| |||||||
| التسجيل | التعليمـــات | صندوق المحادثات كاملا | قائمة الأعضاء | الأوسـمـة | التقويم | البحث | مشاركات اليوم | اجعل كافة الأقسام مقروءة |
| مجلس المواضيع العامة للمواضيع العامه والهادفه والمواضيع الساخنة والجديدة |
دردشة الجوارح مركز تحميل الجوارح عالم حواء تصفح بدون نوافذ مزعجة
 |  |
 |
 |  |  |  |  |
 |
| | LinkBack | أدوات الموضوع | إبحث في الموضوع |
|
#1 
15-08-2002, - 02:20 AM
| |||||
| |||||
| تخيل نفسك بنت تخيل لو في يوم من الايام تصير بنت !!!!! في يوم وانت قاعد تقرا كتاب رومانسي و مشغل اغنية رايقة و سرحان في حبيبة مجهولة , الاوامك داخلة عليك و توها جاية من الاستراحة و تقولك: يا ولدي ودي اكلمك في موضوع. ترد انت بكل خوف : خير يمه؟ تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: .... الشور شورك يا يمه إهئ إهئ تقول امك: انا بصراحة ما اشوف في البنت شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. يعني بنت ما عليها. تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امك: هي شافتك و انت نازل من باص المدرسة بس و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ وش يعشينا. تقول انت :اللي تشوفينه يمه. وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : اه اخيرا حست و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر و بدون اكمام (جبانيز) و ذاك المكياج وذاك العطر و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: يا يبه دايما تحرجني انت واي واي و تاخذ صينية العصير و تخش المجلس اللي فيه البنت و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) و تقولها تفضلي تقول هي: وش الاحاى العصير الاحمر و لا الاصفر؟ بزعمها تبي تلطف الجو معك تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة الا اخوانك يستنونك و يقولون: ها وشلون شكلها تقول انت: واي واي تهبل تهبل حلوة و دمها خفيف و ذوق اهههههه الا ابوك من المطبخ يلولش (يزغرط بالمصري) لللللللوووولللللوووووشششششششش مبروك يا ولدي الا بدخلة اختك العربجية من بره و حاطه عبايتها على كتفها و معلقة السجارة في فمها و تقول : خير وش فيه يقوله ابوك : قصري صوتك في وحده داخل خطبت اخوك تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن امها اللي جايه تخطب اخوي الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات . و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي) و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود و سارة وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي و يتم الزواج و بعد تسعة شهور الا انت تصرخ في الليل فيك الطلق و يودونك المستشفى و تولد و تجيب توأم وتطلع من المستشفى الى بيت اهلك علشان ينفسك ابوك ( النفاس 40 يوم) و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك ويزيد حدة الخلاف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول. لا لا لا لا لا لا لا لا لا لا والف مليون لا انا انتحر احسن لي مانيب قادر اكمل هل يا شباب تخيلتوا في يوم انكم تقولون : واي واي يهبل انا رايح انتحر احسن لي بس المشكلة اخاف اموت " تحياتي: همـ العشاق ـس   |
| روابط دعائية |
|
15-08-2002, - 05:53 PM
| #2 |
| جارح مع مرتبة الشرف  
|  اقوول ما لقيت غير بنت قول طباخ هندي <<<<<<<< يصرف الموضوع:D اقول همس العشاق انت اولا قول وبعدها نرد عليك :p :p تخيل لو كل الي قلت يعدي عليك ايش بتسوى  :D :D :D <<<<<< ملقووووووف |
 | |
|
15-08-2002, - 07:58 PM
| #3 |
| جارح مميز  
| ما قلنالك حبيبي انا افضل الانتحار صراحة ما اعتقد اني اقدر اتوقع اني بنت ولا اعتقد انه في بنت تتوقع نفسها رجال ولا انا غلطان؟؟؟؟ تحياتي: همـ العشاق ـس |
| | |
|
16-08-2002, - 12:13 AM
| #4 |
| جارح مع مرتبة الشرف
| اخوي همس بالنسبه لي احجز لي في اقرب مقبره يمك خخخخخخخخ اما بالنسيه لقوله ان البنات ما يحبون بلا والله كثير الي تتمنى :D :D وراح اثبت لك بعدين |
| | |
|
31-08-2002, - 07:39 AM
| #5 |
| جـارح جديد 
| إلى من عنده عقل " فالقانون لايحمل مغفلين" الرجل يتميز بشخصية القويه فما المانع أن يطلب منه ذلك ولكن لانغفل قضية الرغبه في ذلك فإن إختيار الزوجه أحد أركان البيت الرئيسية "وقد قيل - إبحث لبنتك الكفو وخل ولدك يختار لنفسه - " أما إن كان هذا الرجل يصل به الحياء إلى هذا الحد فكبر عليه أربعا ثم سلم لأنه لان يكون أمثال هذا الشخص خادما لبيته فضلا عن أن يخدم أمته ودينه. والسلام...... |
| | |
|
| مواقع النشر (المفضلة) |
| أدوات الموضوع | إبحث في الموضوع |
| |
المواضيع المتشابهه للموضوع: تخيل نفسك بنت | ||||
| الموضوع | كاتب الموضوع | المنتدى | مشاركات | آخر مشاركة |
| منو عنده بنت الحلال ؟؟؟؟ | شيخة ام خالد | مجلس الفرفشه والترفيه | 2 | 13-11-2008 - 12:46 AM |
| حصريا لعبة المصارعة WWE Raw Total Edition 2008 بحجم 415 ميجا كاملة على اكثر من سيرفر | kikostar | مجلس العاب الكمبيوتر والبليستيش بجميع أنواعها | 0 | 29-10-2008 - 12:42 AM |
| حصريا: مع الجمال والمتعه والاثاره واللعبه الاستراتيجيه الخطيره ( strong hold crasader ) بحجم خيالى | zzzzzzzz | مجلس العاب الكمبيوتر والبليستيش بجميع أنواعها | 0 | 28-10-2008 - 11:56 PM |
| لعبه الأكشن و القتال Warhammer 40000 Dawn Of War مضغوطه بحجم 262 ميجا و على أكثر من سيرفر | zzzzzzzz | مجلس العاب الكمبيوتر والبليستيش بجميع أنواعها | 0 | 28-10-2008 - 11:46 PM |
| systran برنامج الترجمه فى نسخته الاصليه بحجم 518mb | خدمة RSS | برامج جديدة - جديد المواقع | 0 | 27-10-2008 - 01:36 AM |
المواقع الصديقه | |||
الساعة الآن - 11:44 PM.
| SEO by vBSEO 3.2.0 |
