دانـاديـش...حتحـووت

حـتـحووت · #1 27-01-2008, - 03:04 PM

السلامووو

مساكم سوووكر

عسى كلن كويس بأسمه..؟!

احب اشارك معكم بداناديشي<<أحلى يامدندش لوووول

بس انتوا عطوا سداح فرصه^-^

وخلوكم مع هذا العدد صدقوني راح تنبسطو كثير

دندوشة العدد

ترحيب

هلا يا مرحبا والله.،،دناديش تخص دندوش..تغير اسمه بس عساه اليوم يرضينا

أنا لي مده محتاج أدور بالخلا لي هوش....لقيتك يابعد حيي,,وأنا ربعي على الدنيا

أنا ماني مريض حيل واظني صرت ماني خوش...عسى ربك يفرجها..يسنعّ...!

لغز محتحت

- وش وجه الشبه بين اللموزين والبانزين..؟

- كم رقم جوال او موبايلي بدون اسم في السوق..؟

- كم عمر الفراشة البيضاء الثلجية.؟!!

- كم عدد أسنان الدلفين..؟ لوووول

ونان مبلش الحارة

- البارحه ونيت من حرّ مابي...وانا بصراحه مافيني شي

الا أني تذكرت أكلت كبابي....في عز نومي والنوم مطفي

.....

- البارحة ونيت،،ونيت,,,ونيت...وازعجت جارن لي وسطرني اكفوف

تكفى ( يابودندش ) ترا حيل مليت...ودّي أون ابكيفي ابدون أي خفوف

<<< رد دوش....اسمع يالبناخي...اطلع ( بهالخليان) وون..

لين ماينفقع راسك...جعلك ماتعود..

مثل حتحوتي

- شايب ولا هوب تايب

- سوسه وسياسه

- شطرطون يامجنون

- قص الأظافر ولا رمي المناديل

- الحياة..ماهيب مثل الشرق الأوسط

- الثوب مايلبس عليه كرفته

- ماكل جوال نوكيا

- كلمني بالجوال ولاتضربني بنعال >>( محشومين)

- الزين زين لو قعد،،من منامه....والشين شين لو تغسل بصابون

حكمة حتحوووت

- حتحوت مايقرب للحوت..!

- جديدك،،،يفيدك.........لو القديم،،،أغواك

- ماكل جريده مفيدة

-التلفون مايعرف..ألو

- الماء البارد ماينظف المتروش

- الفرش ماهو بس للصاله

- حلاق يحلق حلاق

- طاقيه بميه..؟!

- صليت بحبابي صلاةٍ مودعه..وحطيت للشعار في الرز باميه

......

- ان جيت تفتح ظرف خايف تشقه...حاول بمشرط تفتح الظرف بشويش

......

- إذا انزكمت وخشتك سال سيله...صر بآخر المجلس وخل المعاميل

نكته على الطاير قديمك جديدك

- وحده خايفه على دجاجها من أنفلونزا الطيور

دهنته بفكس ها ها ها
......

- في عجوز ضايعة في البر،،طلع عليها ذيب قالت..

تكفى ياذيب لا تأكلني..قال الذيب ها ها ها

من قالك إني أكل نواشف ها ها ها
......

ـ فيه عجوز راحت تعزي ناس أتهي أتهي أتهي

في موت بنتهم اللي صوبها ولد الجيران وماتت..!

قالت العجوز : مع وين صوبها..؟! قالوا: مع جنبها..

قالت العجوز : زين..فك الله ( عويناتها..!!)
....

- في شايب سوى عملية تجميل...كل ماصحى بكى>>ليش.؟

يقول تأخرت على الروضة
.....

- واحد غبي يسأل خويه كم الساع

قاله عشر وعشر

قال الغبي..ياخي قل عشرين وخلصنا..
.......

- واحد غبي ( من إياهم) لبسوه قبع فوقه لمبه

قال: وش ذي اللمبه.؟ قالوا له : ذي إذا كذبت ولعت

فاهم...قال: فاهم...ولعت اللمبه

~..~..~..~..~

أقرأ حظك مع الفلكي حتحوت

برج المهفة<< تعني الطرطنقي او المروحه قديماً

مافيك حيله وفالك الفلافل

دايم حاط نفسك قدام نفسك بتحدي مصاب بالوهم بشكل واضح لك وللجميع

دايم تقول انا صاحب الفكرة الفلانية واللزمة الفلانية

كاعتراض على أشهر كلمة تتداول هذه الأيام وهي ( مافيك حيله) وفالك الفلافل

وتتكلم بهذه المعلومة بقناعة شخصية تامة قدام الجميع ولا انت بتستحي

نصيحتي....بأن تعود لحالتك الطبيعية وتكون واقعي أفضل لك وللجميع.

الشتا... مسوي سواياه فيك يعني عامل عمايله فيك

لذلك اللي مايعذرك في اللي تسوي (مافيه حيله) وهو اللي (فاله الفلافل)

وانت فالك المليوووون مافيك حيله>>>هــع

برج القواطي

جمع قوطي والقوطي<<تعني العلبة الاسطوانية والله العالم بالنية

(نطنطنه وثواره وأحد ويوم الأحد)

احوالك تشبه بالضبط لنطنطة كرة السلة في يدين حريف ومتعافي

جزء من سنينك ضاع وأنت ولا داري لسبب واحد لأنك ( ثورٍ) ادرع

ودايم تردد(ثور أدرع) لكل من تقابل ...ويذهب مباشرة وتقول شفتوا

اللي راح ثور ادرع...والحقيقة الثواره والدراعه براسك أيام الثلوث والربوع

لاتربطك بأي أحد حتى لو كان يوم الأحد نفسه

الورقه والكيرم والبلاستيشن والتلفزيون مايعنونك بأي شي

واللي يعنيك بالمقام الأوال وهو ( النمامه) لذلك انصحك بمقابلة احداها

لكي تبتعد عن هذه العادة السيئة الله لايسيئك.

برج ام أربع وأربعين

<< ام اربع وأربعين وهي امتداد لأم المشاكل والحماه>>>وهلم جرا

وينطبق عليها ماقاله الشاعر ( ولي عجوزٍ ماتفارق بابها..عجوز شمطا لارحم من جابها)إلخ إلخ إلخ

( فال خير...وخير ياطير)

اليوم: تعش حياة مستغرة قصدي مستقرة بس حبيت أكتبها بالسوداني...ماعلينا الموهيم اقوليك

الشتاء : بالنسبه لك عيد...لكثرة تراكم الشحوم في مناطق معينة بجسمك .

الريحه اللي مش ولابد ستختفي بهذا الفصل بالذات

لذالك أسع لطلب الوظيفة بدون أي حرج باختصار

الشتاء : فال خير عليك>>وخير ياطير اللي دايم تقولها باستمرار خلها عنك

الزواج : ماش في ذا الأيام ماهوب باين معك أي شيء يمكن لأنك غريب طبايع

لذلك راح تلاقي بسهولة من سوف تختارها شريكة لك>> ( من زين الطبايع تشرط)

مستقبلك : طلقها وألحقها الله يعينك.

برج أم سعد

ياخوي على كثر ماتعرف من عيال الشخصيات الهامة إلا انك ضايع بالطوشه

جودك لغيرك واذا صار لك حظك (ماش) يعني خرطي مايساعد على صعيد القلب

فأنت من الحب خالي ولا أنت يم أحد رغم (ملحك) أي وسامتك في هذا الأسبوع

هناك اتصال سيأتيك في منطقة مايوصل الارسال بشكل جيد وتفهم المكالمة خطأ

مع أنها بشرى بفوزك بأحد المسبقات التلفزونية وتطنش وتروح عليك الجائزه.!

نكتة حتحوتيه

سعودي يقول لزوجته : حرام اللبنانيات أكلتهم الحرب

لو كل واحد يتزوج وحده لبنانية...عشان بس ياخذ أجرها

قالت زوجته يارحوم رح عندك الصوماليات أأجر لكم..؟!

~..~..~..~..~

صعيدي يقول لحوطي : أبويه عنده عمارة خمسين دور.!

قال الحوطي : بالله وانا بعد أبويه عنده ناقة ارتفاعها خمسمية متر.!

قال الصعيدي : ويركب عليها إزاي.

قال الحوطي : من عمارة : أبوك..؟!

خلوهاااااا

- اذكر أني لابغيت الشيء جاني لابغيت.. أجذب العصفور من سابع سما لو ماحذفته
...
ـ أسهل حكي لاجاك وانت متمركي...كم طير هد،،،ولابقي غير سراح

.....

شريت لي معزا,,أبيهن حلايب...قرونها عكاف واذانها اطوال

بسبابهن شفت العنا والغلايب...ينخولن العقل والفكر نخوال

لا شافن القرطاس شوف العجايب...لو بالسما طاير مع الريح جوال

قامت تخيله قلبها منه ذايب...لاطاح جتلك تمظغه لو هو شوال

اذا سرحت ابهن يصيبك عقايب...تفرقن بالظلع شينات الازوال

ياكيف أحوالهن وانا اليوم شايب...عزي لمن مثلي على كل الاحوال

...........

حتحوت انا حصلت ناسٍ ملاقيف...عرابجه وقلوب ماهيب رحيمة

ياخذون المال لأجل المصاريف...ويكرهون اللي يسب العزيمة

واللي بعد يلبش طربوش تزييف...واللي يقول الثوب موضة قديمة

واللي يحب الجنز والشعر تصفيف...مصبوغ بالصبغات صبغه عظيمه

وانا تراني قلت ذولا عواصيف...صدقان ياحتحوت قومٍ سليمه

الجيل التالي مايعرف التواصيف...وكلٍ عطى درب العنا والظليمه

تكفى انتبه حتحوت من عقب ماشيف...لاتلبش الطربوش راع الجريمه

..........

- راحت حياة الشقا بوجي وكنداسه

العام يابو سعد هو ضيعة الطاسه

الشاص الأحمر بلاه القير وأتراسه

ودوه لم الوكاله وأصلحوا باسه

وإلى لفيت الوكيل فحب لي راسه

مدري من السلف وإلاسلك حساسه

ثم أفحص الزيت والماء وأعرف قياسه

ماطعتني ياولد والنفس وسواسه

قلت إتركوني...أنا الصايغ وهو ماسه

بين التشاليح عشر شهور عساسه

جابوا لك القير ثمن ضاع جلاسه

من عام الأول وحنّا ندرس دراسه

لا زان قيرك ولا ترسه ولا حاسه

يابو سعد صاحبك لاتكتم انفاسه

لو طعت شعور الفضل مالت عباسه

ياحادي العيش واتعاسه

~...~...~

يابو سعد كيف تبلشني ومن كيسي

واليوم شفنا نتايجكم مطاريسي

قم وأشقله فوق سطحات السناعيسي

لاشك شغل الوكاله بالمقاييسي

قل له ترا الشاص مايصمل بتطعيسي

وإلا من القير الأقشر والفوانيسي

صوت المكينه غدا مثل المراويسي

وأفكارك اللي تروجها برابيسي

ماني وأنا أبو سعد جاهل قرانيسي

لاقيل به قير مثله عند الادريسي

كشف القطع ماكفاه أربع كراريسي

أسعار وأقدار وأمسينا مفاليسي

إلا انت يوم انت طاوعت الهواجيسي

انفاسك اللي مع أفكارك محابيسي

ياجعفر اللي نصا صعب التضاريسي

ليت الحدا للبقر يا حادي العيسي

آخر الدنانيش

- لاصار جدك ماتركلك ملايين....مافيه داعي تشتري لك ضحيه

...
-البارحه ماغير أعد المصابيح...في كل شارع لين غابت نجومه
...

صاحبي بالمحرقه يوم شليله...يلقط العيدان وخياش القواطي

....
- دبه تحب الاكل وعيونها اصغار..يغار منها الشين واموت فيها

....
- ماكل مايتمنى المرء يدركهُ....تجري الدداسن بما لا تشتهي الطرقُ
...

- لاشفت حظك منسدح لاتوعيه...يقوم من نومه وينحاش مره
.....

- الفقس مايغني عن القبع بالبرد...والقبع مايغني عن الفقس مره
....

- القلب من شانك يقول آه ويلاه...والعين تبعد عن ابو ظبي (30)كيلو
....

- يقلون ليلى بالعراق مريضةٍ...وانا اقول نشميه تونون من البارح

مع تحايا ابو الحت

بس سؤال بريء قبل ماخلص

متى يصير رصيدي مليووون..؟!

اللي يجاوب عليه إذا صارعندي مليون عطيته نصه<< افلقني ان اعطاك

~.~.~.~.~.~

حبيت اشاركم بهذا الطرح بأسم حتحوووت حتى يفرجها الله..؟!

حتى يتدخل اخي العزيز الجوارح و يرجع لي اسمي اللي احبه حيل...

احب اسم غايـ الصوره ــم ياحبني له

>>> <<<

بس عسى دناديش دندوش عجبتكم

عسى البسمة دوم ترتسم على شفاتكم^-^

دمتم دوماً سالمين

مع باقات من الورود

غايـ الصوره ــم

حـتـحـوووت

flower · #2 27-01-2008, - 11:54 PM

هههههههههههههههههههههههههههههههه

ههههههههههههههههههههههههههههه

ههههههههههههههههههههههههه

بصراحة ياحتحوت

اقتباس


	~~دانـاديـش...حتحـووت~~

ابداع xابداع

<<<ميته ضحك واحلى حاجة

اقتباس

آخر الدنانيش

- لاصار جدك ماتركلك ملايين....مافيه داعي تشتري لك ضحيه

...
-البارحه ماغير أعد المصابيح...في كل شارع لين غابت نجومه
...

صاحبي بالمحرقه يوم شليله...يلقط العيدان وخياش القواطي

....
- دبه تحب الاكل وعيونها اصغار..يغار منها الشين واموت فيها

....
- ماكل مايتمنى المرء يدركهُ....تجري الدداسن بما لا تشتهي الطرقُ
...

- لاشفت حظك منسدح لاتوعيه...يقوم من نومه وينحاش مره
.....

- الفقس مايغني عن القبع بالبرد...والقبع مايغني عن الفقس مره
....

- القلب من شانك يقول آه ويلاه...والعين تبعد عن ابو ظبي (30)كيلو
....

- يقلون ليلى بالعراق مريضةٍ...وانا اقول نشميه تونون من البارح

<<بأنتظااااار العدد الثاني

حـتـحووت · #3 28-01-2008, - 01:33 PM

اقتباس


	هههههههههههههههههههههههههههههههه ههههههههههههههههههههههههههههه ههههههههههههههههههههههههه

دووووم هالضحكة يافلوووور

أهلا بروعة حضورك وضحاتك

وسهلاً بقلم استضي منه عبارات الجمال

يسلموووو على هيك مرور يفوح عطره

وربي ان مرورك مره تمام

اقتباس

بصراحة ياحتحوت

~~دانـاديـش...حتحـووت~~

ابداع xابداع

بصراح يافلور

ردك رائع

جمال x جمال

يسلموووو عليه

الله يخليك رفعتي من روحي المعنويه

العفو ومشكوره على ردك الحلووو

وربي انك بنت عصريه...تحبي تشربي الشاي عصريه>>> هع

اقتباس

<<<ميته ضحك واحلى حاجة

آخر الدنانيش

>>>> ميت من الفرحه واحلى حاجة

روعة حضورك وجمال نثرك هنا

تشكراااتي وربي يعطيك العافيه

تشرفيني دائم بردودك الجميله

وتضيئي صفحاتي بطلتك البهيه

دمت دوماً أبهى وأرقى

الله لايخلينا ولايحرمنا

من تواجدك الراقي

اطيب واعذب تحاياي

واحترامي الشديد لك

ودعواتي لك بالخير

وامنياتي لك بالسلام

اقتباس

<<بأنتظااااار العدد الثاني

>> اممممممممم جالس يحك خشته ^-^

العدد القادم لسى في المطبعة<< طع

بس المهم أقول مقتطفاااات منواا لووول

دانايش حتحووت

إقلاع

غيرووك وجيت غاير وانت غير..&..حسبي الله جيت غاير غيرّوك

تحسبنّك كل ماتقـفـز تطير..&..منت طاير علمّ اللي طيروّك..!

.............

ماطاح قرشٍ في يدينا قرشناه..&..دايم طفاري،،الله يجيرك ويامنك

البنك لولا لوحته ماعرفناه..&..من قل ماندخل على موظف البنك

.................

مسكين ياعقدٍ على عنق شينه..&..وجةٍ غبر دمّر وهج عقد الألماس

وين الهبيل اللي تبي تفتنينه..&...والله يالولا العقد لأقول عباس..!

~~~~~~~~~~

النشرة الحتحوتية

الجو هذه الأيام عادةً يكون

غايم إلى غايم جزئي

و بارد إلى بارد جزئي

والشاي من أسوأ المشروبات هذه الأيام إلا...

إذا كان ساخن..لأن الشاهي يتحتحت إلى داخل الجسم ونحن نرشفه صباح مساء

والجسم ينكمش (بالبروره) ويتمدد بالسخونه

و السخونه تحول الجسم الحار داخلياً إلى دافئ خارجياً.

المقصدود من ذا الكلام إذا طلبتوا شاي..اشربوه هنيئاً مريئاً بسرعه

عشان تستفيدون من مميزة شربه حاراً<< وإلا بتضيعوا على اجسامكم الفرصه << هع

واستفيدوا من شربه حاراً لتدفئه اجوائكم البارده الغايمه هذه الايام..!

واقترح عليكم بوضع دفايه في كل زاويه<< اخوص

بس دفيات اتيكيت<< لزوم التشخيص.^-^

نكمل بالعدد القادم النشره الحتحوتيه

نعطيكم نبذه مصغرة عن

أقرأ حضك مع الفلكي حتحوووت

برج التيس

كل شي فيك شين طبعك طولك وزنك ذوقك خشمك

وبصراحةجبت خشمك بجنب ذوقك...ليش؟!

لأني أحس أن فيه ترابط كبير يربط الشم والمتمثل بخشمك مع الذوق

والذي لايمت للذوق بصلة بس كل ما في الأمرأني

حسيت ثاني مرة ان الذوق قريب جداً جداً من التذوق.

المهم كل شي فيك شين حاول أن تراجع نفسك منا ومنا

( تحكحك) شف العيب وينهو فيه..

في الناس اللي يخلونك على جنب...او فيك..؟

يوم الخميس الجاي يحملك بعض من الدهشه

في جانب مهم من جوانب حياتك

جنوبك...تحتاج لتمارين لكي تكون أفضل مما هي عليه

خصوصاً منظرك وانت تمشي ومقفي

والدب>> اقصد اللبيب بالإشارة يفهم..!^-^

برج النبيطه

يوم السعد باليوم الذي تطلع فيه البيت رايح تجيب خبز

وفي السرا حق الخبز تسقط على واحد دب

ويعطيك كف (من السامع للدامع) أي المنطقة الكائنه مابين أذنك وعينك

ولاتدري الا وانت ( عاض الأرض) يعني تخرّ صريع

ويقوم واحد من الصافين بالطابور ويصب ماء بارد عليك وتقوم من ( الخرعة تهاتي)

أي من الخوف تقول كلام ماله معنى.!

نصيحتي أنك ماتقوله شي..اذكر الله فربما بعد هذه الحادثه يأتيك رزق من محسب له.!^-^

برج المركا

تتفاجأ عندما تصحى من النوم الصبح بنتفاخ عينك واحمرارها..!

والسبب انك نمت ولا غسلت عقب العشاء الدسم اللي أكلته البارحه

فنتج عن ذلك أنه ( دبا عليك دابي) أي مشى على وجهك حيوان ليلي صغير

وعلى أثر تلك المشوره حصل ماحصل من انتفاخ وتهيج بالعين..عموماً

ولايهمك كلها يوم أو يومين وترجع لحالتك الطبيعية

يوم سعدك الجمعه القادم إذا الله اعطاك طولة عمر

نصيحتي...قم بأستمرار بغسل يديك ووجهك بعد أي أكلة تأكلها مباشره

اتفقنا...اتفقنا>>>اوكي

برج الغضارة

( الظاهر) يعني اعتقد مو اجزم بأنك مصاب في ( عرق النساء)

هذا مرض الله يبعده عنا وعنكم...المهم على شان كذا

مشيك ماهوب متوازن...عليك بملقاط مصري قديم

حطه في (ضو) يعني نار...لين يصير أحمر

ثم ( أركه ) يعني حطه على ساقك لين يقووول تششششششششش

ومن ثم عاود الكرة ولكن في الساق الثاني من باب الاحتياط

( واحتجب) يعني أمنع نفسك عن أكل الدسم والرز(45)يوم

( وخلك) يعني استمر على أكل التمر واللبن فقط

(وستصقل) يعني تطيب من الأعراض المذكورة أعلاه

ويصير مافيك إلا العافيه..!^-^

برج ابو سعد

( انت من روس قوم) أي من عائلة محترمة معروفة

وانت العميد بها مع انك موظف عسكري ورتبتك عريف

ومامعك شهادة بس والله ونعم المراجل

ماهيب دراسة ثانياً ومن عندي يسلم عليك الوالده والإخوان

وانا يعني مانقول الا الحمد لله وبس>>>أؤؤؤ عفواً عفواً

نسيت أثاري الدعوى أبراج ماهيب رسالة..!

عموماً...حظك ماشي يوم لك ويوم عليك

هناك ترقيه بالطريق ..إليك الله يعينك على ( الذبايح) أي المفاطيح

ذي ترقيه>>> يعني العيد فيك فيك.!^-^

~~~~~~~~~~

وسلامتك جوارحي الغالين

>> الى عدد آخر نشوفكم على خير >>> لاداعي للتصفيق

يغادر مبتسماً^-^ ملوحاً بيده الكريمه

لكم ودي مع باقة وردي

ابو الحت

oJgJl pJlc · #4 29-01-2008, - 12:19 AM

غايم الصورة
والله لو قعدت أقتبس <--<< من إقتباس ^ـ^
من الحين لين بكرة ما راح أخلص
الله يعطيك 1000 1000 1000 عآافيـة
على داناديش حتوت بما فيها ^ـ^ ( كل المحتويات )
بإنتظآار العدد الثالـث & إن شاء الله يكون من غايم ^ـ*
( اشوفك تأقلمت مع النك الجديد lolz )
لحينها لك جزيل الشكر ووافر التقدير
لآا عـــــــــدمنآاـك

غايـ الصوره ــم · #5 01-02-2008, - 02:38 AM

~...~...~

اقتباس


	غايم الصورة

مين..؟! عالم الوله اهلين وسهلين ومراااحب يالله حيووو ولكمووو ^_^

اقتباس

والله لو قعدت أقتبس <--<< من إقتباس ^ـ^
من الحين لين بكرة ما راح أخلص

والله لو جلست أشكرك عام ماراح أخلص لوووول

و لو اجلس امدحكم من الليله لحول الليله

تجز الأقلام عن خط الحروف ويعجز اللسان

اقتباس

الله يعطيك 1000 1000 1000 عآافيـة
على داناديش حتوت بما فيها ^ـ^ ( كل المحتويات )

يسلموووو علمووووو

طعش الف مرسي ع هالطله

ولك تأبرني على هيك حكي

وتدفداك كل المحتويات بما فيها حتوت ذات نفسه

بس وشرايك في دنانيش ماهيب بتهبل

اقتباس

بإنتظآار العدد الثالـث & إن شاء الله يكون من غايم ^ـ*

نحاول في القريب العاجل ان سمحت المطبعة اقصد الظروف>>طع^-^

وانشاءالله يكون من غايم..بس العدد الثالث راح يكون بفلوووووس>>هع ^-*

اقتباس

( اشوفك تأقلمت مع النك الجديد lolz )

تقدر تقول من كثر الفضاوة تأقلمت وتقمصت شخصية ابو الحت حتحوووت لووولز

اقتباس

لحينها لك جزيل الشكر ووافر التقدير

شكريااات الله يخليك ويعطيك العافيه

شرفتني واسعدتني بمرورك وتعليقك

مرسي أوي خالص ^-^

~~دانـاديـش...حتحـووت~~

مجلس الفرفشه والترفيه

دانـاديـش...حتحـووت