كل عام وانتم بخير

عربيد الجزار

يا هلا بسعادة الريس ..

يعلم الله اني كلما دخلت الموقع تخنقني العبره .. لي فيه ذكرى في كل زاويه و جدار و دريشه .. الله يعلم وش كثر معزة الموقع و اصحابه ..

و ان شاء الله ان قدرني ربي اني اشارك معكم قدر المستطاع .. و شكلي بكب مويه على فوتوشوب ام ساره يمكن يخرب !!

شرفتني والله اخوي ..

تحياتي ،،،

لحظة لقاء

dorah

عربيد الجزار

يا هلا و مسهلا بمبدعتنا الأخت العزيزه لحظة لقاء ،،،

تصدقين وانا اقرى ردك شكيت في نفسي .. رحت اشوف بطاقة الاحوال .. احسب اني الوليد بن طلال .. الحمدلله اني ماصرت الوليد .. يكفي وزري .. والله ما ني قاوي اشيل اوزار العالم ههههههههههههههههه

اسعدني مرورك .. خصوصا انك من الرعيل الاول للجوارح ..

تحياتي ،،،

عربيد الجزار

هلا وخيتي دره ،،،

اسعدني مرورك ..

تحياتي ،،،

oJgJl pJlc

وعليكم السلام ورحمة الله وبركاته


وانت بخير وصحة وسلامة أبو طلال [ مع الخيل يا شقرا ]




حتى انت وحشته ويسأل عليك دايم ،،، و سلامتك والله وما تشوف شـر

اقتباس:

على طاري الكحه .. وش الحل معها .. من دخل رمضان وانا اكحكح .. حتى وانا اكتب الموضوع جالس اكح .. ضنكم اني مسحور .. والله عقب مسلسل شر النفوس كل شي يصير .. خصوصا اني مزيون و يقولون ان مهند فيه شبه منك .. و اذا ابتسمت قالوا والله انك تشبه لميس .. واذا سرحت وابحرت بخيالي قالوا تشبه ليحيى .. والله احترت مع العالم .. صرت حبيس البيت .. حتى الصلاة صرت اصلي بالبيت و بنيت لي بالسطح مصلى .. اصلي انا بنتي سوير ..

أدهن صدرك بزيت خروع مدري زيتون ،،، أو فيكس [ لازم واحدة تضبط في الأخير ]

ودام السالفة فيها ساحر ومسحور تعال أقرى عليك

والا الغزو الفكري مأثر سلباً على نفسيتك

اقتباس:

على طاري المساجد .. اشوفها فضت .. وين العالم ما اشوفهم .. تصدقون اكتشفت كثير من الجيران توني ادري انهم ساكنين بحارتنا .. سبحان الله رمضان يجمع الناس .. الظاهر انهم دايم مسافرين و ما يرجعون الا برمضان عشان يصومون بين اهلهم ..

دامك حبيس البيت من الطبيعي ما تشوف جيرانك

اقتباس:

على طاري الأهل .. ام ساره مسويه بوليس سري .. وكلما دخلت موقع كفشتني .. حتى هي اللي ذكرتني بالجوارح .. تقول وش عندك داخل الجوارح قبل شهرين .. والله مدري شلون عرفت .. هي محترفه فوتوشوب .. شكل برنامج الفوتوشوب يعلمها أي موقع ادخله

تلاقيها سحبت فيك ،،، لاعرفت ولا درت عنك ،،، إثقل وقوي قلبك ^ـ*

اقتباس:

.. الحمدلله اني ما دخلت الموقع اللي عطانيه الشقاوي ..

الستر زين

اقتباس:

على طاري الشقاوي .. بالله احد شافه او سمع عنه .. والله اني مشتاق له .. عارف انه نذل و نكبه .. ودايم موهقني .. لكن الحب اعمى .. و مثل ما قال الشاعر .. الحب يذبح قلوب البعارين o0o حتى الحمير السود يلعن جدفها .. لا تلوموني في حبه ..

صح لسانك ،،، والله لا يحرمكم من بعض ^ـ^

اقتباس:

على فكره جوالي انسرق وكان فيه ارقام اعضا ءالجوارح .. و طلعت شريحه جديده و غيرت نوع الجهاز .. و ودي احط رقمي عشان يتصلون علي اعضاء الجوارح .. تعرفون غيرت الجهاز اخاف ما يعرفون رقم جهازي الجديد ((ياخي ما تعرف تصرف)) ..

الله يعوضك خير ،،، ترى العذر هذا بطلوهـ الحين احنا 2008 شوف لك عذر جديد

اقتباس:

ابيهم يعرفون اني ما اتصلت عليهم لأن ما عندي ارقامهم .. فياليت كل واحد يرسل لي رساله و يحط اسمه عشان اعرفه ..

غالي والطلب رخيص

123456789 لاترقم

اقتباس:

تصدقون ودي اركب جيب .. رحت للوكاله تويوتا ابي اشري جيب لكزس .. قالوا بـ 350 ألف ريال .. وجع والله لوني بركب كابرس هالحين ((بيعلمكم ان سيارته كابرس)) .. المهم قلت ما معي الا 15 الف .. تاخذونها و تسامحوني بالباقي .. ما دريت الا انا طاير من الدور الثاني .. قهر والله حتى مرره لقيت جيب مرور واقف على السريع مبنشر و على طول قمت و غيرت لهم الكفر وانا مبسوط ابيهم يركبوني معهم و يدورون بي شوي عشان اعلم العيال اني ركبت جيب .. قاموا عطوني مخالفه وقوف خاطئ ..

ما تقلبش المواجع ^ـ^

اقتباس:

حبيت والله اسلم عليكم يا اعضاء الجوارح و اهنيكم بالعيد .. صح ان اغلبكم ما اعرفه .. لكن غلاتكم من غلاة المنتدى .. و حبيت اهني خص نص ((وش عنده ابو شهاب الجزار)) .. الأعضاء القدامي .. مشعل الماستر ، فز الخفوق ، الشاهين ، عبادي ابو الشغالات ، رايق ، الشقاوي ، سجينك ، كان زمان ، الشطرنج ، وينك طلال ، وعالم الوله .. اسماء والله كثيره .. والله ما اجمع .. ماش السن له احكام .. ما عاد فيه ذاكره الله يخلف علينا بالجنه و الحور العين ..

الله يسلمك ،،، وكل عام وانت بخير

& مرسي إنك افتكرتني

إلى اللقاء ^ـ^ <--<< تيلي تابيز [ سامع فيه أكيد ؟ ]

عربيد الجزار
بإنتظار عودتك وجديدك
لا عدمناك