بسم الله الرحمن الرحيم000
السلام عليكم ورحمة الله وبركاته000
000 وين أنت 000؟
يكبر قسى جرح السنين ويعنّي
رجل الحزين اللي على حد الإدراك
هذا أنا يوم أخلف الوقت ظنّي
الحزن حزني والسوايا سواياك
بكيت وأبكيت العيون وبكنّي
تعال شفني كل ماحان ذكراك
كم واحد ٍ جاني بعدك وسألني
شخبار من حبيت وأقفى وخلاك؟
وأصد والحزن الخفي ممتحنّي
إن قلت منهو قيل ماهوب يخفاك
قيل العوض قلت العوض ما شحنّي
والله لا هذا ولا ذا ولا ذاك
يا ما بعضهم مرني مافتنّي
يا جعل ماهم بالعوض في محياك
الله لا يجبر عزى من عذلنّي
ما جاه ماجاني ولا جاه ما جاك
واللي عذل ويقول ( لو ولوأنّي)
ياجعل يعشق واحد ٍ كنه إياك
مافيه شي ٍ في حياتي غبنّي
الا نهار أقفيت وأنا أسمع بكاك
الله من جرح ٍ قديم ٍ مكنّي
أمداك نزفه لكن إدواه ما أمداك
عليّ كم جار الزمان وطعنّي
أسمع صدى صوت المعاليق تنخاك
وين أنت؟ ياللي كل ماغبت كنّي
واقف على باب الأمل وأتحراك
ليتك تعرف تخون وأقول خنّي
على الأقل القى سبب وأتناساك
وليت الزمن فمحبتك ماخذلنّي
وليت الهجر من طيب خاطرك ورضاك
لو ان قربك والوصل بالتمنّي
ما غبت عن عيني كثر ما أتمناك
خايف يطول البعد وتسج منّي
وياخذ مكانك شخص ماهوب يسواك
وش عاد أسوي يومك أقفيت عنّي
لا أنا أتبع المقفي ولا حب فرقاك
0
0
0
000 حمدان المري 000
-----------------------
ت-ح-ي-ا-ت-ي
06-12-2007, - 02:18 AM 
وين أنت 000؟ 
