بنقل لكم قصة سعودية روووعه .. لكنها على أجزاء ..

اصرخ وردد اهاتك
ارحل في دروب العمر باناتك
لاتمل.. لاتكل.. لاتتعب
قد ياتي يوم من جديد
ويذوب ذاك الجليد
وتعود كما كنت في البعيد
نقيا.. بريئا كذاك الوليد

جهاد: شو صار لك اكلمك
جودي: هااا
...كرهت عمري انا شوعملت في نفسي شلون تحركت مشاعري شلون اللتهبت على الجليد..
جهاد: اشفيك انت اليوم
نزلت راسي وحاولت ابتعد: ولا شي
بس مسكني: كلميني شو تونسين
جودي: ما ادري بس احس اني تعبانه
جلسني عـ الكنبه ودخل حجرته
الكل جلس
مزون: الحمد لله على سلامتك ماتشوفين شر
جودي: الله يسلمك والشر مايجيك
العنود: سلامات والله يعوضك بالذريه الصالحه
ودي اضحك: الله يسلمك
العنود: جودي شو هـ الدم اللي في بنطلونك
كنت لابسه بلطلون بيج فاتح وتيشيرت بني
نزلت راسي شوي ورفعت رجولي اليسار شوي وشفت دم على البنطلون
جهاد: خذي هـ الحبه... ناولني الحبه ومعاه كلاس ماي..
ونزل على الارض وجلس ركبه ونص..
من شفت الحبه عرفتها هي نفسها حقت البارح
جودي: بس هذه تنومني
جهاد: معليه خذيه
خذيتها.. وهو رفع بنطلوني
جهاد: شلون تعورتي
ارتبكت..شو اقول: طحت
جهاد: وين ..... تفحص الجرح .. كان واضح انه سببه انزلاق رجولي بس على اعمق شوي..
سحبت رجولي بحجة انه يوجعني
جهاد: اشفيك
جودي: يالمني
جهاد: خليني اشوف هذا شكله فيه شي عالق خليني انظفه لاجل مايصدي
وقفت.. والله شكله بيكشفنا.. شو هـ الورطه ما طحت الا اليوم
وقف جهاد: على وين خليني اشوف الجرح
مزون: خليه الله يهديك هو شوي بيعورك
جودي: انزين بس بروح الحمام قبل
وصلني للحمام
جهاد وهو يصر على اسنانه: وين تعورتي
حاولت ادخل بس هو ماسكني .. سحبت يدي بس تركها هـ المره

دخلت وانا انفاسي من شفته توترت شو صارلي شو اللي حرك مشاعري للااااااااااااااااااااااا مو معقول انسيه هو مو لكِ شلون غلط على عمري ليش هو اللي جرحني هو اللي عذبني بس للاسف غصب عني مشاعري تحركت.... بس هو هو اصلا مايحمل لي أي شي هي مده وبنطرد من هني هي مده اييييييي انا شو جالسه اخربط أي حب واي كلام فاضي فوقي لعمرك قبل خراب ديار ... غسلت الجرح وهو ما زال ينزف شفت فيه خشب عالق كانت كبير شوي يعني كبر انمله..آآآآآآآآه تالمت وانا انزعها باظافيري كان لازم اعمل كذا جهاد بيكتشف اني متعوره في خشب بس وين اخبره اني متعوره

جهاد: جودي تسمعيني
جودي: ايه لحظه شوي
حطيت المنديل على الجرح وووو طاحت عيني على قنينه طويله داخله زرع طبيعي حطيت اصباعي على الجرح ومسحت بها طرف القنينه وهي حاده بقوله طاحت علي
خرجت وانا ثانيه نفسي لاجل امنع الدم
جهاد شهق: يييه انت شو عملتي ليش غسلتي الجرح شوفي اشلون نزف
المنديل كان كله دم
مزون: عدلي نفسك ما يصير وانت توك مسقطه تظلين كذا بتتعبين بعدين
جهاد: عدلي وقفتك
عدلت وقفتي ومشيت وانا اعرج وجهاد يسندني
جلست على الكنبه وبديت اطفي شكله من كثر ما انزف ولا من الحبوب.. ما ادري
اسير وهي شوي وتبكي: انا عوتت (انا عورتك)..ضعيفه على بالها انها عورتها لمن كانت تنط عليها
العنود: لا حبيبي هي طاحت
اسير: لا انا هناته عند عمه رذل(لا انا هناك عند عمه غزل)
غزل اللي توها استوعب قصد اسير: لا عيوني هي شيطانه بس تنطنط لاجل كذا اتعورت
عيوني مزغلله وجهاد موترني جالس عند رجولي
جهاد: ابعدي يدك
كنت جالسه على الكنبه ومايله لقدام ماسكه رجولي ما اباه يمسكني احس ببراكين النار تتفجر داخلي .. شو هـ المشاعر اللي افتعلتها
جهاد وهو يصارخ: وبعدين معاك ما امزح انا ابعدي يدك
ابعدت يدي وانا منحرجه أي مشاعر اافتعلتها واللي قدامي حتى مشاعري مايحترمه... ضاعت حياتي بيدي....
الجرح كان في ساقي اليسار على الجمب الايمن بس لورى شوي
جهاد وهو بنفس الحده والعصبيه: شلون تعورتي الجرح عميق شوفي بغبائك شلون صار ينزف اكثر عن قبل

...غزل ومض مخها تذكرت انه ممكن يكون في اثار دم على الارض في حجرة النوم.. تحركت وهي تراقب بعينها الموجودين وبهدوء لين وصلت لباب الحجره واتنهدت بارتياح مافي دم شكله كان ينزف على البلطلون دخلت وسكرت باب البرنده وخرجت

حطيت يدي على يده: والله تعور حرام عليك والله تعور انا شو عملتك ليش تعاملني بقسوه
مزون: تحملي لازم يشوف الجرح
جهاد وهو حيل معصب: لا اخر مره اسالك وين تعورتي
دمعت عيوني وصوتي اهتز: في القنينه اللي في الحمام
ناظرني وانا غمضت عيوني .. صرت محترفة كذب من جيت هنا شكلي باخذ جايزة نوبل .. بس خلاص بنااااام الحبوب خدرتني
جهاد: غزل هاتي شنطت الاسعافات
راحت غزل وجابتها
عقم الجرح
جهاد: اعتقد يبيله خياطه...غزل لو سمحتي هاتي عباتها ولبسيها بوديها المستشفى الجرح عميق ويبيله خياطه
..وقف جهاد ودخل الحمام وشاف القنينه وخذها معاه وخرج حطاها على الطاوله
جهاد: جودي شلون تعورتي
لا رد
جهاد وهو معصب: اكلمك انا شلون تعورتي
مزون: يا وليدي اشفيك بالاول داويها وبعدين حاسبها
غزل وهي خايفه: جهاد الحق علي ماتتحرك

راح لها بسرعه بس تذكر المخدر اللي عطاها ايها وهو خفيف بس يمسك معها بسرعه لانها ماتشرب منبهات كثير وبالذات القهوه..طبعا هو يعطيها هـ الدواء لاجل الكميه اللي كانت في العصير كانت كبيره ومشت في جسمها ولانها ماكانت تشرب منبهات كثير فمسك فيها وهو بهـ الدواء يسحبه على خيفيف لاجل ماتصاب بتجلطات في الدم وطبعا هالنوع جاي من اليهود حتى مخدراتهم قاتله مثلهم الله يلعنهم وياخذهم اخذ عزيزٍ مقتدر..
<معلومه طبيه حقيقيه غير المخدرات المدمره لشبابنا اسرائيل تصدر مخدرات اشكال وانواع وكلها تدمر في وقت قياسي ماتحتاج لوقت مثل أي نوع اخر>

فتحت عيوني وشفت المكان متغير علي .. حسيت بالم وحنين هـ المكان مو غريب علي .. تذكرت بس انا شو جابني هني..جلست وضغطت على زر في السرير وفتحت اللمبه اللي فوقي..
شفت جهاد حط يده على عينه ووقف جاء جلس جمبي
تكلمت لانه الهجوم خير وسيله للدفاع: شو جابني
جهاد: خيطنا لك الجرح وانت اقل مخدر ياثر فيك بس اسألك انت ماتشربين كوفي
جودي: يعني
جهاد: شلون يعني
جودي: يعني ماكنت استلذه بس لي فترة بسيطه اذوقه بس على قليل
..ماخبرتكم صرت محترفت كذب اصلا في بيت ابوي كانوا حارميني منه.. وهنا ولاني ما اجلس في المكان اللي فيه الخاله موضي فما اشرب الا اذا كانت الخاله مزون فيه.. وابتسمت لاني تذكرت كوفيه اللي اذوق من منه وحنا رايحين لمكه..
جهاد: يعني تعترفين انه كان حقكم سيء
..يالـله شلون هـ الانسان قاسي كل كلمه اقسى من الثانيه..
جيت اوقف بس هو وثقني من ايدي وظليت مثل ما انا على السرير
ظليت اتأمل الصوره اللي قدامي وكل احساسي مع الصخر اللي جمبي .. شو يريد
جهاد تكلم بعد فترة: شلون تعورتي
سويت نفسي ماسمعت السؤال: الا صدق يعني شلون يقولون انه مافي اسره فاضيه وانه في ازمه في المستشفيات الحكوميه فترة المواسم وانا على جرح منوميني في جناح
جهاد ابتسم وبتريقه: يعني على بالك انك في مستشفى حكومي
جودي: ليش انا وين
جهاد: وين تعورتي
ييييي رد لسؤاله مانسى: متى نرد البيت
جهاد: قبل ما اعرف شلون تعورتي
جودي: مثل ما خبرتك
جهاد: على بالك الكذبه مشت علي
يييي هذا شو يريد لايكون لمحنا بس حنا في الخلف: شفت صرصور وانا في الحمام ووقفت على البانيو ولمـ نزلت احتكت رجولي بي القنيه واتجرحت وطحت في الحمام
..طلع صرصور غزل بطل اليوم بنعطيه جايزة اوسكار..
جهاد: بس على كلامك لازم القنينه تتكسر لانها خفيفه
جودي: ما ادري اسالها
جهاد: لمـ اكلمك لاتخففين دمك وياي فاهمه ولا لا وبعدين لاتتعدين حدودك وياي
نزلت راسي عرفت مصيري وانه اللي افكر فيه غلط ولازم ابعد قدر الممكن عن طريقه لاني بتعذب وانا كافي العذاب اللي فيني
جهاد: على العموم انسانه في مستوى اخلاقك شو باخذ منها غير الكذب
قالها ووقف... حتى اخلاقي حكم عليها .. تنهدت
جهاد: لبسي عباتك بنرد البيت

0
0
0

دخلنا البيت على الساعه 11
شفنا البنات جالسات يتابعن فلم
جلسنا معاهم
جهاد: متى بتنامن
غزل: بس ينتهي الفلم بنطلع ننام
جهاد: غريبه انتو عوايدكم سهر طول الليل ونوم في النهار شو صار لكم في هـ العطله
غزيل: تغير روتين لا اكثر
وقف جهاد وانا ناظرته وهو اشرلي ووقفت معاه
غزل: اقول جودي اجلسي شوي
جهاد: لا خليها ترتاح
...قهرررررني يعني متى يعطيني افراج...
غزيل: لا خليها لانها ماقيست فستانها وبس ينتهي الفلم بنطلع نشوفه اذا تمام عليها ولا لا
جهاد بتريقه: ما شاءالله وانت اصلا شو مجلسك عندنا يالله قدامي على بيتكم
غزيل: اخاف اروح في الليل

جهاد: قومي انا بوصلك
غزيل: جهاد واللي يعافيك بجلس عندكم تراني اطفش هناك
جهاد: اجلسي مع امك ولا العنود
غزيل: مايعطوني وجه
جهاد: اكيد مايعطونك وجه يعني وجهك يقطعي الخميره
غزل وغزيل وجودي:هههههههههههههه
بس انا سكت اول وحده لانه ناظرني بكره يعني مايحقلي اضحك شكله كره عمره لانه ضحكني .. وخيت راسي وانا مبتسمه
جهاد وهو يكلمني وبتريقه واستخفاف: لهـ الكثر عاجبتك الكلمه
غزيل: ههههههه ايه اول مره تقول شي يضحك
جودي: هههههههههههههههههههههههههههه
ضحكت هو كان يكلمني وغزيل على بالها انه يكلمها
عصب جهاد ومسك غزيل وهي ميته ضحك خرج يوصلها لبيتهم

غزل: شلونك الحين
جودي: الحمد لله
غزل: اشفيه زوجك معصب
جودي: انا ما قد شفته رايق
غزل: هههههههه لا تعودي هذا طبعه
جودي: احسه جدي زياده عن اللزوم
غزل: بس حبوب
جودي: يمكن بس حرام طلع حرته في غزيل
غزل: هههههههههه لاتخافين بترد
جودي: شلون ترد وهي تخاف
غزل: عادي عندها لو تصحي ابوها من نومه
دخل علينا جهاد: يالله قدامي كل وحده على دارها
وقفنا ومشينا وهو سكر الكهرباء
انا كنت اعرج بس على خفيف وغزل تمشي جمبي وماسكه يدي
غزل: الله يكون في عونك شكله مولع اليوم زياده على اللزوم
جودي: عااادي تعودنا
غزل: بس هو ماقلك شي
تذكرت: غزل سكرتي باب البرنده
غزل: ايه لاتخافي
جهاد: روحي انتِ انا بساعدها
تركتني غزل: تصبحون على خير
جودي: وانت من هله

وصلنا الجناح وقفت في الصاله وهو دخل حجرته
احترت بس في الاخير رحت حجرته ولقيت الباب مفتوح ودخلت ورحت للدولاب وخذيت ملابسي وسكرت الباب ولفيت بوجهي شفته خرج من الحمام وهو حاط منشفه على خصره وتوصل لين نص فخذه وماسك منشفه صغيره ويمسح بها وجهه ورفعه لشعره بس انصدم بوجودي
رجولي انشلت شو هـ الموقف المحرج ابعدت نظري عنه وتغطيت بطرحتي لاني مازلت لابسه حجابي .. مشيت وانا ميتتت حيا بس اشوه اني غطيت وجهي .. خرجت وسكرت الباب خلفي


+++++++++++


صحيت الساعه وانا في قمت نشاطي .. الحمد لله انا لو نمت يومي كله لو احط راسي انام ثاني .. يقولن المحروم من النوم ظالم.. الحمد لله انا مظلومه مو ظالمه وهذا شي اعتز فيه.. وبس اظلم نفسي بالمعاصي .. يالله الله سامحني ويهديني.. احلا شي هنا انه صوت الموذن ينسمع والواحد يصح على صوته وينعم باحلى صوت الحمدلله
:يمه شلون دخلتن
غزل: لقينا الباب مفتوح
جودي: غريبه ليش ما قفله
غزيل: اكيد بعد ماتعورتي البارح تاب
جودي: ما اظن هذا هو السبب
غزل: ليش
جودي: اصلا هو مو مصدقني اني طحت على القنينه
وخبرتهن بالسالفه
غزل وغزيل:هههههههههههههههههههه
جودي: ايه اضحكن شو وراكن
غزيل:هههههه اما صدق صرصورك يشبهك مميز يباله وسام
غزل: وجعععععع انت ماتثمني الكلمه قبل ما تنطقينها صدق هبل
غزيل: اشفيك قلبتي علي انا قلت شي
جودي: هههههههه
غزل وهي تذكر: انت مالبستي فستانك
جودي: واللي يخليك تشائمت منه كل ماذكرناه طحت في مصيبه
غزل: مايجوز تتشائمين
غزل: تعالي ويانا بنقيس ونشوف اعمارنا قبل السهره
غسلت وجهي ورحت معاهن وانا لابسه بجامتي كانت برمود وهي ثلاث قطع ولونها عسلي
لبست فستاني
جودي: شرايكن
غزل: جناااااان
رحت للمرايه وفتحت شعري وحركته شوي ورجعته على ورى

...صرت مفتونه بعمري ما كنت اشوف عمري الا في الحمام لانه مو مسموح لي ادخل حجرة الحيزبون بس اكثر الاحيان اناظر عمري لمـ اخذ كف محترم ويعلم في وجهي .. كنت لابسه فستان مموج بين الفوشي والفستقي والبرتقالي والاصفر يعني لونه جريء عملته طويل ومفتوح من الطرف اليمين والصدر عملته صدر دارين لون فوشي والوسط مكلف بس نفس ارضيت اللي تحت

غزيل: بصراحه جريء وحلوا
التفت لهم: خفت اني تسرعت لمـ خذيته
غزيل: حتى انا بس كان خاطري اعمل كذا بس خفت يخرب فلما سألتيني قلت حلو لانه عاجبني بس خفت اعمل شي جريء لانه ماما بتلبسني هو غصب انتي ماتعرفينها
جودي: اما نذاااله بصدق
غزل وهي تكلم غزيل:ههههههههههههههه والله انك تحفه


+++++++++++++


ناويلك على نيه
بس انت اصبر شويه
اذا ماعلقك فيني
وهواك يصير بيديا
والله لااشغل افكارك
واشعل بالهواى نارك
واسكن قلبي بدارك
واعلمك الرومنسيه
ودي اسمع اني احبج
بصدق يقولها قلبك
واشوف الشوق بعينك
بالروحه والجايه
وناويلك على نيه
بس انت اصبر شويه

...كنت جالسه على الكوشه واناظر البرنسيستين يرقصن بس الكلمات احسها موجها لي بس اتراجعت لاني اعرف جهاد.. بس جهاد مثل كل الرجال ممكن يجي معاي ويتعلق فيني مثل ما انا تعلقت فيه لالالاللاالااااا بديت اخربط اعوذ بالله من الشيطان الرجيم .. ابليس ركب راسي وبيخرب افكاري..
حسيت بخبطه على كتفي ناظرت اللي خبطني
غزل: لاااااااااا وين رحتي ردي يا ماما انتي هنا في الارض
جودي: ها
غزيل وغزل:ههههههههههههه
غزيل وهي تشهق: ييييييه شوفن من حضرت
ناظرنا للمكان اللي كانت تناظره غزيل .. انصدمنا شفنا إنغام هي وامها داخلات .. هي تقرب للخاله مزون يعني ام انغام تصير بنت خالة الخاله مزون .. بس علاقة الخاله موضي بام انغام اقوه لانه صديقات من ايام الدراسه في الخارج
انغام كانت لابسه احمر لين نص الفخذ والجزء اللي فوق شفاف بس الصدر اللي مغطى .. طبعا ماكنت شايفتها تمام لانه نظري ضعيف
جودي: قليلة ادب
غزل وغزيل: ههههههههههههههههههههه
غزل: آآآآآه قلبي اشتب نار
غزيل وهي تغني: بغار عليك بغااااارعليك
غزل وغزيل: ههههههههههههههههههههه
جودي: مالت عليكن
..بجد ليش احس اني محروقه واني اشتعل اف قهر شو هـ الشعور احس اني اريد ابكي..
غزل: اقول جودي احس انها قنبله مؤقته وبتنفجر
غزيل: الا صدق ليش جات
غزل: لاجل يبين انها مو مهتم واصلا ماماتي كلمتها بنفسها لاجل تحضر يعني تعرفين ماما تحب صديقتها
غزيل: بس تصدقي ماما رغم انها بنت خالتها بس ماتحبها
جودي: خلاص فكونا من هـ السالفه

على الساعه احدعش انزفت العنود وهي شايله ولدها وجمبها متعب وبنتهم تمشي قدامهم وهي ماسكه كومت بلالين بشرايط ورقيه و اول ما وصلو الكوشه
المفروض من اسير تترك الشرايط بس البنيه معنده ماتريد وحنا متنا ضحك عليها
العنود: ماما اتركيها خليها تطير لاجل الناس يقول شوفوا البنت الشاطرة طيرت البلونات
تركتها اسير وارتفعت البلونات لين اصطدمت بالسقف
اتوزعت الهدايه على الاطفال
ودخلوا الحريم البوفيه

..كان ودي ادخل البوفيه تذكرت جود: ودي انعزم في فرح فيه بوفيه كل اللي نعرفهم ماعندهم غير الكابلي..
جودي: اقول غزل انا جوعانه
غزل: اوكي خلينا ننزل .. ونادت على غزيل: غزيل بنروح نتعشى تجين ويانا
غزيل وهي مرتبشه مع الاطفال لانها الوحيده اللي ماتغطي من متعب: ايه بس انتظروني
غزل: لا انتِ لحقينا
ومشينا وانا ماسكه في يد غزل لاني لابسه كعب واعرج بسبب رجولي
جلست على طاوله وغزل راحت تجيب لنا عشى
غزيل: وين غزل
جودي: راحت تجيب لنا عشى
ام انغام: شلونك غزيل
غزيل: بخير خالتي انتِ شلونكم
ام انغام: الحمد لله
انغام: ماما تعالي نروح المرتزقه هني كافي انها خطفة خطيبي ااخاف تخطفك هالمره
جودي: ليش شايفتني شاذه مثلك
ام انغام: انتِ قليلة ادب وتربيتك تربيت شوارع
جودي: اللي بيته من قزاز لايرمي غيره بحصى
ام انغام: الغلط مو منك الغلط مني انا اني واقفه مع وحده من الشارع
وتركت المكان وراحت
غزيل: هههه اقول جودي سكتيها والله هذه ام لسان محد يقدر عليها
غزل: شو صار ليش اصواتكن عاليه
غزيل: خلينا نتعشى الحين وفي البيت بنكمل سوالف ماينفع هني
جودي: انا بصراحه انسدت نفسي
غزل: اش دعوه متعبتني في الاخير ماتتعشين

موضي وهي معصبه: شو اللي عملتيه
انتفضت من الخوف بصراحه هي من الحموات اللي يخوفن لها شخصيه جدا قويه .. مارديت كنت اناظر القلاس اللي قدامي
موضي: اوقفي
وقفت
غزل: يمه خليها تتعشى ماصار شي
موضي: ماصار شي هاا ام انغام حالفه ما تدخل وهـ العله موجوده
وقفت ومشيت وغزل وغزيل لحقوني خرجنا ورجعنا جلسنا قريبين من الكوشه
جودي: اما صدق متعب شخصيه
غزل: ترا جهاد نسخه من متعب
جودي: شلون مافي وجه تشابه ما شاءالله عليه باين انه متعاطف ويحب يبتسم
غزل: اصلا العنود كانت رافضته لانه كان جدي وهو ما زال جدي بس تغير شوي ولمـ يكون مع العنود تقول انه ما شاء الله شيء ثاني زي الحين

...كان يبتسم للعنود ويسولف ولاكانه في حد وياهم .. والمصوره تصور فديوا .. نزل متعب وحنا طلعنا
فسخنا حجابنا وغزل ترقص على اغنية الاماكن
طبعا وقفت المغنيه وشغلوا كسيت ومابقى احد في الصاله غير العنود وغزل وغزيل وانا واسير وحمودي الصغير اللي كان في مهده وطبعا كلنا فوق الكوشه
غزل: جودي تعالي ارقصي وياي
العنود: انت وين عقلك مالها كم يوم مسقطه ولا رجولها متعوره شلون بترقص
غزل:ههههههه عادي برقبتها وخصرها
غزيل وهي تذكر: ايه جودي وري العنود شلون تطقي خصرك
... احرجوني بس ابتسمت: لا عيوني اخاف على نفسي من العين
الكل:هههههههههههههه
غزل:وووووووو لالالا شوفو اخوي جنااااااان ما شاء الله عليه
غزيل: ووووووو عنابي اموت على العنابي
ناظرت للمكان اللي يناظرونه شفت الخاله مزون ووياها واحد لابس ثوب عنابي وغتره بيضاء وحاط العقال بشكل شوي مايل لليسار ورافع الغتره من جه ومنزلها من الطرف الثاني .. بس الوجه ما شفته
جودي: هذا منو
غزل: بسم الله عليك هذا جهاد اشفيك فقدتي الذاكره
جودي: لا ما اشوف من بعيد
غزل: وانا اقول انت ليش تنقلين مني وما تنقلين من السبوره امم انزين ركبي نظاره
جودي: لا ما احب
غزيل: انزين لبسي عدسات ولا اقول سوي الليزك وريحي عمرك

مزون: شو رايكم صدتلكم صيده
ابتسم جهاد وهو يناظر الخاله مزون احسه يحبها اكثر من امه يعني رضعته وهي اصلا مبين عليها انها تحبه كثير
غزيل: كليتي الرجال
..احرجتني وبعدت نظري وكاني لمحت وحده واقفه عند باب البوفيه اللي مقابلنا يعني هو فيه بابين واحد يخرج على الصاله الخارجيه والثاني اللي مقابلنا
غزل وهي تساسر غزيل: غزيل ما كانه هذيك انغام
غزيل وهي تناظر: ايه هي
غزل: تعالي بنخليها تموت قهر
غزيل: ههههههه شريره لا انا اخاف اؤثم لاماتت
غزل وهي معصبه: ما ادري انت شنو من البشر مزحك زي وجهك اوووف
غزيل وبصوت عالي: جهاد خذ صوره عاطفيه انت والمدام دام انه المصوره موجود
..بسرعه وجهت نظري لجهاد شفته رافع حاجبه الايمن عرفت انه عصب..
غزيل: عادي لا تستحي تراك كنت مزرقن يوم زواجك يعني كنت مو طايقها بس الحين الحمد لله حتى مرابط عندها طول الوقت حتى الديوانيه ماتروحلها
..شفته ضغط على عينه اليمين يعني هو الحين يتوعد لها بشي يسنعها عقب ماتروح امها..
مزون وهي مبتسمه:وهي صادقه خذوا صوره عاطفيه على قولت غزيل هه ههههه
الكل: هههههههه
طبعا عدا انا وجهاد اللي ماضحكنا
غزل وهي تساسرني: اقربي منه ترى انغام تناظره وبتموت اذا شافتك عنده
بس الخاله مزون كانت اسرع مسكت جهاد وقربته مني
مزون: جهاد حبيبي ابتسم لاجل خاطري
ابتسم جهاد ابتسامه احس انها ذوبتني ... ماكنت اسمع شي
بس حسيت بنار على خصري .. نزلت عيوني وشفت يدينه على خصري .. ابتعدت شوي وهو ما زال ماسك خصري رفعت راسي ابا اتاكد من اللي يصير لي
مزون: هههههه جودي عادي هي صوره اشفيك
غزل وغزيل:ههههههههههههههههههه
غزيل: تصوري اشعليك بعمرنا ومتزوجه
مزون: انت ابا اعرف متى تعقلين
جهاد: هههههههه
الكل:ههههههههه
مزون ووهي تكلم المصوره: صوري
خرجت الكاميره وعدلتها طبعا صور فوتوغرافيه
..انا كنت اناظر جهاد اللي مازال على ابتسامته..
العنود وهي تناظر جهاد: والله صدق ما يغير الرجال الا الحريم
ابتسم جهاد لها وانا ناظرتها غمزة لي بصراحه احس اني بغوص في هدومي من الحيا .. درت بوجهي للجه الثانيه وسمعت ضحكهم
غزل: جودي يالخبله لا تخربين على عمرك بحياك
ناظرت إلها فعلا لازم اجبره انه يموت فيني غصب طيب لازم يحبني
ولمحت بعيني وحده ومثل ماهي واقفه عند الباب ابتسمت غصب صرت شريره غصب عني بس خلاص صار لي وما راح اتنازل عنه
غزيل: جودي لاتكوني دِلخها حطي يدك على صدره
..صرت مسبه كل وحده تسبني وانا ساكته..
مزون: هههههه اشفيك سمعي كلامهن نصائح بسب
الكل: ههههههههه
..حطيت يدي وهي ترتعش على صدره ورفعت راسي اناظره ابا اشوف ردت فعله هي نفس الابتسامه طبعا هو كان يناظر الخاله مزون...
المصوره: خلاص بدي اصور هلا
ناظرني وطاحت عيني في عينه
المصوره: اوكي الحين اسندي راسك على صدره
...ارتعشت من هـ الفكره...
غزل وهي تصفر: ووووووووو عشنا وشفنا جهاد مبتسم ومطيع
الكل:هههههههههههههه
هم يضحكون وجهاد بنفس الابتسامه اخاف انه وقفوه برمود وهو على ذا الشكل..
غزيل: اقول جودي انت صايره اليوم طنشه من اول الحرمه تقولك اسندي راسك على صدره

..اسندت راسي على صدره وهو تلقائيا رفع يده وحطها على شعري وغرس انامله فيها ولاني ماكنت عامله تسريحه بس سشوار وممكر على فوق ومن قدام مفروق بالنص وممسوك بـ اشارب وعلى جنب ربطته وحطت لي فيونكه فوشيه.. غمضت عيوني غصب عني .. ليش حبيتك وليش تسايرهم وانت بطلقني .. ليش تجرحني بكلامك وتداويني بفعلك

غزيل:هههههههههه جودي نامت
الكل:ههههههههه
ابعدت راسي وانا منحرجه
غزل: بروح اكلمهم يشغلوا موسيقى وعاد نبيكم ترقصوا سوا
...وراحت وتركتني هـ البنت بتجيب اجلي..
مزون: عادي جهاد في فيلم فاضي يعني للذكره وترا شكلها بيتغير مع اول طفل لكم مابتظل كذا بيبي بيصير شكلها حرمه وبتندم صدقني
جهاد:هههههههههه اقول يمه تراك منتي هينه
الكل: هههههههههههههههههههه
مزون:ههههههههه عاد سوالف تعلمنا من كثر مانحضر افراح
غزيل: لا والله يمه انا شفت صوركي وانت في بريطانيا عاد عشتي الدور مضبووووووووووووط
الكل: هههههههههههههههههههههههههه
ضربت مزون غزيل على كتفها وهي منحرجه: وانت من متى تنبشين في اغراضي
غزل: من زماااااااااان
انصدمت مزون
وغزل وغزيل ماتو ضحك عليها
...انا كنت اضحك وارتعش ما ادري احس باني اشتعل نار وفي نفس الوقت احس بالبرد..
ارتفع صوت الموسيقى وناظرت جهاد وذبت في نظراته هي نفس النظرات ونفس الابتسامه.. ماا اقولكم موقفينه على هـ اللقطه.
غزيل: جودي اشفيك حطي يدينك حولين رقبته
..لا والله سايرتكم كثير ما العب بالنار انا انا الوحيده اللي بتكويني النار وبيظل اثرها معلم فيني وقت طويل ويمكن ماتنمحى..
ابتعدت
مزون: هههههههه
العنود: جهاد معاليك فيها امسكها هههههههه

مسك يديني ورفعها حولين رقبته.. ناظرت عيونه هذا اشفيه شكله مبدلينه اليوم ولا شارب شي كنت رافضه اني ارقص بس غصب ذوبني .. رفعت راسي له وقربت شفايفي من اذنه
همسة له في اذنه: ليش تحب تعذبني
قرب راسه من اذني: مثل ماعذبتيني وحرمتيني النوم
...غمضت عيوني غصب عني .. يذكرها وانا بين احضانه اصعب شعور .. وجيت ابتعد .. حسيت بيدينه تضغط على وسطي رفعت راسي له.. هذا اشفيه رجعت لي ذكرى بريطانيا .. بس
ووووووووو للللااالاالالالالالااااااا احس اني طايره في الجو رفعت رجولي وانا اصرخ
الكل: ههههههههههه
دار شوي فيني وانا كل نظراتي موجها لعيونه .. اقص يدي لو هذا طبيعي .. نزلني وانا احس بدوران
حضني
موضي بقهر: خلصتوا ولا باقي
ابتعدت بس جهاد مسكني وحط ذراعه على ظهري
جهاد: خلصنا بس انتوا خلصتوا
موضي: فضيت الصاله مابقى غيرنا واهل انغام لانهم بيروحون مع عناد بس هو راح يوصل اغراض للبيت وتاخر الله يهديه
وناظرتني بقهر وراحت
جهاد: اوكي انا تعبان وبروح وانا اللي بوصلكم يالله عشر دقايق والاقيكن جاهزات
مزون: غزل غزيل قدامي بسرعه نشوف شو فضلنا
ابتعدت عن جهاد وانا اعرج بشده لانه لم نزلني ضغط على رجلي اليسار
العنود: سلامات شكلك تعبانه
ابتسمت: الله يسلمك لا بس رجلي تالمني

رحت لعباتي ولبستها وسحبت الايشارب من شعري وربطه على رقبتي
رحت لـ حمودي وشلته وظليت ابوس فيه
العنود: الله يعوضك
ابتسمت لها
جهاد مد يده وناولته حمودي: ولدك احسه ضعفان تغدي عدل مو تجيبين لنا صعاليك
ضحكت على تعليقه:ههههههههههههه
العنود: هههههههه نشوف عيالك لاجو كيف بيكونوا
..نظرت له ابا اشوف كل حركه يسويها ابا اسمع كل كلمه يقولها..
ابتسم لها جهاد ورفع حمودي يبوس فيه
العنود: الله يعوضك ياخوي باللي احسن منه ما ادري يمكن لا عاش بيكون عاق ادعي ربك بانه يعوضك خير مثل ما علمنا ابوي
...شعرت بالم في صدري احس اني تسببت في تعاسة الانسان اللي شالني من العذاب .. نزلت دمعه مني غصب عني .. انا اللي دوم اقاوم دموعي انا اللي ظنيت اني دموعي جفت انا اللي ظنيت اني اقدر اقاوم دموعي امام الكل .. نزلت هـ المره ونزلت وهي تحمل الكثير من الاحزان الماضيه والحاضره نزلت وانا اتألم بالم شلون اخلي هـ الجليد يذوب او شلون ارد لهـ سعادته مافي غير انه يرد لـ انغام هو هذا الحل انغام .. لازم ابعد بسرعه مثل ما دخلت عالمه بسرعه .. لازم اخرج من عالمه بدون ما اترك

جهاد: شكلك بتنامين هنا
رفعت راسي ماشفت احد حتى معظم اللمبات مسكره..
وقفت ومشيت بس وقفت وانا احس بالم في رجلي
بس كملت مشي وانا اتالم في صدري واتجاهل الم الجرح اللي برجلي
مسك يدي ومشينا في الممر وانا اعرج واللمبات تنطفي خلفنا لين وصلنا لبوابة الصالة نظرت لورى وشفتها ظلماء.. احلى ذكره اتولدت هنا وقررت اني ادفنها هنا.
خرجنا على الساعه ثنين ونص
في سيارة عناد ركبت ام انغام وبنتها

في سيارة جهاد
الخاله موضي جمب جهاد وغزل وغزيل وانا خلف جهاد
طبعا لانه بيمشينا عـ الكرنيش ويا حلات الكرنيش ايام الشتى جناااااان بس الزحمه هي اللي تقهر .. طبعا انا ماكنت اشوف الكرنيش الا في التلفزيون..
ركبت وياه وانا كل اللي اريده اني اوصل لداري واختلي بعمري محتاجه اختلي بعمري شوي محتاجه اراجع حساباتي
في سيارة متعب العنود وامه وعيالهم
وصلنا الساعه ثلاثه بس عـ الطرف لانه زحمه والمكان اللي حنا فيه بعيد عنهم شوي

موضي: الله يهديك ما جبتنا الا عند المصنع
جهاد: وين يمه المصنع بعيد حيل بس من كبره يبين انه قريب
موضي: شم العفن الا يخرجه
جهاد: تحملي الغاليه لو دخلنا لجوه ما بنلاقي مكان هذا اولا وثاني بياذن الفجر وحنا ماوصلنا البيت
فرش فرشه وخرجنا وانا اعرج .. جلست ااول وحده لانه رجولي ماعد تتحملني جلست ورفعت ركبتي اليسار وحطيت راسي عليها
الكل جلس
عند البنات
غزل: الاشو رايك في رقص الـ سلو
جودي: يجيك يوم يجيك يوم
غزل: ان شاء الله قريب
غزيل: ولا اشرايك في فكرة الصور العاطفيه
البنات: هههههههه
كنا كلنا في فرشه وحده ومتعب وجهاد جالسين على السجاده
جهاد وهو يوقف: شو تشربون
موضي: على ذوقك
جهاد: اذا على ذوقي مافي غير كوفي يدفينا في هـ البرد
الكل: اوكي
جودي: احس اني انزف
غزل: من وين
جودي: من ساقي يعني من وين
غزل: يعني قلنا مسقـ
ضربتها على كتفها ع خفيف: شو هـ الافكار اللي تجيكم
غزل: اذكري الله
جودي: ما شاء الله بس ياليت لو تبعدونها عني لاني الوحيده اللي اتورط في افكاركم
غزيل: الحمد لله انا افكاري جنااااان
غزل: قول مثل وجهك

جهاد: بسرعه خذو مني
خذينا الكوفي
متعب: عنوتي تعالي نمشي شوي ونلعب اسير
العنود: لا مافيني تعبانه خطوتين زياده واطيح على وجهي
متعب: عادي بشيلك قبل ماتطيحين
غزيل: يا ماما اشهدي هم اللي يخربونا وانت ما عندك غير تقولين ستار ومستار
الكل: ههههههههههههه
متعب: انت بكبرك خربانه
موضي: عااااد متعب كله ولا غزيل
متعب: ايه دافعي خطيبة ولدك يحقلك تدافعين بس خذيها نصيحه مني اذا تبين السعاده لـ انس شيلي غزيل من راسك
الكل: ههههههههههههه
غزيل انحرجت وودها تنط في بطن متعب
العنود: لا والله اصلا سعادة انس ماتكتمل الا بغزيل
متعب: والله كيفكم انا نصحتكم
جهاد: يااخي بنتك لصقه كم مره بغت تكب الكوفي علي
ووقف وترك متعب وجا جلس عندنا
جهاد: اقول غزل انتِ وغزيل روحوا الجه الثانيه ودي انسدح ظهري انكسر من الشغل
متعب: اشعليك طبيب اطفال مو متعود على الشقى
جهاد: هههههههه يعني انت اللي تحمل اثقال وانا ما ادري

مزون: جهاد طلبتك قول تم
جهاد: تم وتعرفين لو تطلبين عيوني عطيتك هي في طبق من ذهب
مزون: تسلم لي ياالغالي
متعب: ما ادري انا ولدك ولاهو تحبينه اكثر مني
جهاد: يالطيـــــــــــــــــــف حسد
مزون وهي تطنشهم لانها تعرف انها ماراح تخلص منهم: تذكر على نهر سيلي وكان الجو كذا حلو شو غنية احس انها تحمل ذكرى حلوه تلك الايام لنا ياليت لو تغني
متعب: يووووو عاشت الوالده
جهاد: هههههه تعرف شو مشكلتنا
متعب: انه امهاتنا متعلمات
جهاد: ولا في الخارج بعد
موضي ومزون عصبن
موضي: صرنا مشكله ها
جهاد:هههههههه لا مو هـ القصد
مزون: شو قصدكم
غزيل: ماما هم يقصدون يعني لو سو مصيبه بتكشفونهم وانه اي حرك يسونها لـ اي احد مابتعدونها كذا بتفهمونها
متعب: احلى تكلمت ام العريف
جهاد: تعال هنا شكلك بردان
متعب: لا مرتاح
جهاد وهو يقاطعه: تعال يا رجال لاتستحي
لصق جهاد فيني وعطاني ظهره
متعب وهو يجلس: تعال وين شارد
جهاد: ماتشوف بنتك بتنام حطها على الارض
متعب: لا حبيبتي تنام على الارض وراسي يشم الهواء مايصير
مزون: جهاد شكلك نسيت ولاتناسيت
جهاد: ههه والله استحي يعني انا كنت لحالي وانت سمعتيني صدفه
مزون: كيفك
جهاد: افا بغنيلك كله ولا زعلك بس عاد تحملوا بس بغيرها يعني لاجل تغيرين بين المناسبتين والمحلين
دار لي وعطاني كوبه
جهاد: امسكيه زين
اخذت كوبه وشفت تقريبا نفس اللي شربته وبدلت صرت اشرب من حقه وبعطيه حقي …غصب احس حقه غيييير
اذهلني صوته

علمني حبك انا حزن
وانا محتاج منذ عصور
لامرأة تجعلني احزن
لامرأة ابكي فوق ذراعيها
مثل العصفور
علمني علمني علمني
علمني حبك انا حزن
وانا محتاج منذ عصور
لامرأة تجعلني احزن
لامرأة ابكي فوق ذراعيها
مثل العصفور

لامرأة تجمع اجزائي
كشظايا البللور المكسور
لامرأة تجمع اجزائي
كشظايا البللور المكسور
علمني حبك سيدتي اسوأ عاداتي
علمني افتح فنجاني
فى الليلة آلاف المرات
واجرب طب العطارين
واطرقباب العرافات
علمني اخرج من بيتي
لامشط ارصفة الطرقات
واطارد وجهك فىالامطار
وفى اضواء السيارات
وألملم من عينيك ملايين النجمات
يا امرأةدوخت الدنيا
يا وجعي يا وجع النايات

ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان


ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان
ان الانسان بلا حزناً ذكرى انسان

علمني حبك ان اتصرف كالصبيان
ان ارسم وجهك بالطبشور على الحيطان
علمني حبك ان اتصرف كالصبيان
ان ارسم وجهك بالطبشور على الحيطان
يا امراة قلبت تاريخي
اني مذبوح فيكي
من الشريان الى الشريان
علمني حبك كيف الحب يغير خارطة الازمان

علمني اني حين احب
تكف الارض عن الدوران
علمني حبك اشياءاً
ما كانت ابداً فى الحسبان
فقرأت اقاصيص الاطفال
دخلت قصور ملوك الجان
وحلمت بأن تتزوجنيبنت السلطان
تلك العينان اصفى من ماء الخُلجان
تلك الشفتان اشهى من زهرالرمان
تلك العينان اصفى من ماء الخُلجان
تلك الشفتان اشهى من زهرالرمان
وحلمت بأني اخطفها مثل الفرسان
وحلمت بأني اهديها اطواق اللؤلؤوالمرجان
علمني حبك يا سيدتي ما الهذيان
علمني كيف يمر العمر ولا تأتي بنتالسلطان
ولا تأتي بنت السلطان
ولا تأتي بنت السلطان

ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان
ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان
ان الانسان بلا حزناً ذكرى انسان


غزل: ووووووووو جوجو عيد بسجله لاجل اسمعه صديقاتي
جهاد وهو معصب: ياخي في ناس ماينعطون وجه موليه
غزيل: هذه اختك خبله دوم تسوي حركاتها الخبله اللي زي وجهها
الكل:هههههه
غزل: انتي الهبله ولاتسوين عمرك عاقله لانه العنود مدحتك ادري فيك بتموتين وتزوجين
الكل:هههههههه
متعب: ياخي شفت الحرميه لمـ يختلفون شو يسون
العنود: متعب واللي يسلملي عمرك دخل اسير مافيني تمرض
وقف متعب: تامرين امر كم في القلب
غزيل: ماما عدي انتِ واغلطي ... وهي تقصد غزل متعب والعنود..
جهاد: وين قهوتي
جودي: تفصل
متعب: اقول ياجماعه الساعه اربع باقي ساعه الا ربع عـ الصلاه خلينا نلحق الفجر في المسجد اللي عندنا

~|~الجــــ الرابع ــــزء~|~


بدء الترم الثاني وطلبت الخاله مزون تقاعد وواقفولها
اما عني فبعد الي صار في السابع.. ما كنت اشوف جهاد الا وقت الوجبات... وهو ماصار يقفل الباب... انشغلنا بالدراسه... وايام كثيره انامها عند غزل

غزل: ياويلنا انت السبب اللي خليتنا نشرد
غزيل: عاد اللي صار صار بس شو وين ندس السيدي
جودي: بتضيعين مستقبلنا شو شو راينا انا لو ماسحبتيني انت وهي كان مداني في الفصل
غزيل: عادي اشفيك
غزل: اقول غزل خلينا نرمي السيدي ونرد
غزيل: لا والله كاتبه فيها قصتي وماعندي نسخها غيرها
جودي: افرضي عملوا تفتيش مفاجئ مثل اليوم
غزل: لاهم ما يعملوا الا اذا احد بلغ وحط ورقه في صندوق الاقتراحات
..طبعا هذا صندوق اقترحات وفي نفس الوقت للبلاغ لاجل ماتُعرف البنت وهو مكانه قريب من حجرة المرشده الطلابيه...
غزيل: هذي اكيد انغام انا شفتها خرجت قبل الفسحه
غزل: كان تكلمتي يا فالحه اكيد ياعيني الحين يدرون علينا
شفت لوحه شوي بارز: اقول غزيل هاتي السيدي
ناولتني الدفتر وانا خرجت السيدي وحطيتها خلف اللوحه
جودي: خلاص انتهينا خلينا نرد
غزيل: خاطري في فيتوشيني
جودي: لا والله انت اللي طلبتي السديهات وانت اليل شردتينا والحين

الابله: انتو شو تعملوا هنا يالله قدامي على الاداره
مشينا وراها
غزل: انت اشفيك انبهلتي
جودي: انت سمعتيها تبـيهم يفتشونا
غزيل:هههههه انا قلت خاطري اكل فيتوشيني
غزل وهي تضرب غزيل: وقت وحامك انت الحين
الابله واللي سمعت اخر جمله: اوه بتصيرين ام وتشردين من الحصص والله شي يفشل

وصلنا الاداره
المديره: هاتوا شنطكم
غزل: ليش يا ابله
المديره: غزل بدون نقاش ممكن
خرجنا والمراقبه ويانا
غزيل: غريبه شو اللي يخليها تطلب شنطنا
غزل: العلم عند الله
المديره: لو سمحت كل وحده تنثر شنطتها على كنبه
وسوينا مثل ماتريد واثقين في اعمارنا بس انا شهقت: يييييه
وناظرت غزل وغزيل
المديره: شو هذا يعني البلاغ ما كان كاذب
جودي: والله مو حقتي
المديره: بدون حلفان
جودي: قسم بالله مو حقتي
المديره خذت الاشرطه: تعالوا ورايا وانتو ساكتات
مشينا وراها للمسرح المغلق ودخلت شريط الفديو وشغلته بس بسرعه اغلقته يعني كان موقف ساخن..
ناظرنا بعض انا وغزل وغزيل

جودي: والله العظيم موحقتي
المديره وهي معصبه: اص ولا كلمه
غزل: ابله صدقينا مانعرف عنها شي
المديره: انت ما تعرفين بس جودي هي اليل تعرف ,ووجهت الكلام لي.. من من خذيتيها
جودي: ما اعرف عنها شي والله العظيم
المديره وهي معصبه: تحلفي بالله وانتِ كذابه دام انك تتابعي هـ الافلام عادي عندك يكون الحلف
هذه شو تقول احس اني دايخه من الصدمه اللي انا فيها ولا المنظر اصلا جاب لي الغثيان..

في الاداره
جلسنا جمب بعض
غزل: انت ما فتحتي شنطك اول ماطلعنا من الفسحه
جودي: هو حنا لحقنا سحبتـنا غزيل وخرجنا

وصلت الخاله مزون
المديره: اسمحيلي دكتوره مزون بس الموضوع ضروري
مزون: خير ان شاءالله
المديره: حصلنا فلم اباحي في شنطة جودي وهي مو راضيه تعترف وبناتك وبنت عمها رافضين يردون الفصل وقالوا اللي يطبق على جودي يطبق عليهم وكل وحده تقول الشريط حقي
انصدمت الخاله مزون وناظرتنا: انزين ممكن اكلمهم على انفراد,, وقفت..
المديره: ارتاحي انا بخرج وانت خذي راحتكي
وقفت وتركتنا

الخاله مزون جات جلست جمبنا
موزن: شو قصة الشريط
جودي: والله العظيم ما اعرف عنها شي
مزون: غزيل غزل
غزل: والله ثم والله انه مانعرف عنها شي
غزيل: قسم بالله انه مانعرف عنها شي
مزون: شلون دخلت شنطة جودي
غزيل بصدمه: ماما انت ربيتينا وتعرفي افكارنا يعني سافرنا ورحنا وجينا والفلم اللي نريد نتفرجه نتفرجه لو كنتي معارضه حتى وان كان وسخ وانتي عارفه بهـ الشيء بس افلام اباحيه مانتابع صدقيني ماما لا نهتز بنضرك ولا تهتزي بنضرنا
مزون: اصدقكم بس شلون نفهمهم السالفه
جودي: خلاص انا بتحملها وعادي فصل اسبوع وبرد
مزون: يعني انتِ في بالك انتهت المشكله
سكتت شوي وهي تفكر.. دخلت المديره

المديره: هـ شو الموضوع
مزون: حنا واثقين في بناتنا وواثقين في تربيتنا لهم
المديره: ماقلنا شي بالعكس البنات من هم صغار في هـالمدرسه ومن الاوئل ومثاليات بس جودي
مزون وهي تقاطعها: جودي بنتـنا قبل لا تكون زوجة ولدنا وهي الاولى على مدرستكم يعني وحده جايبه الميه كامله ممكن تطلع الاولى على المنطقه بتضيع تفوقها لاجل فلم وبعدين لو كانت تملكه وبتعطيه وحده عندها بدل السائق ثلاث يعني بترسلوا لصديقتها عـ البيت
المديره: للاسف مضطره اعطيها فصل تاديبي
مزون: بس انت بتظلميها بقرارك
المديره: ما عندي خيار ثاني
مزون: والسلوك
المديره: مضطره اني انقص
مزون: بس بتدمرين مستقبلها وهي بريئه
المديره: انا احكم على اللي شفته
مزون: بس انت ماعملتي شي انت بس حكمتي بدون أي محاوله منك
المديره: نحنا هنا في مدرسه ونحكم على اللي نشوفه وبس
مزون: اسألي ابلاتها صديقاتها هم اللي معاشيرنها وهم اللي بيدلوك على قرارك
المديره: ما احتاج احد يدلني يعني وحده في يوم واحد توجهت لها عشر شكوت في الصندوق
..وخرجت الاوراق توريها مزون..
مزون وهي تضحك:ههههه هذا خير دليل يعني اللي اشتكى هو اللي ورطها وانا انصحك تدورين عليها
المديره: مدرستي لها سنين وانا فيها وعمري ماشفت وحده معاها مثل هالاشرطه يعني هي الجديده والفعل هذا جديد على مدرستي
مزون وهي توقف: عطيها فصل تاديبي مابيضرها بشي بس صدقيني مايمديك تنقصينها من السلوك والمواظبه
المديره: اعرف انه عندكم نفوذ بس انتي قياديه وتعرف مسؤلية اللي تسويه
مزون: صدقيني انا لو شكيت بس واحد في المية انها حقتها كان ما وقفت وياها عـ العموم نشكر لك جهوووودك المبذوله... قالتها بتريقه واستخفاف..
المديره: الاشرطه انا مضطره اني ارفعها لـ الوزاره
مزون: كيفك بس بعد مايمديك تسوين شي بالعكس بيـنقلب الموضوع ضدك لانك واسمحي لي انت جلوسك على هـ الكرسي غلط وانا متاكده انه في الف وحده لها الاحقيه في انها تقود هـ المدرسه
مزون: اكتبيلهن تصريح خروج لاني باخذهن معاي
المديره: تعرفين النظام
مزون وهي تقاطعها وتخرج كروت العايله: مايحتاج تكملي اصلا انا كنت بخرهن حتى قبل لا اعرف الموضوع بس الحين بكافئهن وبفطرهن في مطعم وباخذهن في جوله محترمه تجبر خواطرهن كافي الظلم اللي خذوه
المديره وهي شوي بتنفجر: روحي مكتب الوكيله وهي بتعطيك التصريح

في مكتب الوكيله
الوكيله وهي تناول الخاله مزون الورقه: اتمنى انك تصدقينهن
مزون: هههه اصلا واثقه فيهن
الوكليه: لا تشيلي هم انا بكلمها وهي بس يمكن لانها اول مره تتعرض لموقف كذا.. وناظرتني وكملة كلامها: لاتشيلي هم وتتعبي حالك الزم ماعليلك صحتك والبيبي بيزعل اذا كنت زعلانه
...اتفاجئة أي بيبي واي خرابيط شو هـ الاشاعات اللي تتحذف علي..
مزون:ههههه حرام هي بيبي احرجتيها

وحنا خارجين مرينه على اللوحه
غزيل: لحظه
وراحت خرجت السيديهات وردت
مزون: شو هذا
غزيل: ههههههه السيدي حقي فيه قصص منزلتها من النت وقصه لي
مزون: ليش تدسينها
غزيل: عطيتها صديقتي حياة وردتها لي في الفسحه وسمعنا بالتفتيش ودسيناها
مزون: ليش تدسينها مو من حقهم يصادرونها
غزيل: ماما انتي ما تعرفي هـ الادميه معقده نفسيا وحنا مانبي مشاك

ركبنا السياره
في السيارة

مزون: ليش كان خليتوها تاخذه وانا بجي استلموا بدون أي مشاكل
عناد: شو الموضوع
مزون: لحظه حبيبي شوي
مزون: يعيني ما شفتوا من كان قريب جنب الشنطه
غزيل: لا لانه اصلا مادخلنا الفصل يعني انحطت الاشرطه وحنا في الفسحه
عناد: شو الموضوع
مزون: مر على مطعم خلينا نفطرهن وبخبرك هناك
عناد: انا مستاذن وخارج من العمل
مزون: ما عندك مواعيد اليوم وعادي ظرف طارئ
غزل: ايه وهي صادقه شكلهم الناس تشوهو من ادويتك لاجل كذا الناس شارده
الكل:ههههههههههه
عناد وهو يقلدها: تشوهو ياماما الناس عندها دوامات ويختاروا مواعيدهم في الفتره المسائيه هي بس الجراحات اللي في الفترة الصباحيه

*
*

جلست في داري بعد ما خلصت مذاكره وشغل دخل علي جهاد ومبين عليه انه معصب
جهاد وهو يصارخ: شو اللي صار
..ما رديت عليه وسحبت المساكه وطاح شعري طول وصار لين اسفل كتوفي بشوي.. انا بشو افكر واللي عندي اشتعل
جهاد وهو يمسك ذراعي ويوقفني : ناظريني هنا
ناظرته ولانه طويل وانا مو لابسه كعب ولاشي فلازم ارفع راسي اكثر ورجع شعري لورى
جهاد: شو سالفة الشريط
جودي: والله العظيم ما اعرف عنه شيء
ضغط على ذراعي اكثر.. تالمت تعودت على الدلع ولا مثل هـ الشيء ما كان يألمني كذا..
جهاد: يعني مشى ودخل شنطتك وشنطتك اني بالذات
جودي: يعني تعرف اني ما اخرج من البيت واني ما اتقابل مع احد غريب واسال خواتك انا في المدرسه عمري ما ابتعدت عنهن
جهاد: انا ماعلي من هذا كله تحكي من وين جبتي الشريط
جودي: يعني من وين هو مافي حل غير اني اخذته من هنا يعني من عندك
طرررررررررررراخ

عطاني كف على وجهي اعتقد انه حط كل قوته فيه.. طحت على الكنبه حسيت بفك اتخلع من مكانه.. ليش الظلم انا ما اعرف عنه شيء من وين يعني اخذته..
جهاد وهو بنفس الصوت: وشو سالفة الحمل بعد
مارديت عليه لانه صوتي ضاع بين ألمي وحزني
جهاد: عاجبتك السالفه تحملي اللي يجيك وراح يكتشفوا انك كذابه وحياتك كلها كذب في كذب

دخلت غزل بسرعه: جهاد ابوي معصب يريدك انت وجودي ضروري الحين
جهاد: اكيد بيلومني عـ اخلاقها الزفت
غزل: م
...كانت بتقوله ما اعتقد بس هو سكتها...
جهاد: خلاص سكتي انت الثانيه ما اريد اسمع صوتك
جهاد: يالله قدامي انت وهي لا اصفكم بكف يربيكن
وقفت على حيلي ومشينا قدامه

جلسنا انا وغزل وغزيل جمب بعض ومقابلنا جهاد والعم منصور والخاله موضي مترائسين الجلسه
طبعا انا اول وحده جلست لاجل اخفي وجهي عنهم بحيث بس يشوفوا الجهه اليمنى لانه حسيت بانه خدي ورم

منصور: شو الموضوع
غزل وغزيل مع بعض: والله مظلومين والله مانعرف شي اصلا هي مو اخلاقتا ووووو
كانوا يتكلموا مع بعض وكل وحده تقول غير شكل
منصور: بــس سكتوا وحده وحده تتكلم
غزل:انل
غزيل: انا
غزل: لا انا انا اللي تكلمت قبلك
غزيل: اصلا انت ما تعرفي تتكلمي انا اولي
منصور: لا انت ولاهي جودي تكلمي

كنت جالسه وراسي ع الارض ..اربكني اصلا أي كلمه راح ابكي فيها.. حطيت يدي على وجهي ودمعة عيني غصب
منصور بهدوء وبكل معاني الابوه اللي افتقدها: حبيبتي مايحتاج تبكين حنا واثقين فيك بس ابي اعرف السالفه لاجل اعرف اتصرف وارد حقكم
تكلمة وصوتي مهتز: ما اعرف شي والله العظيم ما اعرف شي عن الاشرطه والله العظيم مو حقتي اصلا انا من وين بجيبها.. وبكيت خلاص ما اقدر اتحمل اكثر.. حضنتني غزيل
غزيل: بس حياتي الله ينتقم من اللي كان السبب
غزل: انت ليش تبكين بالعكس تكلمي بثقه والله ما سوينا شي ليش نبكي
منصور: جودي ارفعي راسك انا قلت اني واثق فيك بس اريد اعرف السالفه من البدايه
منصور: غزل روجي هاتي شي بارد نشربه
غزل: ينفع ماي
منصور: لو في عصير يكون احسن
ودقايق والعصير عندنا
شربت شوي من العصير وانا احمد ربي يعني لو كنت عند ابوي كان قطع جلدي ولاشربني الحنضل.. نزلت قلاسي لازم اتكلم بهدوء انا ما اذنبت

جودي: عمي نزلنا اول الناس تفسحنا وطلعنا اخر الناس بس قبل ما نوصل الفصل سمعنا انه في تفتيش شردنا لانه كان معانا سيدي بس منسوخ عليه قصص وقصص بريئه يعني مو مخله بالادب بس هـ المديره تصادر أي شي ومانعه أي شي مو من ضمن لوازم المدرسه وبنرد بعد ما ندس السيدي دسيت السيدي خلف لوحه وشافتنا المراقبه وخذتنا على الاداره وفي الاداره طلبت منا المديره اننا نجيب شنطنا وكل وحده تنـثر شنطتها على كنبه لحالها وسوينا مثل ماتريد بس انصدمت لما طاحت من شنطتي ثلات اشرطه

موضي: الله يا مفتريه ثلاث اشرطه من وين جايبتها
تكلمت لاني المفروض اني اتكلم تعلمت في هـ البيت انه اللي يتكلم بوجود العم منصور حقه مايضيع: اذا مكذبتني فانا ماخذتها من جناح جهاد او من هـ البيت
موضي: آه يا قليلة الادب
منصور وهو معصب: موضي
موضي: انت ماتسمعها اش تقول

...ندمت لاني تكلمت كان المفروض اني ما اتكلم كرهت عمري مو من طبعي اعمل مشكله بين اثنين..

جودي: اسفه خالتي ما كنت اقصد شي بس يمكن يكون دليل براءه في نظرك ..اسفه وحقك علي.. وو صدقيني ما كنت اقصد شي بس احساس الظلم هو اللي اجبرني اني اتكلم يمكن لانه اول مره احد ينصفي هو الشي اللي خلاني احاول اني اظهر برآئتي وطغى لساني على طبعي.. انا ما اسكت ضعف مني اسكت لاني اعرف انه فوقنا رقيب

سكت.. ما ارعرف شلون تكلمت شلون واجهت بس احس اني فضيت من الداخل ارتحت اول مره من جيت هـ البيت تكلمت كذا كنت دوم اتكلم مع جود وما كنت اتكلم عن الضرب لانها كانت تعتصر ألم قدامي فكنت اكتفي باني اتكلم عن الاحاسيس تكلمنا عن الحب عن الظلم عن الحقد عن الغرور عن الشموخ عن كل احساس موجود فينا وكان يريح الطرفين..
جودي: شو يعني لك الغرور
جود: ما ادري احسه صفه منبوذه اكثر من انها حميده وانت
جودي: انا عني احس انها ترضيني تشبعني تشعرني بالسعاده
جود: افااا جودي ماضنيتك كذا
جودي:هههههه فهمتيني غلط يعني المراءه تحاول تشبع غرورها بمظهرها برقتها بنعومتها بقوتها يعني انا اشبع غروري بقوتي في اني اظل متماسكه لاخر شي تصدقين لمــ اتعشى زين ( كنت اقصد الضرب) اذكر اشياء واتخيل اشياء ترضي غروري يعني ام تحضني وتمسح على ظهري وانت جود دوم احطك قدامي صدقيني جود احب الدنيا لانك فيها احسك تشبعين غروري بغزلك لي يمكن اللي يسمعنا يقول شذوذ بس اللي يعرف اللي في قلوبنا يعرف انه قصدنا التخفيف عن بعض وانه الحب حب طاهر حب خالص حب في الله حب اخوي كل شي بيناتنا طاهر يعني كلمة احبك ترضي غروري تشبعني ..الاباء يقولونها لعياله
الابناء يقولونها لـ ابنائهم
الاخوان لبعض
الاصدقاء لبعض
والرسول صلى الله عليه وسلم علمنا نقول للي يقولنا احبك في الله نرد عليه ونقول أحبك الذي احببتني فيه
يعني الحب شي جميل يرضي غرور الجميع حتى الحيوانات تبي حب يرضي غرورها عندك الخيول تحب المسح على راسها ورقبتها وتحب التفاح والسكر هـ الاشياء تشبع غرورها يعني الحب هو اللي يشبع الغرور
توفر الاشياء ركيزه من الركايز في اشباع غرور الانسان
جود: بس الغرور صفه شينه يعني صاحبها يكون متغطرس شايف عمره
جودي: كل من يشبع غروره على حسب اخلاقه وطبعه
جود: اقنعتيني

عم الهدوء فترة طويله كل من يراجع حسابته

منصور: بس من الي تبي تضركم
غزل: مالنا اعداء
غزيل: يمكن وحده شينه غيرانه من جمال وادب وشطارة جودي قالت بورطها وبخليها ماتسوى ريال
غزل: اصلا مديرتنا نفسها تغار من جودي يعني هي عانس وشينه وجودي جميله ومتزوجه حتى ما كلفت على عمرها تروح تسال من اخر مجموعه نزلت الفسحه
غزيل: ايه حتى اول ما جات جودي المدرسه مديرتنا بغت تخرج عيونها وهي تناظر جودي
غزل:ههههههه

..انتهت المشكله باستخدام الواسطات.. والفصل لغوه
والمفروض اني اداوم اليوم بس تفاجئة لمـ شفت الباب مسكر وجهاد راح الدوام طبعا رد يحبسني حتى المدرسه ما اروح لها لاني اكون محبسوه بس كنت اذاكر بروحي لاني ما احتاج حتى البنات بس هن لعابات لاجل كذا احس انه موضوع المدرسه يجبرهن على المذاكره
قررت انتظره اليوم واكلمه كله ولا دراستي يعني بيطلقني واحصل نفسي في الشارع لافي مستشفى تستقبلني ولافي تمريض من اصله

*
*
دخل ووقفت له بس هو كان اسرع ودخل حجرته
انا لحقته بسرعه قبل يقفل الباب وينام
انحرجت لانه خلع تيشيرته بسرعه ودخلت وهو يسحب في الحزام.. تنحنحت
جودي: احم احم
رافع راسه وناظرني.. شتت نظراتي في الحجرة.. تقرب مني
جهاد ومن غير نفس: خير عندك شي
جودي: المدرسه
جهاد: لا تفكري فيها خلاص انسيها


جودي: بس صدقني انا بريئه