مساء الغلا عليكم
اليوم جايبه لكم قصه مره حلوه ويارب تعجبكم
طويله بس والله روعه مره
وأشوف الردود الي تبرد القلب
بسم الله 0000000 نبدا
وسكتت غيداء وسحب عواض جودي من شعرها.. ورفع وجهها وشافها وهذه اول مره يشوفها فيها بهدا القرب.. وهي دوم لمن يمر من عندها ترخي راسها وشعرها علىطول ينزل على وجهها... هذه هي قصتها من هي صغيره لاجل تخفي وجهها عن ابوها لانه لو شافها بيذبحها من الضرب لانها تشبه المرحومه امها وهو يعتقد انها السبب في موتها ولانه يموت فيها كره بنتها.. وقصتها مو مكلف فيها..غيداء هي اللي تقص لها هو كل ما يطول شوي لاجل يساعدها على اخفاء وجهها.. مجرد انها تساوي لها من قدام ووراى بس من كثر ما تقص لها تعلمت شلون تقص الكاريه وصارت هذه قصتها .. وطول شعرها من قدام وورى لين وسط رقبتها..للعلم رقبتها طويله..
تفل على وجهها وخرجها من الحجرة وهو يسحبها من شعرها وغيداء وراهم
منيره: على وين تاخذها
عواض مارد عليها
عواض وهو يكلم جودي: شوفي داخل في رجال اباك تدخلين وتحضنيه
منيره: انت اشفيك شارب الحين
جودي: يبه الله يخليك ارحمني اقتلني اضربني بس لاترميني كذا
منيره:انت تباء تفضحنا بناتك محد راح يتزوجهن اذا انعرف بالسالفه..
عواض:ابا ازوجها وافتك منها مو انت تبين الفكه منها
منيره: شلون
عواض: بعدين تعرفين. .ورد كلم جودي.. يالله سوي اللي قلتلك عليه
بس جودي ما صدقت ابوها..تعرف انه بيبع عرضها لاجل المال ولانه محتاج هاليومين ما لقى غيرها
غيداء تمسكت في يد ابوها: يبه الله يخليك
عواض: صوتكن لا يعلى ترى والله لاذبحها واعشيكم من لحمها
سكتت غيداء وسكتت جودي وانقادت لمصيرها .. وخلى منيره تاخذ جودي
*
*
خرجت منيره من الباب الرئيسي وفتحت باب مجلس الرياجيل اللي من بره ودفت جودي على الرجال.. في هذه الاثناء دخل عواض ومعها القهوه .. واساسا هو سحب الثلاجه والفناجيل وهي فاضيه لانه القهوه ما مدها تستوي..
*
*
الرجال مصدوم من اللي جالس يصير بس يعرف البدو ما شاء الله اهل كرم .. بس عاد مو كذا مغثه.. واتفاجئت بالباب ينفتح وترتمي علي وحده على ساقي .. شكلها كانت مسرعه وما تدري اني موجود واتعنقلت وطاحت علي بس حسبي الله عليها عورتني .. انا كنت جالس على الارض .. بس اتفاجئة بالبنت .. جلست حضنتني وتبوسني على وجه
جودي: الله يخليك لا تسوي فيني شي الله يخليك ترضاها على اهلك
ماكنت شايف وجهها لانه لاصقته في خدي .. بس حسيت بحرارة دموعها. .ضعيفه على بالها بغتصبها مو داريه اني جالس هنا وانا مقروف وهي اكثر شي قارفتني لبسها كان مره قديم ومقطع وحالتها حاله..
دخل الرجال علي وطاح التبسي من يده.. وعرفت اني في موقع شبه .. الله يقلعك انت الحين اللي تغلطين وانا اللي راح اتورط
وقفت بسرعه ابا اشرح الوضع .. بس هو كان اسرع وفسخ عقاله وطاح فيها ضرب .. وانا احاول امنعه وافهمه السالفه بس هو ما يسمع شي .. يحقله ولا واحد عنده غيره ويشوف بنته في حضن رجال غريب..
عواض: اه يالكلبه انت من وين تعرفينه
الرجال: يالاخو تراك فاهم السالفه غلط
عواض ووده يذبح الرجال: انت اسكت واحمد ربك اني مخليك حي لين الحين..
جودي وهي تحضن رجول الرجال: الله يخليك لاتسيبني معاه بيذبحني ..قالت كلمتها لانها عرفت نوايا ابوها وخافت لا الرجال ينكرها ويزيدها ابوها او ممكن يعرضها على اصحابه.. فقالت لنفسها اعيش مع هالهندي بسلام ولا اني اعيش بذل
عواض اللي عجبه تدخلها: ايه والحين تملك عليها
الرجال: شلون بس انا ما اعرفها
عواض: شوف انا انت ما راح اسويلك شي بس هالكلبه انا راح اذبحها وخرج بسرعه وجاء ومعاه سكين.. انصدم الرجال من هالابو
الرجال: انتظر بكلم .. وضل ياشر على صدره يقصد انه بيكلم ابوه بس هو مو قادريتكلم من شاف السكين..
عواض: بتكلم من
الرجال وهو يتكلم بتلكلكه: هذا اش اسمه ايه بابا
عواض: يالله كلمه بسرعه ما ابا اشوف الملعونه هذه في بيتي
جلس الرجال على الارض لانه بالفعل مصدوم من اللي قاعد يصير له.. وعواض من شافه جلس ظل يرفز في بنته لين هي زحفت تبى تحتمي بالرجال وبالفعل وصلت له وحاولت انها تدخل خلفه بس المكان ضيق بالقوه لين دخلت صدرها خلفه.. لان أكثر الأماكن تعورها وأكثر الأماكن اتعرضت للضرب هو ظهرها وصدرها وبطنها وتبي تحمي روحها .. وصار الوضع انه ظهرها على الجدر وصدرها على ظهر الرجال ورجولها على يسار الرجال
..الرجال: يبه تعال انا متورط
ابو جهاد بخوف: شلون
جهاد: ما ادري بس تعال انت وعمي وعياله
ابو جهاد: انت وين
وصف له البيت وقفل عنه
عواض ما سمع شي من المكالمه.. لانه كان ينظر لبنته وينظر شلون هي تفتنه وانه منيره هي اللي دوم تمنعه عنها .. طالعها ونزلت دمعه.. لانه بالفعل حس انه بيفقد صالحه زوجته اللي حبها زوجته اللي تفتنه زوجته اللي عرف معنى الجمال من خلالها .. وفي زحمة افكاره .. نسي انها بنته توجه لها على اساس انها صالحه وحاول يسحبها بس جودي بسرعه حضنت جهاد.. و جهاد مو عارف شو يسوي.
عواض:وقفي اقولك
واخيرا طاحت عينه على جهاد جن جنونه هذه شو تسوي مع هالرجال ورفع العقال لاعلى مستوي وشحط شحطها ارتفع لها صوتين جهاد وجودي اللي ما وقفت بكاء ولا اهات الالم
...وقف جهاد ودف عواض على وره وطاح الاخير على الارض ولقى السكين اللي جابها طايحه ومسكها وراح لجودي بس جهاد شافه وراح مسك يده واتجرح في يده اليمين .. وبدخلت ابو جهاد واخوه ومتعب وعناد.. وبسرعه خذوا السكين رغم مقاومات عواض .. بس قدرو عليه..
جودي كانت جالسه على ركن وثانيه رجولها جنبها.. وعواض ماسكينه متعب وعناد وابو جهاد واخوه واقفين على جنب وجهاد هو اقرب واحد لجودي وواقف قدامها .. والحجرة اصلا شوي وتنفجر لانها مره صغيره يعين 3امتار في 3تقريبا..
ابو جهاد: شو السالفه
..للعلم كل الرجال كانوا لابسي بدل ماعدى ابو جهاد واخوه سعد... ولانهم جايين من المستشفى فهذا لبسهم..
خبر جهاد السالفه لاهله حسب وجهت نظره هو .. وقالهم انه يباه يملك عليها
ابو جهاد: شوف يالحبيب ولدي ما يكذب بس هي هالسالفه
عواض .. مايسمع احد كل اللي يدور في راسه انه زوجته ردة له..
عواض: يكذب ولا مايكذب انقلعوا من بيتي ..
طبعا الرياجيل: على بالهم انتهت السالفه وانه بيترك جهاد وتركوه وبيخرجون من المجلس بس جهاد تكلم: لحظه
نظروا له.. ابو جهاد: خير في شي
وماكمل كلمته الا شافوا عواض ماسك بنته وموقفها من شعرها .. وراحوا له بسرعه لمن شافوه لاصق في بنته بشكل مو طبيعي ويخنق فيها .. وصاروا يسحبون فيه.. وقدروا انهم يبعدوه عنها وهي دخلت في حضن جهاد تدور الامان وتبى تفهمه بهذه الطريقه انه مالها امان اذا تركها عند ابوها.. كان جهاد ظهره على الجدار .. وجودي ظهرها عليهم وهي تكح
هالمنظر طير كل الابراج اللي في راس عواض وصار يصرخ بجنون: ابعدي عنه يالملعونه ابعد عنه يالفــ
ولانهم ماسكينه فما يقدر يروح لها .. فرفع رجوله وضربها الضربه اللي قسمت عمرها وصرخت صرخه واغمى عليها وهي في حضن جهاد .. و جهاد حس بالم في ظهره لانه هو اصلا لاصق في الجدر وقرب عواض منهم هو اللي زاد من قوت الضربه على جودي ..
جهاد:انتوا على بالكم انه كان بيذبحني انا لا هو كان بيذبح بنته وانا اللي منعته .. ابعدوه عنها
وبالفعل بعدوه بحيث ما يوصل لها..
دخلت غيداء وهي تبكي: حرام عليكم ذبحها وانتوا السبب
عناد من شافها خاف لاينتبه لها ابوها ويسويلها مثل اختها .. وبسرعه دخلها من الباب وظل هو واقف قريب من الباب اللي من الداخل: روحي هاتي عابتها
غيداء:إن شاء الله بس الله يخليك لاتخليه يضربها
عناد بعصبيه.. لانه على باله انه ابوهم مسوي كذا من غيرته على بناته وهو من شاف غيداء قال انه بيذبحها سيده لانه غيداء جميله: انت روحي بالاول
وراحت وناولته عباتها من خلف الباب
عناد: لا تدخلين فاهمه يكفي وحده .. وابتعد عن الباب واعطاها جهاد اللي كان يفحص في جودي بحكم مهنته.. والاخير رمى العبايه عليه وشالها..
جهاد: يبه البنت تنزف من فمها احتمال يكون عندها نزف داخل
ابو جهاد وهو في قمت عصبيته على ولده: انت شلون تشيلها .. يمكن يكون **ر في الظهر
جهاد: خلاص شلتها يالله واحد يروح يفتح الباب ويرتب المقعده
عواض وهو يبي يرجع بنته له: وين ماخذينها هاللملعونه
ابو جهاد: خلاص مثل ما تبي بيملك ولدي عليها
عواض: ومن قال اني موافق
منيره كانت من البدايه سامعه كل اللي يصير واخيرا دخلت وهي متحجبه ومسكت زوجها: خليهم ياخذونها فضحتنا الله يفضحها .. انصاغ لها
وبالفعل اول من خرج جهاد وخلفه ابوه وعمه لاجل يرتبون المقعده لها وبعدهم خرجوا خالد وانس وعناد ومحمد
0000000000000
الدكتوره انصاف هي المسؤله عن حالت جودي ... دخلت على الدكتور منصور هي وزوجها الدكتور فتحي: بصراحه يا دكتر لازم تخبروا الشرطه دا ابوها مخلاش فيها مكان الا وضربها فيه.. واكيد بنته بت**ب الاضيه وبيشلو عنه الرعايه
منصور: خليها تقوم وبنستشيرها لانها ممكن تقول شي غير الحقيقة ولاتنسي هذا ابوها وانا علمتك بالسالفة يعني بتحط له عذر
الدكتورة: دي مش غيره دا مرض
الدكتور منصور: على العموم مثل ما خبرتكم ما ابا احد يعرف السالفه.. وهي الحين خطيبة ولدي بس انتظر لين تخف شوي باخذها لابوها لاجل الملكه
الدكتور فتحي: وانا اخذت منها عينه من الدم ورسلته لمستشفى حكومي لاجل الكشف الطبي واخذت من جهاد نفس الشي لاجل ما ناخر الوقت زي منت عاوز
الدكتوره انصاف: وخطيبته الاول راح توافئ
الدكتور فتحي: عنها موفئتش
الدكتور منصور:هههههههه والله لو دري عنك جهاد بيغير رائيه
الدكتوره انصاف: كم مره اولتلك سبها في حالها مش عوزين نضارب مع جهاد للمره المليون
..الدكتوره انصاف وزوجها من اصدقاء قدماء للدكتور منصور واخوه الدكتور سعد..
الدكتور منصور(ابوجهاد): شلون حالتها
الدكتوره انصاف: رضوض اويه في جميع انحاء جسدها والدم اللى كان ينزف من فمها هو بسبب عضت الاسنان على اللسان .. ونتج عنه شق قوي واضطرينا نعمل لها خياطه ..على العموم انا عطيتها مهدئ وكتبت لها بروفين لاجل تخفيف الالم بس حتخده يومين
الدكتوره انصاف: بس يادكتر هي تعرضت للضرب ابل اليوم وفي كدمات يعني تقريبا من 16 _17 ساعة ده معناته انها باستمرار تتعرض للضرب المبرح وفي جرح قديم بليغ في فخذها الايمن اعتقد حرق بالسيجارة..
اتفاجئ الدكتور منصور بهالمعلومات: انزين ممكن انك ما تخبرين جهاد بهالشي
الدكتوره انصاف: زي متحب
0000000000000000000000000
وصلت جود البيت وسيده على حجرتهم وشافت غيداء تبكي وهي حاضنه ملابس جودي
جود: غيداء وين جودي
غيداء وهي تبكي اشرت لها تجلس جنبها
بس جود: وين جودي لايكون ماتت لاااا الله يخليك قولي غير كذا
غيداء من بين دموعها: لا ما ماتت
جود: اجل وين ووقفت راحت تدور عليها في ارجاء البيت وثواني وهي راده ... وين جودي تحكي وينها..
خبرتها غيداء باللي صار بالحرف الواحد..
جود: تقولين زوجها واحد اجنبي يالله إن شاء الله انه يقدرها ويراعيها
غيداء وهي تضحك: بس تصدقين انا اعتقد انه سعودي وابوي وامي من الغلبه مالاحظوا هالشي ولا ازيدك من الشعر بيت باين عليه النعمه
جود:ههههههههههههههههههههه والله لو تعرف امي راح تموت في وقتها
الكل:ههههههههههههههههههه
دخلت منيره: انت وهي شله تضحكون
جود: على الطريقه اللي تزوجون بناتكم فيها
خرجت منيره مافيها على لسان جود
غيداء: تصدقين خفت لاتخبريها بالسالفه
جود: ليش بروح اخبرها بس هي ما اعطتني فرصه
غيداء: يالخبله هي لين الحين ما ملكت
جود: شلون ما ملكت وانت
غيداء: هي اخذوها اعتقد بيودونها المستشفى واكيد بيرجعون لابوي وهو ولي امرها ولازم موافقة ولي الامر
جود: اوف تصدقين خلينا نقلبها عليهم
غيداء: شلون
جود: ما ادري بس بنخلي امي تكره جودي أكثر وتتمنى لاجل ما تعترض على الملكة اذا اكتشفت انهم اغنياء
غيداء:فكره بس لو
جود: واللي يسلم عمرك لاتتبسبسينلي الحين
جود وهي تفكر: طيب المدرسة
غيداء: ما ادري
جود: ياااااليت يخليها تكمل اوف قهر
00000000000000000000000
اذا عجبتكم بكملها
08-09-2007, - 02:31 AM 
بنقل لكم قصة سعودية روووعه .. لكنها على أجزاء .. 
المواضيع المتشابهه للموضوع: بنقل لكم قصة سعودية روووعه .. لكنها على أجزاء .. 
