ليه عاوزين تسيبوا البلد ديه ؟!!! -

الاستاذ · 11-06-2008, - 11:54 AM

ليه عايزين تسيبو البلد دية

ما الحياة أهي وردية
إيه يعنى الأسعار زايدة شوية
ما انت بتقبض المهية
وبتصرف كتير وتلاقيها زى ماهى
أهي ناس ناكرة للجميل
ما الحياة أهي وردية
وكله ماشى بالأقساط
ثلاجة غسالة موبايلات
حتى اللحاف والبطانية
ماهى الحياة أهي وردية
والشباب ع القهوة شغالة
واللى بتجرى وراه الإزالة
حاجة حلوة مش رزالة
والناس بقت فى حالة
كله بيعض فى كله ولاد عم ولا خالة
ماهى الحياة أهي وردية
ناس بتاكل بسكوت
وناس من الجوع بتموت
واهى عيشة وتفوت
وناس عايشة يادوب بالعافية
وناس رجليها ورمت وحافية
وناس بردو راكبة أوكتافيا
هى دى الحياة
هو ده المحتوى
ناس تاكل البلح
وناس تظلط النوى
وناس عايشة عالحضيض
وناس عالية ومستوى
وناس مش لاقية الرغيف
عايشة يومها عالرصيف
مش لاقية للفقر تصريف
حياة نكدية
بس بردو أهي وردية
اللى خلى بعرور يركب هامر
وشعبولا يسافر أمريكا والمجر
متلومش على اللى ذاكر ونجح بعد السهر
قاعد على القهاوى
ونفوخه انفجر
ماهى الحياة أهى وردية
هيشيلوالدعم يا ناس
حتى على القلقاس
طيب واللى ماسك الفاس
هياكل منين يا بشرية
ماهى الحياة أهي وردية
والدم ملوث بفيرس سى
وكل الناس بتنقل فيه
الحق مع المظلوم ولا الحق عليه
بس بردو الحياة وردية
والتشرد مالى الشوارع
اللى صايع واللى ضايع
واللى للقضية بايع
ماهى الحياة اهه وردية
والصين مظبطانا فى كل مكان
لعب اطفال وهدوم ولبان
خايفين يجي علينا يوم
يصدرولنا كمان جيل من الانسان
ماهى الحياة أهي وردية
الشعب ملوش تفكير
غير فى الحشيش وكلنا عايزين صورة
ولو يوم حصل تغير قال بيفكرو فى الكورة
والسياسة لناسها ياعالم يا ذكية
ما الحياة أهي وردية
وافران العيش هيلغوها
هما صحيح هيلغوها
ولا الغلة خلاص كلوها
وتاكلو اللحم ياناس
والعضام ترموها
الله عليكى يا مصر
استنى علينا شوية
يا ام الدنيايا زهرية
ياللى الحياة فيكى وردية

لؤلؤة المغرب · 11-06-2008, - 10:02 PM

يعطيك العافيه

دمت ودام تالقك

با نتظار جديدك

شـكــ وبارك الله فيك ـــرا لك ... لك مني أجمل تحية .

البعد___كاااافر · 11-06-2008, - 10:23 PM

أخي الكريم_
خاطره ممزوجه
بالشقى والتعب
جميل جدا ماخطته أناملك _ألف شكر_

شـ بنت ـيوخ · 08-08-2008, - 04:28 PM

الرائع الاستاذ
شـكــ وبارك الله فيك ـــرا لك ... لك مني أجمل تحية .

يعطيك الف عافيه خاطره رائعه جدا جدا
صدقت ( صح لسانك) واصل الابداع دمت بخير

موفق بإذن الله ... لك مني أجمل تحية .