اخواني واخواتي أعزائي أعضاء وزوار هذا المنتدى المرموق


اشكركم على زيارة موضوعي والذي كما يقال الكتاب من عنوانة


وموضوعي عن حملة تدعم أحد شعراء المليون الذين أمتعونا في تصفيات شاعر المليون


شاعر صغير السن ... أبهر لجنة التحكيم بقصيدتة التي ألقاها امامهم في التصفيات




اترككم مع قصيدته التي شارك بها في البرنامج والتي تدل على شاعرية فذة



الشعر ميدان الفكر وانا معي هاجس أصيل ..
لا من دعيته قال لي عونك ولا هو يحتري


حاضر معي حسب الطلب في ليل ولا في مقيل ..
مسحوب ولا هيجنه ولا على طرق اصخري


وأحيان أغنيها حدا ولا على البحر الطويل ..
واقول واغرف من بحر ماني بشاعر مفتري

والشاعر الي يعتبر مبدع من الوزن الثقيل ..
لازم بنات أفكاره توصلّه نجم المشتري


يبقى أبو الطيب هو الأستاذ والأب الجليل ..
لكن رغم ما قلت ما نجهل مكان البحتري


ساحة وكل شاعر بها ماشي وناهج له سبيل ..
أحدٍ بها يزحف وأحد تجري هواجيسه جري


وشعّارها واجد تلاقي الجزل وتلاقي الهزيل ..
وتلاقي اللي من ورى قرشين صار العبقري


والطيّب تلاقيه لكن معدنه دايم قليل ..
ثابت على مبداه لو وقته برى حاله بري


الشعر بعضه كالشهد حالي على سمعك يسيل ..
وبه شعر مدري هذر حاجات ماهي تنطري


والطيّبة خيّالها باعه يجي دايم طويل ..
ماهو بمثل اللي يعاصرها ويهريها هري


ولا أنت ياللي سيرتك نكهة زباد وزنجبيل ..
وليا كتبتك ع الورق ينبت خزام وبختري



يا كثر ما مده بكفي لك وكفك لي بخيل ..
ويا كثر ماتذنب بي عيونك وانا شوفك بري



ويا كثر ما أحبك ولعيونك يهون المستحيل ..
ويا كثر ما خطّيت لك أحلى الشعر في دفتري


أن مال غصنك من غنج قلبي من اللوعه يميل ..
وأن هبت النسمة عباتك غاب سمعي وابصري


وليا أبتسم ثغرك وشفت اللول غطى السلسبيل ..
ناديت لك يالله عساني فدوة الغض الطري



الشاعر:عامر بن عمرو


وهذه بعض التواقيع التي ستساهم في نجاح هذه الحملة


وأرجو من الاخوان وضعها كتواقيع لديكم في المنتديات الأخرى ومنتداكم الموقر











اخيكم: أبو هزاع