مشكووووووره اخت بنت زايد

وفي انتظار الجزء الثاني

بس لا تتاخرين علينا

تقبلي تحياتي

اخوك
فز الخفوق

السلام عليكم ورحمة الله وبركاته


شو الضاهر مستعجلين على القصه فالكم طيب ومن عنوني ازين عيل سمعو شو استوا ويا الربع
lilil ـــــــــــــــــ الصدفة العجيبة ــــــــــــــــــــــــlil


وتمر الايام والشهور وظبيه بعدها اتشوف الشريط وتتذكر سعيد الرميثي في كل لحظه.. ماكانت تقدر تنام لين ماتشوف الشريط وحفظت شكل سعيد.. ... ... وتمر الليالي ويهل عليهم العيد
سلامه: ظبيوه خلصي بسرعه.. ابويه وحميد وخليفه بيون الحين من الصلاة وانتي بعدج ..
ظبيه: صبري......ها.. خلصت شوه بلاج كنت اتعدل..
أم ظبيه: سلامه .. سلامه .
سلامه : لبيه امايه ..
الام: ظبيه ليش فاجه شعرج الحرمات بياكلونج وبيضربونج بعين..روحي لفيه...
ظبيه: حرام عليج امايه .. امس بت عند الافراح اعدل شعريه واتكشخ والحين تقول لي لفيه ..
الام: لا حوووووول.... بس لاتظهرين جدام الحرمات بشعرج ............
...
يلست ظبيه اطرش مسجات حق ربيعاتها واتصلت بها فطوم وقالت لها انها بتيها البيت .. وراحت عند امها في الميالس ..و كانت امها ماسكه المدخن تتدخن .....و قالت حق امها ان فطوم بتيها
ظبيه: امايه عطيني المدخن بتدخن ريحة عودكم حلووووه .........
ام ظبيه: ظبيوه عقب ما تتدخنين وديه صوب الممر وخليه هناك ايفوح عالريايل اول حدرتهم..
ظبيه: ان شاء الله امايه ..
وراحت ظبيه و حطت المدخن عالطاوله في الممر .وفجأة سمعت صوت حد يقول ..هوود .... هووود.. ويوم لفت ويها وقف قلبها يوم شافت الي رمس ...... كان سعيد الرميثي و من الصدمه ما عرفت شوه اتسوي و نست انها بلا شيله و عباه ...... طاحت عينها في عينه.. وتصنم الريال من حلاتها .. ما كان ايريد ايشوفها بس ما قدر ينزل عينه من حلاتها.. فجاه ربعت ظبيه وسعيد ايطالعها و يشوف شعرها وراها كان فخاطره ان يمسك شعرها .... حس ان عيونها فيهن شي غريب ... بعدين دخلت عليه امها و رحبت به وقربتبه في الميلس .
ظبيه :سلالالالالالالالامه .... سلالالالامه ..
سلامه : هاا بلاج ..
ظبيه: بلاني .. لحقيني .. سعيد الرميثي في بيتنا .
سلامه: منوه سعيد هذا بعد ..؟؟
ظبيه: اللي شفناه في الشريط مال عرس سويحاان..
سلامه:.. قولي و الله ... هذا كيف ياااااااا بيتنا .....
ظبيه: ما ادري... والله اني ما اعرف ما ادري ..... بس و الله انصدمت يوم شفته
سلامه: ظبيوه .... بس لايكون شافج؟
ظبيه : لالا ما شافني ....... بروح اتصل بفطوم.
جذبت ظبيه ع اختها وماقالت لها ان شافها سعيد ما عرفت ليش بس حست انه احسن ان سلامه ما اتعرف ...... اتصلت بفطووم وخبرتها كل السااالفه ........
طلع سعيد من بيت ظبيه.. وهو يفكر بالغزال اللي شافه ..... مب امصدق انه في انسانه ممكن اتكون حلوه لهدرجه ... ما قدر سعيد ينام ذاك اليوم ..... كل ما اتخر عينه يتذكر ظبيه و حلاتها لدرجة انه صار يتخيل انه يلمس ويها ..... يلمس شعرهاااااا .... حاول انه يتخيل غزالة احلامه و هي تظحك ..... و هي ترمس ...... و هي نايمه ......


lilililiــــــــــــــــ آآآآآآآه يا علي ــــــــــــــــlilili

في المركز الدولي في العين..الشباب متيمعين هناك...
علي : هلا بو عسكور وين محد يشوفك؟؟..
سعيد: والله الا في الدار ............. انته عولمك..؟؟
علي: تمام .. هاااه شبلاك ..؟ تعبان .. .؟
سعيد: آااااااااااااه.. يا علي لو تدري بحالي جان عذرتنيه ..
علي : رب ما شر بو عسكور..
سعيد:

بان الفجر واسفر علي ساهر الليل..
وأنا الذي من طل ليلي أعاني..
كله سبب سود العيون المظاليل..
ذاك الغزال إللي وداده شجاني..
فزيت له واقف على حسن تدليل..
وصغيت القوافي ثابته من زماني..
عيني يشوق لها حسين التعازيل..
اللي كساه الزين بين الغواني..
خده كما البراق لو جابع بشيل..
والعنق عنق اليافلي الدماني..
والعين تعشق فايج الزين وتميل ..
ع ما يحب القلب في كل شاني...
والشعر طايح على المتن ويميل..
يسعدك شوفه بالصدفه لو ثواني..

………………آااااه ياعلي..
علي: أفاااااا و الله يا بوعسكور ........... من ورايه..؟
سعيد: والله ياعلي من يوم شفتها وأنا ميت عليها ...
وهذا بعد الا جزا وبعدين احطلك الباقي



______________________________بنت زايد_______________________________

مشكوووووره بنت زايد

بصراحه اعجبني ابيات الشعر اللي يقول

بان الفجر واسفر علي ساهر الليل..
وأنا الذي من طل ليلي أعاني..
كله سبب سود العيون المظاليل..
ذاك الغزال إللي وداده شجاني..
فزيت له واقف على حسن تدليل..
وصغيت القوافي ثابته من زماني..
عيني يشوق لها حسين التعازيل..
اللي كساه الزين بين الغواني..
خده كما البراق لو جابع بشيل..
والعنق عنق اليافلي الدماني..
والعين تعشق فايج الزين وتميل ..
ع ما يحب القلب في كل شاني...
والشعر طايح على المتن ويميل..
يسعدك شوفه بالصدفه لو ثواني..


تراك شوقتينى اكثر واكثر

لا طولين علينا

تقبلي خالص تحياتي

مشكووووووووووووووووووووووووووره بنت زايد ويعطيك الف عااااااااااااافيه

والله زي ما قلت اول المفروض اعضاء المنتدى يرشحونك كاتبه للمسلسل

((((((الجوووووووووووووووووارح)))))))


ولك تحياااااااااااااااااااااااااااااااااتي

الله يســــــــــــــــــــــــــــــــــــــــــــــــ ـــــــــــــامحج ليش ماكملتيه
مافيني صبر والله...الله يهديج..بس
يالله عيوني كمليه في اقرب وقت دخيـــــــــــــــــــلج حياتي
لاني ما اروم اصبر والله
يالله بااااااااااااي