هذي قصة فتاة اجبرها والدها علي الزواج من شاب لاتحبه ولاتقبله كزوج لها فحاولت بشتي الطرق ولكن اصر الاب علي موقفه وحدد موعد الزواج فما من الفتاة الا نظمت هذه القصيدة كمحاولة اخيره

[align=center]
يابوي خلوني علي كيفي اختار *** يابوي هذا العرس مابه غصيبه
يابوي لاترمون قلبي علي النار *** وتصير بكره ياجماعه مصيبه
يابوي انا اللي عارفه كل الاسرار *** قلبي وانا ادري في دواه وطبيبه
يابوي انا مليت من كثر الاشوار *** والموت من شور القريب لقريبه
يبه00يامكرم الضيف والجار *** ياسيدي يا تاج قلبي حبيبه
لو شفت دمعي تالي الليل مدرار***النوم حاربني وانا له حاريبه
في خاطري هم وهواجيس وافكار*** ماجابت الورقا من النوح اجيبه
الله يعين اللي من الهم محتار *** اعيش في دنياي مثل الغريبه
الحلم الاول مات يابوي وانهار *** ذبحت حلمي ليه والله عجيبه
يابوي زاد الهم ضاقت بي الدار *** صارت حياتي ياحياتي صعيبه
وش عاد لو في غرفتي ورد وازهار ***اشوفها يابوي مثلي كئيبه
ياتاج راسي لاتحملني اوزار *** تكفا طلبت لا تزيدالمصيبه

[/align]

ويقال ان ابيها لما سمع القصيده تاثر ورجع عن موقفه السابق
واخيرا اتمني من كل اب لديه فتاة ان يخاف الله فيها وان لا يرتكب خطاء في اجبارها علي عريس وديننا الاسلامي اعطاء الحرية في اختيار بمن ترغب ونهي عن اجبارها ولكم تحياتي