.. أصدق هواوي ..
تركتـك والهـوى .. لاني أخــافه
أخاف انّي أكون اصدق هـواوي
أنا لا من عشقت اعشق كــلافه
أسوق الرجل واتعب هالخطاوي
صغير السّنّ .. تتْـعبـك المســافه
وانا دربي .. طـويل ومانْت قاوي
انا بالعـمْـر .. عــدّيت انتـصــافه
وغصن العمْـر .. بالخبرات راوي
يحبك قلبي والنبـض اعــترافه
ولا يخفى عليــك .. الحــال ذاوي
ظهـر حبّـك عليْ .. والكلّ شــافه
ولا ودّي أجـرجـر لك .. بلاوي
عليــك آخـاف من هـرج اللقــافه
وانا ادْري تزْعجـك ذيك الحكـاوي
رقيـق احساس .. مفعم باللطافه
يذوّبك الحكي .. وطبـعك حيـاوي
وانـا .. عقلي مَعَ قلبي .. خــلافه
أحد صادق معك .. والثـاني غاوي
بياض الصدق .. معْ زُرْقة خرافه
وانا احْساسي مَعَك لونه سماوي
كتــابي .. ما قـريت الاّ غـــلافـه
وشعري .. ما وصل حـدّ الهقـاوي
بسافر .. واتركـك .. واللي أخـافه
أخاف اني اكون .. أكذب هواوي
أصدق هواوي .. 
