السلام عليم ورحمة الله وبركاته
واعتذر عن الغيبه ولاكن الضورف احيان تكون اصعب
من الشخص بس صدقوني غيب وقلبي معكم يالجورح
والحين جايبلكم قصيده علي ذوقي ويارب تعجبكم
وبه نستعين
صعبه اعيش ايام عمري بلياك
وانت الحياة بدون شوفك كآبه
تعال خذني لاخر حدود دنياك
مليت اقاسي من زماني عذابه !!
حاولت لكن ما تحملت فرقاك
بـُـعدك عذاب وفي حضورك مهابه !
للشوق فيني شي لا ماعتقد جاك
حوّل حياتي للملل والرتابه
أوقات اشوف ان الغلا ما تعداك
واحيان احس ان الهوى للغلابه !!
بين المحال وبين خافي نواياك
حار السؤال ولا لقيت الاجابة !!
كانك تقول هموم وقتك تقفاك
وش حيلة اللي صار همه زهابه
يطرد سرابك في متاهات رجواك
نفس الطريق اللي مشيته مشابه
قلب ٍ يحبك كيف يسلا وينساك
ماللفضاء لو شفت دونك رحابه
خليتني عايش على حد الادراك
مثل الجريح اللي تمادى صوابه
ماحد ٍ ملأ عيني من الناس لولاك
في غيبتك كل الاوادم تشابه
هذا الشعور اللي من اقصاي ينخاك
يبي القليل وما عطيته رضابه
كل القصايد داخلي همها ارضاك
حبك مدادي لا بغيت الكتابه
أجيك كلي يوم كلي فداياك
كلش يهون الا الحبيب وغيابه
رد الوفاء والحب للي تمناك
قفـّـى العمر واحلى ليالي شبابه
جاتك مشاعر مالها غير شرواك
دامك ملكت الروح وين الغرابه !!
تحياتي
فهد العجمي
15-04-2008, - 08:46 PM 
وانت الحياة بدون شوفك كآبه 
المواضيع المتشابهه للموضوع: وانت الحياة بدون شوفك كآبه 
