.. (( أسمى مسمّى علاقه )) .. -

آخر فارس · 02-11-2007, - 03:18 AM

إهـــــــــــــداء ..
لكل من يتابع ..
فارس
مع وافر الحب ..

.. أسمى مسمّى علاقة ..

إرفــق .. تَرَفّــقْ .. يالرفيــق المفـــارق
فرقــاك تَفْــرق .. عـن فُــرَاْقَ الرفــاقه
ويــن انت رايـح ؟ .. لاتـروح وتـفــارق
مــالي على فـرقـــاك .. يازيــن طــــاقه
بينــك وبين اقـرانـك .. الفــين فــــارق
وحبّـك حبيـبي .. مختــلف في مـــذاقـه
رمح الغــلا .. وسْـط الحشـا حيـل زارق
لا تـنـــزعـه .. من قلـب زاد اشتـيــاقه
أشتـــاق لك لا غـبت .. والشــوق حـارق
شف جمْـر شوقي .. كيف سوّى احـتراقه
غــالي يسـمّـونـك .. واسمّيــك ســـارق
ســرقـت قلبـي .. بالحـــلا .. واللبـــــاقه
تـدري وانـا ادري .. حبّـنــا نـور شـارق
وما بينـنـــا .. أسمى مسـمّى عـــــلاقـه
ما اقبـل بغـــيرك .. لا ورب المـشــارق
مالي جـمـل بعــدك .. ولا حتـى ناقــــه
حبّك .. نـِشَــر في بَحْــر شـوفي زوارق
وين التــفت ؟! والبحـر واسـع نطــاقـه
من وين مالدّيت .. اقــــول انّـي غـــارق
لـو أتـركــك .. هـــذي والله .. حـمـــــاقه
والحـين رايـح ؟! .. لاتـروح وتـفــارق
مــالي على فـرقـــاك .. يازيــن طــــاقه

oJgJl pJlc · 03-11-2007, - 10:21 AM

آخـر فآارس
صح لسـآاـنك
& سلم بنـآاـنك
& سلمـت يمنآاـك
يعطيـك آالف عـآأفيـة
بـإنتظآار رآائعـة من روآائعـك
لآا عـدمنآاـك

آخر فارس · 03-11-2007, - 04:08 PM

عالم الوله ..

شكراً لمرورك الكريم ..

تقبل تحياتي ..

Last Lady · 03-11-2007, - 08:04 PM

اخر فارس

إرفــق .. تَرَفّــقْ .. يالرفيــق المفـــارق
فرقــاك تَفْــرق .. عـن فُــرَاْقَ الرفــاقه
ويــن انت رايـح ؟ .. لاتـروح وتـفــارق
مــالي على فـرقـــاك .. يازيــن طــــاقه
بينــك وبين اقـرانـك .. الفــين فــــارق

روعه اعجبتني كثيراً هذه الأبيات
وموزونه بشكل جميل
يعطيك العافيه

اختك
Last Lady

شمعة الجلاس · 05-11-2007, - 04:03 AM

آخر فارس

سلمت لهذه الاحرفــ الرائعه ..

بانتظار جديدك ..