حلم ضايع؟؟!!

وقفت بآخر الشارع اعد الوقت وانتظره
وأنا شايل معى ورده وحلم وكلمتين عتاب
يمر الوقت يتمخطر ويمشى خطوته بطره
تقول انه يذكرنى بجرحى اللى ابد ماطاب
احرك عقرب الساعه وخفت اتسبب بكسره
وانا افرضه يحسب لاعمار الثوانى حساب
بغيته ينقلب فارس يسل السيف من خصره
ويقتل مابقى من وقت ويهَدى قلبى المرتاب
احط شوى من عطرى واحط شوى من عطره
يمكن ينتشى مثلى ويفتح للمعانق باب
سرحت بجنة احلامى امنت للوقت ومكره
واثر نيته لى سودى وصدقه غادر وكذاب
صحيت اناظر الساعه واذا عدت العشره
اقول وش أخره عنى ؟ علامه سيد الاحباب!
ابلومه لاحضر هالحينوقام يقول لى عذره
واطنش حيل واتغلى وانا أحس فؤادى ذاب
جلست اراجع الماضى وليه ماكذب مره
لقيت انى ادور له عذر اقوى من الاسباب
تناظرنى عيون المها ولاادرى وش ورى النظره
اظنه عارف وساكت علامه عن عيونى غاب
حبيبى انقضت ساعه وصبرى انقضى صبره
وحلم انولد توه اشوفه فى عيونى شاب
نشف دمى وانا واقف ولااظن بقى قطره
ولعنته جفن مايقوى يقيد دمعى المنساب