ادخل و شوف الفضيحه اللى عملتها نوكيا

السلام عليكم و رحمته الله و بركاته


ازهلتنى شركه نوكيا بهاتفها الجديد ذو التصميم الرائع 5310 اكسبريس ميوزك

و تقريبا دى الحاجه الوحيده الجيده فى هذا الجهاز

و بعد ما بدات استخدم الجهاز و للاسف وجدت كم من العيوب ازهلتنى و خلتنى

اكتب الموضوع دا و اقول ان التليفون دا فضيحه بكل المقاييس

تعالوا نشوف مع بعض انا ليه بقول كده : .


1- صوت التليفون فى النغمات او الرنات ضعيففففف للغايه يكاد يكون غير مسموع يعنى اقديها فيبريشن


2-بالتالى الاسبيكر ملهوش لزمه و عن تجربه واطى جدااا يعنى مش هتسمع اللى لو حطيت الاسبيكر على ودنك يعنى هى هى


3-لو سجلت الاسماء على الزاكره بتاعت الجهاز الاسماء مش هتظهر كلها لازم تسجلها بس على الشريحه و دا عن تجربه يعنى لو حد اتصل يظهر الرقم بس و لما رحت التوكيل قالى الجهاز كده و بلاش تحط الارقام ع الجهاز خليها ع الشريحه هههههه و الله فضيحه


4- الكاميرا و ما ادراك ما الكاميرا التصوير الثابت بعض لما تلتقط الصوره اعد على جنب لحد ما تخلص تحميل بتطول جداااااا و الصوره و حشه جدا و الله العظيم ال 5300 اللى هى 1.3 ميجا انضف بكتير
اما الفيديو دا مش تصوير اساسا زى الزفت وحش جدا ولا اكنه فيجا مش 2 ميجا بكسل


5-مشاكل فى السوفت وير يعنى مثلا لما اجى اعلى الصوت او اوطى من المفاتيح كتير ميشتغلش و يهنج و ساعات يدينى سليب اوف يعنى شاشه سودا
مع انى انا لاغى الخاصيه دى


عل فكره انا التليفون دا اليوم السابع ليه معايا وودى كل العيوب اللى قابلتنى بمنتهى الامانه و حبيت اذكرها لاعضاء الموقع الكرام و انا على نفسى هبيعه بس هفكر الاول اجيب ايه بداله فى حدود 1300ج
و طبعا انتظر رايكم ولو حد معاه الجهاز يخش و يقولى ايه رايه فى اللى انا بقوله دا و ارجو المشاركه فى هذا الموضوع وشكرا لكم جزيلا