزابيه وغزل حضنت غزيل وهي ميته ضحك بس كاتمه ضحكتها وهن عملوا هـ المسلسل يغضون انغام بيه غزيل: حرام عليك جودي خلوا حبكم لبعض في جناحكم عاد كل يوم نتجرع من هـ الكلام وهـ الصوت العنود:هيييي انت وهي شوتسون غزل عدلت حالها وغزيل جلست غزيل: نمثل يعني شو نسوي العنود: جودي جهاد اتصل ويبيك ضروري وشكله مــ غزيل وهي تنط في السالفه: ايه ماكملوا في التلفون غزل: لا الطبيعه احلى وايثاره بعد غزيل: ايه والله شكله مروق شعليه عنده قمر ماشاءالله اكيد بيكون مروق انا خذيت حالي وبسرعه طلعت اخاف العنود يفلت لسانها وننفضح نزلت والبنات لحقوني لانهن خافوا جهاد يعصب علي وصوته يعلى ولا شي خرجت من البيت ووقفت لانه كان معصب وواقف قدام الباب تقدم مني بس في حد صدم فيني ولصقت في جهاد وطراااااااخ الثنتين طاحوا على الارض غزل:ههههههه هذه غزيل دفتني غزيل: يالكذابه انتي دفيتيني غزل: انت الي وراي غزيل: عادي انت عكس الناس جهاد: هههههههههههههههههههههه خبلات بدل ثوبه وروح غزل: اريد اعرف شو قالك جودي:هههههه قال اريد ثوب وعصب علي وسكر الخط في وجهي والباقي سمعتوه الكل:هههههه دخلت وطلعت ثوبه ونزلت جود: الله يسعدك بس صدق جودي احسك جرئيه جودي:هههههههههههههههههه ..ضحكت على تعلقها.. جودي: والله اني خجوله بس اريد اغيض بـ انغام جود وغيداء:ههههههههههههههه غزل: شو عندكم جودي: نفس السالفه بس بلف غزل: هههههه جود: عجيب والله رزان: غزل شغلي نانسي غزل: نانسي مجرم مانسمعلها حتى انت بعد لاتسمعين لها يعني وحده تتلاعب بالفاظها وربنا مانسها بس الله يمهل ولا يهمل غزيل: اصلا حنا ما عندنا اشرطه يعني الي يجي في الfmولاروتان هو الي نسمعه وهذيل اشرطت صاحب عناد شغلوا على الfm وكانت اغنية البلوشي غيابك عني يافلان ورقصن غزل وغزيل ورزان وجلسنا نسولف لين جات العنود العنود: يابنات ياحلوات تعالن هناك باستثناء غيداء لانه عناد بيدخل وبنعمل لهم زفه وبنصور فيدوا وقفت بس غيداء مسكتني جودي: العنود شوفي..واشرت على يد غيداء.. انحرجت غيداء وتركتني.. دخلنا وتحجبنا ودخل عناد وهو ماسك غيداء غيداء كانت قمه في النعومه هي بيضه وشعره محررته ومكياجها عملو لها وردي خفيف لانه فرحها عقب ثلاث اسابيع فستانها لونه سماوي فاتح (السماوي اللبني) وكان ماسك عليها وعلاقي وطويل ومفتوح شوي من الجمب طبعا هي كانت حاطه ايشارب على اكتافها بس من دخل عناد العنود سحبت منها الايشارب جلسوا ولبسها الشبكه والدبل وشربوا العصير غزيل: عناد انتبي ع الكبك الكل: ههههه(طبعا الي يعرفوا السالفه) وقف عناد مزون: على وين مد يده لـ غيداء: نريد نشم هو الكل:هههه مزون: الله يوفقكم وقفت غيداء والصدمه في عيونها تقربت منها: حبيبتي عادي زوجك ليش الخوف غيداء: جودي اخاف جودي: لاتخافي والله انه حنون عناد: خلصتوا اسرار جودي: ايه مبروك لك عناد عناد: الله يبارك فيك باركنا لهم وعناد اخذ غيداء ودخل في المجلس الي قبال المكتب جودي: جود ليش هـ الدموع مسحت جود دموعها: دموع فرح حضنتها خلاص غيداء وملكت اليوم واليوم بكلم جهاد على الانفصال بس فرح غيداء بعد ثلاث اسابيع يعني ااخر الانفصال لين يوم الفرح يكون احسن عناد: جامليني بكلمه بنظره بابتسامه ابتسمت غيداء ومسك عناد ذقنها ورفع راسها |
| | |
|
17-09-2007, - 11:56 PM
| #95 |
| شمعة ودمعة وعاشقة المنتدى بإمتياز
| رد: بنقل لكم قصة سعودية روووعه .. لكنها على أجزاء .. عناد: حلوه عيونك حلوه خدودك..حلو خشمك..ابتسمت غيداء وغمضت عيونها..حلوه شفايفك حلو شعرك ومسك شعرها وهي فتحت عيونها وشافته يلعب فيه وسحبه وتقرب منها ولفه على رقبته وشم ريحت شعرها ناظر عيونها وغنالها خيو بنت الدريره خيو حلوه صغيره خيو يامشيتها آآآه يامشيتها خيو كأنها طويره خيو عوده قصيب خيو شعره طويل خيو ورقات الخصر خيو رسم الشفايف خيو ياضحكتها ياضحكتها خيو يارقبتها آآآآآه يارقبتها وتقرب منه وبسرعة باسها في رقبتها عناد: ما تعبتي من السكوت غيداء: كاني عطيتك وجه زياده عن اللزوم عناد:هههههههههههههههههههههههههههههههههههههه انحرجت غيداء ورخت راسها بس بالفعل عصبها يعني اول لقى ماخلى شي الله يستر بالجاي مسك يدينها ورفعها لشفايفه وباسها برقه وحنان: احبك بس دام انك متحملتني لين الحين اقوم بكرامتي ولا اشلون ابتسمت غيداء عناد:ههههههههههههه ياحلوه ضحكتها آآآآآآآه ياضحكتها عناد: انزين بروح يمكن تشتاقيلي بكره ..وشافها ساكته..اجل بعد بكره..ونفس الشي..اجل بعد بعد بعدي بكره...نفس الشي...يوم الفرح..نفس الشي ساكته.. شكلك ماراح تشتاقيلي.. نفس الشي ساكته.. تنهد عناد وناظرته غيداء عناد: تصديق انا وانتِ قدامي مشتاقلك حييييييييل وحضنها وهي تبعده عنها تركها وهو ميت ضحك عليها عناد: تصدقين اول مره اكتشف اني جريئ يعني طلعت مواهبي قدامك ابتسمت غيداء مزون وهي داخله: خلاص صرف ياعيني عناد: يمه بعدني ماشبعت مزون: خلاص خواته قالوا خلاص ولازم نحترم اوامرهن وقف عناد: يمه سأليها يمكن تريد تجي وياي ولاشي مزون:ههههه روح احرجت البنيه تحرك عناد ودار يناظرني ورد للامام بس خبط في الطاوله وتعور غيداء:هههههههههه مزون: سلمت هههههه عناد وهو يعض على شفايفه: يعني من الصبح وانا اضحك فيك اُسولف وياك وانت بالعه لسانك بس اخخخخخخ والله لا اوريك شغلك لاسنعك عدل مزون:ههههههه ايه بدينا تهديدات عناد: والله لا احبسها مثل عناد بس اخخخخ متى تعدي الاسابيع مزون:ههههههه والله مو شايفين خير عناد: يمه اريد شعرها مزون وهي متفاجئه: شنو عناد: عاجبني شعرها ماشاءالله واريده مزون:ههههههههه بتاخذها بكبرها بس تحمل شوي عناد: اقول حياتي تصبحين على خير ..تصبغت غيداء من الخجل... مزون وهي تسحب ولدها: كافي بهدلت البنيه والله بتاخر الفرح لين تتعود عليك عناد: افااااا دام انه فيها تاخير باخرج راحن الحريم وجلسنا حنا البنات في الصاله الي عند المكتب غزل: غزيل شغلي الاستريو غزيل: مافيني غزل: اسير حبيبي وين الريموت وقفت اسير: هنا غزل: هاتيه غزيل: لا اعطيني اياه انا غزل: لا انا جودي: حبيبتي سوسو اعطيني الريموت وجابته لي وبستها ومدت جود يده وراحت لجود وجلست في حضنها غزل: جودي حياتي شغليه جودي:ههه يالكسل شغلته وكانت اغنية راشد الماجد غرشوبتي غزل: جودي قومي ارقصي وياي ملكة اختك وماترقصين جود وهي تكلمني بصوت منخفض: جودي لا انت حامل ...بس غزل سحبتي من يدي.. وقفت وانا اناظر غيداء وجود الي يأشرون لي باني ما ارقص غزل: جودي اشفيك ابتسمت ورقصت وغزل حطت يدها على خصري..طقيت الخصر وملت بجسمي لها وانا اضحك..بس لمسات غزل كانت هـ المره غيري حتى انفاسها كانت تحرق رقبتي انصدمت منها ولفيت راسي للجنب وشفت جهاد هذا متى جاء ومتى دخل وشلون شهقت جهاد: كملي ولا هو بس لغزل وانا لا ..ابعدت يده عني وجلست بين خواتي الي تغطن من دخل جهاد... جود: تستاهلين كان كملتي جودي: سكتي والي يعافيك سكتي جهاد: يالله جودي تعبان واريد انام ابتسمت له وتميعت في كلامي: وانا مافيني نوم جهاد: انزين نسولف لين انام وانزلي عقب عضيت على شفايفي: اريد اجلس شوي بس شوي والي يعافيك جهاد: اخاف انام بروحي حياتي احرجني صدق عليه حركااااااات تقهر جودي: انزين شغل الانوار جهاد: عيوني ما تعودت على بعدك كافي الاسبوع الي خذيته بدون اذن ضحكت انا وغزل وغزيل:ههههههههه غيداء وهي تكلمني بصوت منخفض: جودي شو هـ الحركات روحي وياه حركت رجولي: ما اريد جود: والله انا اقول روحي برجولك ولا تعودتي انه يشيلك جودي:ههههههههههههه ...دوم هـ القمر تقول تعليقات تموتني ضحك... جهاد: دوم ان شاءالله ياربي هـ الضحكه وقفت وتوجهت له وكلمته بصوت منخفض: انت بتنام وانا بظل محبوسه بروحي شو اعمل جهاد: همزيني عدي شعرات رجولي ولا اقول جودي: لا تقول ولا شي طالعه من غير ما تقول رفعت صوتي: مع السلامه حبابيبي مبروك غيداء الف الف مبروك وعقبالك جود مها: عبدالله ماتريد تزوج عبدالله:هههههههه بدينا مها: والي يرضى عليك فرحني فيك عبدالله: ابشري الوالده بس من هي العروس رزان: جود يمه والله حلوه مها:ههههههه هي الي في بالي عبدالله: اخت زوجت عناد وجهاد مها: ايه عبدالله: شكلنا وقعنا على كنز خذينا كل البنات مها:ههههههه يعني موافق عبدالله: اوكي ماعندي مانع مها: اجل بكلم مزون ونخلي زواج مع عناد رزان: لا يمه نبي فرحنا لحالنا مها: لا حبيبتي البنت بتحس بالوحده وانا مزون خبرتني انهن ما يخرجن من الملحق لاجل مايثقلن على الحد عبدالله:اوه الوالد عندك كل المعلومات مها:هههههه اعجبك جهاد: ها متى العوده انس: مابقى شي جهاد: والله بيفروحن لكم..شنو ما اسمع..لحظه لحظه وخرج جهاد للبرنده جهاد: ايه شو تقول أنس: اقول بنودع العزوبيه من نرجع جهاد:هههههه خربك خالد ماكان هذا رأيك أنس: شو نسوي العالم كلها تزوجت وحنا بعدنا جهاد:ههههههه الغيره أنس: اقول جهاد فيني نوم سلم على الاهل جهاد: يوصل فمان الله سكر الخط ودخل بس شي لفت انتباهه لف بوجه واندهش وابتسم بضيق جهاد:يعني هذا الي افشل الهجران وياها بس الحماره من وين جاتها الفكره اكيد الغبيتين وياها تقرب من السلم وحركه بس لقيه موثق جهاد: وانا اقول الجرح الي كان في رجولها كاني لمحت قطعت خشب ولا اقفل عليها وارد الاقيها مع خواتي والله انا المغفل بس هين بعذبك مثل ما عذبتيني خرجت من حجرتي وانا مضايقه من دخلت الجناح سيده دخلت حجرتي حتى ملابسي ما بدلتها ضاقت علي حطيت راسي على باب جهاد الحين شو بيقول عني اريد ملابسي وانا شعلي منه بس فاجئني فتح الباب ورديت للخلف وناظرته كان متفاجئ من وجودي بلعت ريقي وأشرت على صدري وهو ناظر للمكان الي أاشر عليه يييي هذا اشفيه شكله فهم السالفه غلط جودي: اريد ملابسي ابتعد جهاد عن الباب وبابتسامه عريض: تفضلي تفضلي تكلمت بخوف: لا خلاص ما اريد بس مسك يدي وسحبني: تفضلي عيوني تفضلي البيت بيتك دخلت وانا اتجاهله بس قلبي يخفق بشده فتحت الدرج وخذيت قميص نوم ما اعرف شو يكون كل الي عندي اني اظهر من حجرته وفتحت الدولاب وخذيت بلطلون وبلوزه لبكره جهاد بتريقه: وين مسافره ..... يتريق حضرته معلي فيه.. طنشته وخذيت اغراضي الخاصه وجيت اخرج.... وقف جهاد عند الباب جودي: ممكن شوي جهاد: ايه ممكن تفضلي ....ماتحرك شبر واحد شلون اخرج.. ناظرته :ممكن تبعد شلون اخرج جهاد: اوه عفوا وابتعد بس سكر الباب وقفله ...انتفض جسمي هذا ماراح يجيبها لبر... تقدم لي جهاد: ممكن نتفاهم ...جلست بقهر على السرير ظهري بينكسر من الالم وهذا يتمرقع لي..... جودي: اوكي بكلم عمي منصور بعد زواج غيداء اني اريد اتطلق وبقوله انك مو مقصر وياي بس انا ما اريدك مو انت الي في بالي وعادي ماراح يزعل ولاشي جهاد: شاااااطره بس قبل لي شروط تنهدت: اشرط جلس جهاد جمبي واخذ ملابسي وصار يعينها ....انصدمت من قميص النوم الي خرجته انا سحبته ومو عارفه شكله بس اخخخخخ شو بيقول.. صدمتني حركته اخذه وحطه على كتوفي بس مسكت القميص ورميته على الارض شفت ابتسامه خبيث على شفايفه جهاد: اريد اعرف ليش تلبسينه وانت تنامين بروحك تكلمت بعصبيه: مو شغلك وبعدين شفتني قدامك سحبته ولا اني داريه عنه جهاد: انزين هدي ليش العصبيه تكلمت بقهر: قول شروطك بروح انام وثقني وتقرب مني وحط خشمه على خدودي وسوى حركه قهرتني حطيت يدي على وجهه جودي: ممكن تبعد جهاد: هذه اول شروطي ...فتحت عيوني على كبرها... جهاد: نعيش ويا بعض ثلاث أسابيع وبعدين ننفصل يعني تكون بيناتنا ذكره حلوه ...غمضت عيوني بالم يعني يريد يحلل جلستي وياه وفلوسه صح انا جالسه وامثل عال عليه.. تكلمت بالم: تريد تحلل الي صرفته علي ووجلستي هنا جهاد:شــــااااااااطـــــره ...نزلت راسي وحطيت يديني على وجهي... ...اصلا انا خسرانه خسرانه كرامتي وانهدرت خلاص جهاد اهدرها اليوم كلها ،مابقى ماي في وجهي شوبعد ما اعتقد في كلمه بعد كذا تجرحني مثل الحين وحمل وحملت شو بعد.. ...حسيت بيده تحوط خصري رفعت راسي وتلكمت بألم: واذا رفضت حرك كتوفه ورفع راسه وناظرني: بتظلي معلقه ما راح اطلق لين اخذ الي ابيه مـننننـك صحيت من الالم الي في ظهري ابعدت يده عن وسطي... وجلست على طرف السرير اريد اوقف بس ظهري بيتكسر...الله يسامحك يبه انا اجني الضرب الي كنت اخذه الحين آآآآآه... ...حسيت بيده وهي تسحب القميص ما قاومت طحت على السرير وراسي فوق بطنه... جهاد: اخخخخ عورتيني جودي: تستاهل انت الي سحبتني حاولت ابعد بس هو حط يده على صدري يمنعني جهاد: على وين وتكلمت ودموعي خذت مجراها: جهاد والي يعافيك عطيتك الي تباه اتركني جهاد: نو هي ثلاث اسابيع اتحمليني حطيت يدي على ظهري: والله حرام عليك ممممم جهاد بخوف: شوفيك جودي ملت براسي وعضيت على سبابتي من الالم ابعدني جهاد عنه وجلس جمبي جهاد: حبيبتي شوفيك تكلمت بالم وانا اتنهد: ظهـ ري حطت يده تحت ظهري: شلون نوع الالم ولا اقول لحظه بفحصك ...هذا كل كلمه والثانيه بفحصك بفحصك والله لو فحصني بيكتشف اني حامل وما راح يطلقني.. جلست وانا اقاوم المي: عادي بس هذا لاني كنت انضرب كثير على ظهري حتى الدكتوره انصاف قالت لي جهاد: شو قالت لك ...ما عرفت شو اقول... صرخت عليه: انت شفيك تحقق وياي خذيت الي تريده تركني بحالي سدحني على السرير وهو معصب: بعطيك كف يعدل لسانك تكلمي وياي بادب عدلت عمري على السرير وغطيت عمري باللحاف انا مو متحمل عمري وهذا يكمل علي حضنت جود واانا ميته فرح احس اني ارتحت خلاص محد بيحس بالذل او الثقل كل وحده وبتروح على بيتها جود:هههههه بس انا لسه ما وفقت جودي: والله غصب توافقين غيداء وهي تقلد جود: ايه حنا ماناخذ شور البنات وما عندنا بنات يتكلمن في سوالف العرس الكل:هههههههههه جود: اريد استخير قبل غيداء: ايه والله انك بترتاحين مثلي ابتسمت لـ غيداء بخبث: غيداء شلون الاوضاع |
| | |
|
18-09-2007, - 04:52 PM
| #96 |
| ღ BULE G!RL ღ
| رد: بنقل لكم قصة سعودية روووعه .. لكنها على أجزاء .. ـهههههههههـ يضحكوووني جودي & جهــااد في انتظــاارج غلاي |
| | |
|
| مواقع النشر (المفضلة) |
| أدوات الموضوع | إبحث في الموضوع |
| |
المواضيع المتشابهه للموضوع: بنقل لكم قصة سعودية روووعه .. لكنها على أجزاء .. | ||||
| الموضوع | كاتب الموضوع | المنتدى | مشاركات | آخر مشاركة |
| تحميل+شرح برنامج الحماية AVG Anti-Virus Professional 8 | خدمة RSS | برامج جديدة - جديد المواقع | 56 | 22-11-2008 - 09:19 PM |
| الشرح الكامل والشامل بالصور لنسخ2جيجا على CD 700 mb | خدمة RSS | برامج جديدة - جديد المواقع | 6 | 20-11-2008 - 07:52 AM |
| لمااذا لا نسيطر على أبنائنا تماماً؟! | لؤلؤة المغرب | المجلس الاسري العام | 9 | 18-11-2008 - 03:56 PM |
| [ شرح ] : واااو اصنع نسخة الويندوز الخاصة بك شرح باكثر من 30 صورة وطبعا اخر اصدارة ويندوز | خدمة RSS | برامج جديدة - جديد المواقع | 7 | 16-11-2008 - 04:03 PM |
| اطلبوا اي شي يخص الانيمي | احمد3 | مجلس الأنمي وشخصيات الكرتون | 14 | 08-11-2008 - 09:57 AM |
المواقع الصديقه | |||
الساعة الآن - 09:02 AM.
| SEO by vBSEO 3.2.0 |
