شبـــــــــــــاك العتـــــــــب

البعد شباك الــــــــعتب والمشارية
والوصــل عــزٍ للــــغرام وضمانه

والليل وشـــــباك اللقاء يوم نطريه
يهون على القلب الصويب امتحانه

والحب لو صيطر على قلب راعيه
ارســـل مـــع داعــي الحبايب امانه

والحب لو خافي تبيــــــــن مواريه
يفـــضح خـــفا راعــيه زلت لسانه

الصاحب اللي في الحنــايا حراويه
يبــعد وأنا اقـــــول الحـــنايا مكانه

في غيبته كل الطــــواري طواريه
ومن الغــــلا كــل القــصايد عشانه

اليا حكا اطمع هـــروج الــغلا فيه
واليا ســكــت عـــز الحـيا والرزانه

الـــله يا قــــده ذبــــحني تثـــــنيه
وش لون لو يدري البرد عن ثمانه

العــشـــق عشـقــه والــيالي لياليه
وأنا حبيـــبه والغــــلا ذا زمـــــانه

قــــولوا لــمن حاول بزينه يماريه
يـرتــاح مـــا خلا اريش العين خانه

الوصل شــباك الرضـــــا يوم نبقيه
والبعـــــــد ذلٍ للـــغـــــرام ومهانه