ليت الـهـوى صــدّ عــنّـي وراح
وليتني قـفّـيـت يـوم انـه دعــــــــاني
عاد فيني الجرح من بعد ما راح
خلاّ القلب تعبان على طول هيماني
مرّت علي يومين وانا كلّي جراح
دايم اهـوجس واقعد الليل وحــداني
راحت ثلاثه شهور أنا كنت مرتاح
واليوم عاد الهوى من صوب ريّاني
يومٍ أنـام الليل وانـا كـلّي أفــــــراح
ويــومٍ أنــام الليل من حــرّ ما جاني
ليتك تصارحني اليوم يـــا صـاح
إن كنت لـي ولاّ معك واحـدٍ ثـــاني
إن كنت بي مغرم فطبعي دوم سوّاح
وأعانق البسمه ولـو ألبس أكفــاني
وإن كان في واحدٍ معه انت مرتاح
الله يسعدكم وأرجــوك انســــــاني

ياوساع الأرض ياضيق الصدر
ياسوالف ليل في وقت السحر
يامغيب الشمس ياظل الشجر
يارياح الخير ياعقد انتثر
يانهار انزاح من بعد العصر
ياحبيب راح يادمع انهمر
من يلوم القلب لو منه اعتصر
من يلوم العين من كثر السهر
عن وصالك شوف خاواني الهجر
وعن كلامك صار يكفيني النظر
من بعادك صار حالي مايسر
ولا ذكرتك بات يكويني القهر
كنت لي بالذات عن مد البصر
كنت في أوقات أسميك الزهر
كنت ياريان للقلب النظر
كنت لي عنوان في نصف الشهر
ياسحابة ليل يملاها الضجر
منك مامليت لو هل المطر
‏(رأفت حوباني)