احلى خطيب في الدنيا ((لو فاتتكم ماني مسؤول))

واحد راح يخطب!!! وبس
أجمل اللحظات اللتي تكون عند رؤية الخطيبه لأول مره كي تتمقل في جمالها وتشوف هي حرمتةً سنعه ولامش شمخك...

يماااااه.... كلمي ام فلان وقوليلها أبجي اشوف بنتهم اليوم، كان ذلك بداية النهاية لقصتي المؤلمة...

زهمت عليهم الوالده وردت البنت وانا ملصق اذني في السماعه عشان اعرف صوتها هو حلو ولا شين، لأن المعروف ان البنت اللي صوتها زين تصبح من القبيحات والبنت اللي صوتها يلهلب تكون حسنة المنظر جميلة المحيا وشعرها ناعم (وش دخلها ذي).... فما كان من الوالده إلا وهي تمسك بجهاز التلفون وتمحطه على علباي لكي اغدو في حال سبيلي... مشيت في الصاله وانا أرفس علبة المناديل واللتي كانت احدى هواياتي... جاءت إليّ أمي لتزف لي بشرى قبول اهل البنت مبدئياً... فرحت بالخبر وانتظرت اليوم الموعود لمقابلتها وانا انشد نحمد الله جت على ماتمنى...

ذهبت الى صالون الحلاقه وقلت له: توظيب كامل الله لا يهينك.. ومن ثم جاءت امي بالطيب والبخور والبشت المرفع (حق الوالد) ومن ثم قريت المعوذات وآية الكرسي ورحت لبيت ابو نسب كي اشوف وانشاف... رنيت الجرس ففتح لي الأخ الاصغر للبنت وكانت تبدو علامة البراءه على خشته وما إن رآني قال لي من انت يبو خشم، فقلت له عيب يابابا أنا بصير زوج اختك، وما ان قلت له هذه الكلمات اللتي نزلت عليه مثل الصواعق اللي تجي في الطايف حتى ذهب الى الداخل المنزل واسمعه يصيح ويقول: ماوالله اختي تاخذ ابو خشم...

فكرت في ذا البزقه اللي فضحنا لابارك الله فيه، فقلت ابروح للبيت واجيهم بكره على أساس اني انشغلت وما قدرت أمرهم وبالتالي ابو خشم ليس أنا الذي مريتهم، وما إن عطيت الباب ظهري وادخلت مفتاح السياره لكي أفتح الباب واذا بالباب يمسك يدي ويقول مين الأخ ؟
فقلت له وبصوت يملأه الحزن أنا الخطيب

استقبلني خير استقبال وأجلسني في الصالة وكانت كبيره نوعا ما وأخذ يقرق علي ويسألني يمنه ويسره عن دراستي وعن مؤهلاتي وانا اتصبب عرقاً حتى بدا الخياس يتطاير مني، وانا في هذي الحاله يدخل علينا البزر ويقول بصوت يسمعه القاصي والداني وهو يطلع لسانه: يبو خشم منتاب ماخذن اختي، إلتفت الى الاب وقلت له: ركد ولدكم الله ياخذك انت وياه

فقال له والضحكه تملأ فم الأب اذهب يابني اصلحك الله فقلت له تباً"بل سحقاً" لتربية هذا الغلام (كني شطحت شوي) فذهب الاب ونادى للبنت فدخلت علي وكلها استحياء وأنا انظر الى الأرض وارسم دواوير بأصبح رجلي الكبير كعلامه على أنني خجول، فجسلت بجواري وكانت تضع المساحيق مايكفي لصنع كعكه متوسطة الحجم، اردفت أقول لها كيف حالك، اجابت بصوتها الدافيء: بخير الله يسلمك وقعت من على الكنب حين سمعت صوتها حيث اني مازد سمعت صوت بنت على الطبيعه لا وبجواري بعد من زين الطبايع

نهضت من على الارض وقلت لها اسمعي يابنت حواء، انا اريد بنتاً تهتم فيني وتأكلني وتشربني، فقالت لي وانت بعد اهتم فيني موب تطلع وتخليني (بدينا في العناد من الحين)... اتفقنا على موعد العرس ولما جاء الاب لكي يتفق معي على المهر انصعقت لما سمعت المبلغ فقلت ياعم ان المبلغ مبالغ مبالغ فيه حبتين ورخص لنا شوي

رفض الاب قطعياَ وتكرن علي، ففكرت في نفسي بأني لا استطيع جمع المال حق المهر، فقلت في نفسي فركش الزواج الزواج لابووها لابوو من يتزوجها، ثم قلت للاب اذهب وناد لي البنت ابيها، وكنت قد فكرت مسبقاً في ان اضع شروطا تعجيزيه كي تفر البنت مني وتصيح على أمها مابيه، فجاءت البنت وقلت لها انا عندي شروط زياده فقالت لي سم آمر فقلت لها: انا انسان حق مخمخه و خاصةً تالي الليول، فا لا تستغربين اذا رجفتك من بطنك تالي الليل وانتي نايمة وقلت لك صلحلي لي معسل والراس ابيه يكون ثلاث جمرات ومن الصغار والمويه ماتتعدي النص

وتحطين معها ثلج، فقالت لي والابتسامه تعلو خشتها: ابشر، بس عليم بالمعسل التونسي فإنه انقى وأصفى (طلعت خبره وراعية معسل)

فصخت العقال وبدأت في ضرب العائلة كنوع من تشويه سمعتي وأول ما بدأت به هو البزر ثم لحقت بالاب الى داخل البيت وانبرشت عليه مثل انبراشه الخليوي في كأس العالم اللي أقيمت في فرنسا وانطرد على أثرها (لا ويعابط الحكم ويقول ما سويت شي)





تحياتي:
همـ العشاق ـس