[gl]اسعد الله اوقااتكم بكل خير وعاافيه .................
تسيف الحال
انا النهارده
عندي لكم قصة
وقصة واقعية ليست من نسج الخيال
من اخوكم
رااااااااااااااااااسب في الحب
باسم الله ابدأ
يقولكم نوبة من النواييب
كنت كما العادة ادرس بالجامعة
وكنت ادرس عند الدكتور (ح.ف)
في مادة 101 عرب
الا وتجيكم السالفة
اول خمس اسابيع ماشفناه<<<انوااااااااااااع الدجة
واكتشفنا انه كان مفروض يجينا الدكتور (ع . ف ) واحد ثاني لاتغركم الفاء!!!!!
المهم والدكتور ع ف صاير له مشكلة مع رئيس القسم عشان احد الشعب الي درسها بالصيفي
ومادرينا الا وجانا ح . ف
وبدينا ندرس
وبدا يكرفنا
محاضرة بالاسبوع ساعتين
وجا الاختبار الاول زي العسل
حاط لنا اثنعشر فقرة ويقول حلوا عشرة وتاخذون درجة عشرين من عشرين
انا بالنسبة لي ماتعوق مع العرب والاعراب
واجيكم واحل عشر بس واجيب عشرين من عشرين
المصيبة اكتشفت ان خوياي من جنبها كلهم تحت الخمس طعضات
ومعظمهم تحت العشرة وحول الثمانية
المهم جا الاختبار الثاني
ووش سوا خوينا
جاكم قال فيه درس ناقص لازم ندرسه وحنا متاخرين
قال اعطيكم اياه قبل الاختبار
وهو من اصعب الدروس يعتبر
العدد والمعدود واعرابه وعليكم الباقي
المهم جا يوم الاختبار وعطانا اول ساعة درس مع اننا حاولنا بووووه بس عيا
جت الساعة الثانية وعطانا فيها اختبار
انا من الدجة الي بالمحاضرة الي قبلها صرت مدري وش الطبخة
واحل واطلع
ويوم صار الاسبوع الي بعده الي هو الاسبوع الاخير
جا وعطانا درجاتنا
والاها دججججججججججة
انا احسن واحد جايب سطعش من عشرين
والشلة كلهم تحت الثمانية
مدري ليه كلهم دجججة
يمكن لانهم علمي وانا ادبي
المهم حاولنا به
ملالالالالالالالالالالالالالالالاحظة
هنا تبدا القصة
============
حاولنا به تكفى يابن الحلال زودنا عدل بدل
اختبارك صعب
وهو من جد الاختبار صعب شوي
المهم الرجال ماسكة معه مابي اعطيكم شي
قلنا طيب اختبارك صعب
قال اثبتولي انه صعب انا معطيكم شي ماشرحته لكم؟؟؟عليه اثبااااااااااات
قلنا قارن اختبارات الشعب الثانية كل اسئلتهم سهلة
قال مافيه درجات روحو بس
جيت انا وجدعت وجهي وقلت
يادكتور
ياخوي قل مابي اساعدكم وخلاص
قال لا انا باساعدكم بالنهائي
اذا واحد ناقصه نص درجة على النجاح انجحه
قلت انا لا مانبي هالمساعدة
ساعدنا هالحين والنهائي خله على ربك
قال مافيه
حاولو فيه الطلاب
المهم جيت وجدعت خشتي مرة ثانية بعد ما ساد لصمت
قلت دكتور
قال نعم
قلت عندي سؤال ممكن؟
قال تفضل
قلت وش جمع علامة....مو علامة ضرب وطرح لا اقصد عللللللامة يعني زي علامة الجزيرة حمد الجاسر
قال علللللامات
قلت لا
قال اجل علاليم
قلت لا
قال ملاليم
قلت يادكتور وشبك قلبتها؟
قال وش جمعها يافلان
قلت مالها جمع
وجلسنا بلحظة صمت لمدة ثواني.............
بعدين قلت
ياخي اذا ماتعرف قل ماعرف مهوب عيب
وكرررررررررررررررررو الشباب ضحك
وحمممممممممممرت خشته
جاواحد تلقف الله ياخذه وقال تكفا يادكتور ساعدنا مافيه وظايف
قلت للولد انثبر
مابقى الا تقوله الرياض زحمة
قال الدكتور اذا هي زحمة ترا برا مافيه احد فاضي
قلت ايه ادري انه فاضي
هذاني باروح للفاضي
واقول سلام عليكم واطلع واخليهم
وجا النهائي
وحليت زيييييييييييييييين
وابن الي مانيب قايل
انا ناقصن اربع درجات من اعمال السنة
جا عطاني ب+
والله اني استحق الالف بالراحة لكن حسبي الله على الظالم
على فكرة
الي يظلم بالدرجات مانقدر نشكيه؟؟؟
ردوا لو سمحتوا وافيدونا
اخووووووووووووكم
راااااااااااااااااسب في الحب [/gl]
قصه واقعيه ...... مع الدكتوور (ح / ف ).....ردو لو سمحتوا وافيدوناااا 
المواضيع المتشابهه 
