صـرة البـاب..روعـة بكل ماتعني الكلمة.. -

شاطئ غروب · 08-07-2008, - 01:48 PM

للحزن في صـوت المحبيـن نبـره
ونـة خفـوق كنهـا صـرة البـاب
لو ينفع المحـزون وجـده وصبـره
ما كان ساق الرجل في ركب الاغراب
على الرجا اللي مابقـى فيـه دبـره
ولا عاد تنفع بـه معاذيـر وعتـاب
قلبي يـرده عـن مشاهيـه كبـره
والناس واجد لكـن الولـف غـلاب
طاح الجمل من وجـد قلبـه بكبـره
وحول كما دمع على الخـد سكـاب
يحـن والـي قالـه القلـب عبـره
عبرة تحاسيف علـى غايـب غـاب
قلب ماباقـي بـه ولا شكـة ابـره
تكسرت في داخلـه شلـف وحـراب
من لا يعرفه ما قرى نـزف حبـره
لو كان نزفه مـن معاليقـه كتـاب
ما لوم أنا اللي جاهـل مـا يخبـره
ألوم من روحي تطاير لـه أسـراب
ياصاحبـي ياكسـر قلبـي وجبـره
من غيبتك ماعـاد للقلـب غيـاب !
شفني حفرت لدامـي القلـب قبـره
واقفيت وا لد النظر صـوب الاحبـاب
تعال ..شاب القلب من طول صبـره
تشوف جرحك داخل القلـب ماطـاب
وان كان ما سدك عن الحال عبـره
بالله لا قفيـت .. لا تقفـل الـبـاب

للشاعـر/سالـم الرويـس

شـ بنت ـيوخ · 09-07-2008, - 02:53 AM

اخي الفاضل شاطئ غروب

قصيده رائعه وابيات تحكي وتوصف مشاعرسلمت اناملك على النقل
يعطيك الف عافيه على القصيده ننتظر جديدك بفارغ الصبر

دمت بخير ودام عطائك وتالقك لا عدمناك تقديري

شاطئ غروب · 09-07-2008, - 06:25 AM

بنت الشيـوخ

لتواجدك هنا ضياء لايضاهيـه سوى البدر في تمامـه

ولوجودك عطر حضور لايضاهيه سوى شذى الزهور مع صبح النـدى

لاعدكت حضورك

خالص التحايا

futureman · 12-07-2008, - 01:39 AM

اقتباس:


	تعال ..شاب القلب من طول صبـره

اقتباس:


	تشوف جرحك داخل القلـب ماطـاب وان كان ما سدك عن الحال عبـره بالله لا قفيـت .. لا تقفـل الـبـاب

صح لسان الشاعر

ولا شلت يمين الناقل

ابيات رائعة وكلمات جميلة

وخصوصا اللي قبل الأخير

يعطيك العافية على النقل الرائع

البعد___كاااافر · 25-07-2008, - 07:34 AM

شاطئ غروب
سلمت اناملك على النقل الرائع

ننتظر المزيد من الابداااع.
: