حوار بين اثنين لايفوتكم

شوفوا هالحوار بين واحد دب والثاني نحيييييييييف مره مره

الاول اسمه (حسين انتل) نحيف مررررررره
الثاني (سعد التفخ ) دب مررررره

وكلهم عيارين من الدرجه الاولى تقابلو وهم توهم موسعين
الصدر وصار بينهم الحوار التالي

الانتل: وينك فيه يا التفخ سمعت انك متنكر وموقف في الشارع والعالم يدورن حواليك يحسبونك دوار

التفخ: لا يا جنط انا اللي سمعت انك متنكر وخاش مكتبه وقاعد على اساس انك قلم رصاص

الانتل: يا رجال كل تراب والله لو تصبغ جوانبك اسود وظهرك اصفر صرت كنك حراثه

التفخ: الحين متزاين جسمك والا نسيت يوم طلعنا البر ونمت على طعس بغى يدعسك ونيت يحسبك حيه

الانتل: ابحلف بالله ..انت وجسمك انك لو تنسدح على جنبك الايسر (وترفع يدك اليمنى صرت كنك حرف(ط

التفخ: قوووووويه هاههاهاهاهاه لكن شكلك نسيت يوم تمرض وتروح (x)الدكتور وقال نبي نسوي لك اشعه
قال مايحتاج وخذك وحطك على نجفه وشاف وش اللي فيك

الانتل: يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك

التفخ: ايه ولين ركبت جنبي قمت اعشق فيك احسبك القير من نحفك

الانتل: أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص

التفخ: اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير

الانتل : تدري كل ماشفتك ياالتفخ تذكرت رجال كفرات ميشلان اللي في الدعايه

التفخ: تصدق بالله لو نشبك في يديك اسياخ صرت كنك حارس فرفيره

الانتل : مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا

التفخ : ماشفت نفسك وانت واقف ترى رجليك ساق ركبه ساق

الانتل :اقول سمعت ان اهلك يروشونك في الحوش بمكانس من كبرك

التفخ: انا سامع انك تتروش في المغسله

الانتل: انا سمعت انهم صوروك يبون يطلعون لك جواز وحطو صورتك وكتبو تحتها تتبع في الصفحه الاخرى

التفخ : ان سمعت انهم صوروك 4 في 6 طلعت كلك

-------------------------------------------------------------------------------------
ارجو من الاخوة والاخوات العفو والاعتذار لهم
لاني مش اللي جبت هالموضوع
لكن لقيته في بريدي الخاص
قلت يالله اوديه المنتدى
لان المنتدى اسمه الجوارح ونبي نجرحكم

-------------------------------------------------------------------------------------
اخوكم المحب
ابومشاري2002